ક્રિકેટ / પાકિસ્તાન-અફઘાનિસ્તાન મેચમાં હાઈ વૉલ્ટેજ ડ્રામા, સ્ટેડિયમમાં થઈ ઝંડાવાળી, જુઓ વીડિયો

• પાકિસ્તાન-અફઘાનિસ્તાન ટીમના ફેન્સ વચ્ચે બબાલ !
• બંન્ને ટીમના ચાહકો વચ્ચે તુ તુ મેં મે સર્જાઈ હતી
• સોશિયલ મીડિયા પર એક વીડિયો વાયરલ થયો

ગત વર્ષે સંયુક્ત આરબ અમીરાતમાં એશિયા કપ રમાયા હતો. જ્યાં પાકિસ્તાન અને અફઘાનિસ્તાન વચ્ચે રમાયેલી મેચમાં ખેલાડીઓ વચ્ચે ઝઘડો થઈ ગયો હતો. જે ઝઘડાની અસર ચાહકોમાં પણ જોવા મળી હતી. એક બીજી ટીમના ચાહકોએ સ્ટેડિયમમાં જ મારામારી ચાલુ કરી દીધી હતી. એટલું જ નહી પરંતુ ચાહકોએ ખુરશીઓ ઉઠાવીને એકબીજા પર ફેંકી પણ હતી. આ બંને ટીમો વચ્ચે તાજેતરમાં ત્રણ મેચની વનડે શ્રેણી રમાઈ હતી. જેમાં પાકિસ્તાને 3-0થી જીત મેળવી હતી. જો કે, આ બધાની વચ્ચે પણ મેચના અંતેમાં બંને ટીમના ચાહકો ફરી એક બીજા સાથે લડતા જોવા મળ્યા હતા.

What is happening here? Araam se aik match nai dekha jaata poora 🤦‍♂️

Bhai, yeh sab na karo. Abhi Asia Cup aur World Cup bhi hay. Phir se alag alag stands mein bethna par jaega 🙏🙏 #AFGvPAK #AsiaCup2023 pic.twitter.com/pYl45XrTtF

— Farid Khan (@_FaridKhan) August 26, 2023

પાકિસ્તાન અને અફઘાનિસ્તાનની મેચમાં શું થયું ?
આર પ્રેમદાસા સ્ટેડિયમમાં રમાયેલી ત્રીજી મેચમાં પાકિસ્તાને અફઘાનિસ્તાનને ખરાબ રીતે હરાવ્યું હતું. જે સમયનો સોશિયલ મીડિયા પર એક વીડિયો વાયરલ થઈ રહ્યો છે. જે વીડિયો ત્રીજી મેચનો હોવાનો દાવો કરવામાં આવી રહ્યો છે. જેમાં જોઈ શકાય છે કે, બંન્ને ટીમના ચાહકો સામસામે આવી ગયા હતા.

બબાલનો વીડિયો વાયરલ
જે વીડિયોમાં જોઈ શકાય છે કે, ચાહકો પોતપોતાના દેશના ધ્વજ સાથે બેસીને મેચની મજા માણી રહ્યા હતા. જે દરમિયાન બંને દેશના ફેન્સ વચ્ચે કોઈ વાતને લઈને બબાલ થઈ હતી. જેને લઈ બંને ટીમના ચાહકો પોતપોતાની સીટ પર ઉભા થઈ ગયા હતા બોલાચાલી કરવા લાગ્યા હતા. જ્યારે પાકિસ્તાન ટીમનો એક ચાહક પાકિસ્તાનનો ધ્વજ ઊંધો પકડીને અફઘાનિસ્તાનના ચાહકને ધ્વજ ડંડો બતાવી રહ્યો હતો અને ધમકી પણ આપતો હતો. જે ઘટના  દરમિયાન અન્ય ચાહકો પણ દલીલબાજી કરી રહ્યાં હતા. 

ક્રિકેટ જગતમાં ખૂબ ચર્ચા થઈ હતી
ગત વર્ષે જ્યારે એશિયા કપમાં બંને ટીમોના ચાહકો હોબાળો મચાવ્યો હતો, તે ચર્ચાનો કેન્દ્ર બન્યો હતો. જે સમગ્ર બાબતની ક્રિકેટ જગતમાં ખૂબ ચર્ચા થઈ હતી. ત્યારે નિર્ણય લેવાયો હતો કે, આગામી મેચમાં બંને ટીમના ચાહકોને અલગ-અલગ બેસાડવામાં આવશે. આ બંને ટીમો એશિયા કપમાં પણ આમને-સામને રમવાની છે. 5 ઓક્ટોબરથી શરૂ થઈ રહેલા વન-ડે વર્લ્ડ કપમાં પણ ભાગ લેવાની છે, ત્યારે પણ આ ટીમોના ચાહકો એકબીજા સાથે હંગામો મચાવે તો નવાઈ નહી કહેવાય.