અમદાવાદના હાટકેશ્વર બ્રિજને લઈને વીટીવી ન્યૂઝના અહેવાલ બાદ AMC જાગ્યું છે, મનપા કમિશનર એમ થેન્નારાસન અને મુકેશ કુમાર બ્રિજનું નિરીક્ષણ કર્યું તેમજ બ્રિજના બે એજન્સીના રિપોર્ટ IIT રૂડકી ખાતે મોકલવામાં આવ્યા છે.
હાટકેશ્વર બ્રિજને લઈને VTV NEWSના અહેવાલ બાદ AMC જાગ્યું છે. હાટકેશ્વર બ્રિજ કૌભાંડ મામલે તપાસના આદેશ બાદ મનપા કમિશનર એમ થેન્નારાસન અને મુકેશ કુમાર બ્રિજનું નિરીક્ષણ કર્યું હતું. હાટકેશ્વર બ્રિજના બે એજન્સીના રિપોર્ટ IIT રૂડકી ખાતે મોકલવામાં આવ્યા છે.
બ્રિજનું નિરીક્ષણ કર્યું
સરકારી આદેશ બાદ મનપા કમિશનર બ્રિજની સ્થળ તપાસ કરવા પહોંચ્યા હતા અને બ્રિજનું નિરીક્ષણ કર્યું હતું. આ અંગે કમિશનરએ જણાવ્યું હતું કે, રૂડકી ખાતે રિપોર્ટ મોકલવામાં આવ્યા છે રિપોર્ટ આવ્યા બાદ નિર્ણય લેવામાં આવશે. અને જે તે અધિકારી જવાબદાર હશે તેમની સામે પગલાં લેવામાં આવશે. હાટકેશ્વર બ્રિજ કૌભાંડ મામલે વિપક્ષ નેતા શહેજાદખાન પઠાણે પણ આક્ષેપો કરતા કહ્યું હતું કે, બ્રિજ ને લઈ હજુ સુધી કોન્ટ્રાકટર કે જવાબદાર અધિકારીને નથી નોટિસ અપાઈ. અગાઉ અજય ઇન્ફ્રાસ્ટક્ચરને રૂ 2.36 કરોડ ની પેનલ્ટી લાગી હતી. જોકે અજય ઇન્ફ્રાસ્ટક્ચરને માત્ર 23 લાખ ભરીને પતાવટ કરવામાં આવી હતી. સત્તધીશોના અજય ઇન્ફા સામે કાર્યવાહી નથી થઇ રહી અને તેને છાવરવામાં આવી હોવાના વિપક્ષ નેતા આક્ષેપો કર્યા છે
કટકી બાજ કોન્ટ્રાક્ટર
હાટકેશ્વર બ્રિજ હાલ રાજ્યમાં ચર્ચાનો વિષય બન્યો છે કારણ કે માત્ર 5 વર્ષમાં કટકી બાજ કોન્ટ્રાક્ટરએ બ્રિજની હાલત ખખડધજ કરી નાખી અને પ્રજાના ટેક્ષના પૈસા પાણીમાં ડૂબાડ્યા છે. તંત્ર હવે આ બ્રિજને લઇ તપાસ શરૂ કરી છે. બ્રિજના બે એજન્સીના રિપોર્ટ IIT રૂડકી ખાતે મોકલવામાં આવ્યા છે. સરકારી આદેશ બાદ મનપા કમિશનર બ્રિજની સ્થળ તપાસ કરવા પહોંચ્યા હતા અને બ્રિજનું નિરીક્ષણ કર્યું હતું. આ અંગે કમિશનર એ જણાવ્યું હતું કે રૂડકી ખાતે રિપોર્ટ મોકલવામાં આવ્યા છે રિપોર્ટ આવ્યા બાદ નિર્ણય લેવામાં આવશે. અને જે તે અધિકારી જવાબદાર હશે તેમની સામે પગલાં લેવામાં આવશે.
બ્રિજને હાલ તોડવો પડે તેવી પરિસ્થિતિ
બ્રિજ અંગે મનપા અસમંજસમાં છે કારણ કે, બ્રિજને હાલ તોડવો પડે તેવી પરિસ્થિતિ સર્જાઈ છે પરંતુ તંત્ર રૂડકીના રિપોર્ટની રાહ જોઈએ રહ્યું છે. ત્યારે સવાલ અહીં કોન્ટ્રકટર અજય ઇન્ફ્રા સ્ટકચરને બચાવવા તંત્ર ક્યાંક ભીનું સંકેલતું હોય તેવું લાગી રહ્યું છે. વર્ષ 2014માં બ્રિજના કામની મંજુરી આપવામાં આવી હતી. અગાઉ અજય ઇન્ફ્રાસ્ટક્ચરને રૂ 2.36 કરોડની પેનલટી લાગી હતી પરંતુ માનીતા એવા અજય ઇન્ફા.ને માત્ર 23 લાખ ભરીને પતાવટ કરવામાં આવી હતી. તો વિપક્ષ નેતા આક્ષેપ કર્યા છે કે સત્તધીશોના માનીતા હોવાથી અજય ઇન્ફા સામે કાર્યવાહી નથી થઇ રહી અને તેને છાવરવામાં આવી રહ્યો છે
લોકોને હાલાકી
બ્રિજને લઇ સ્થાનિકો છેલા 6 મહિનાથી પરેશાન છે. ધંધા રોજગાર બંધ છે તો ક્યાંક ટ્રાફિકની સમસ્યા અહીંના સ્થાનિકો ને સતાવી રહી છે. સ્થાનિકો ના મત મુજબ બ્રિજ અંગે તંત્ર જલ્દી નિર્ણય લે તેવી માગ કરી રહ્યા છે. 40 કરોડમાં અજય ઇન્ફ્રાએ બનાવ્યો છતાં 5 વર્ષ પણ આ બ્રિજ ન ટકી શક્યો અને બ્રિજ હવે તોડવો પડે તેવી પરિસ્થિતિ સર્જાઈ છે. અજય ઇન્ફા. દ્વારા હાલ પલ્લવ ચાર રસ્તા બ્રિજનું કામ કરવામાં આવી રહ્યું છે. ગોતા રેલવે ઓવરબ્રિજ પણ અજય ઈન્ફાએ બનાવ્યો હતો. ત્યારે હવે આ બ્રિજમાં કૌભાંડ આચારનાર કોન્ટાક્ટર અને અધિકારીઓ સામે શું કાર્યવહી થાય છે તે જોવાનું રહ્યું.
