આર્ટ ઓફ ગેલરી / ઐતિહાસિક નગરની ઓળખમાં થશે વધારો, વડનગરમાં લાગશે PM મોદીના બાળપણનું સ્ટેચ્યૂ

વડનગરમાં PM મોદીના બાળપણનું લગાવાયુ સ્ટેચ્યુ
ચાની કિટલી સાથેનું PMના બાળપણનું સ્ટેચ્યુ જોવા મળશે
PMના બાળપણના સ્ટેચ્યુ સાથે નગરના ઇતિહાસની ઝાંખી

વડનગર ઈતિહાસિક દ્રષ્ટીએ અનેક ગણું મહત્વ ધરાવે છે વડનગરમાં હરપ્પા સંસ્કૃતિથી લઈને મહાભારત કાળમાં પણ વડનગરનો ઉલ્લેખ થયેલો જોવા મળે છે વડનગરમાં અનેક સ્મારકો આજે પણ અડીખમ ઉભા છે તેમજ હાટકેશ્વર મંદિર અને કીર્તિ તોરણ એ તેની વિશેષ ઓળખ છે પરતું તેની ઓળખમાં હવે વધારો થવા જઈ રહ્યો છે.


પ્રવાસીઓ માટે આકર્ષણનું કેન્દ્ર બનશે

વડનગર વડાપ્રધાન મોદીનું ગામ તરીકે ઓળખ તો ધરાવે છે પરતું હવે તેમનું ગામ ત્યાં બનાવવામાં આવેલી આર્ટ ઓફ ગેલેરીના નામથી પણ ઓળખાશે. વડાપ્રધાનના માદરે વતન વડનગરની મધ્યમાં નગરની શોભા વધારતો ઐતિહાસિક ટાવર વર્ષો અગાઉ ધરાશાયી થઈ ગયો હતો.

સેન્ટ્રલાઈઝ એસી સાથેની આર્ટ ગેલરી બનાવવામાં આવી 
આ ટાવર ફરી બનાવવા લોકોમાં માગ ઊઠતાં સરકારમાં રજૂઆત કરવામા આવી હતી જેની મંજૂરી મળતા ટૂરિઝમ વિભાગ દ્વારા કામગીરી હાથ ધરાઇ હતી.કરોડોના ખર્ચે બનેલા આ ટાવર નગરની શોભા વધારી રહ્યો છે. એની સાથે એક માળની સેન્ટ્રલાઈઝ એસી સાથેની આર્ટ ગેલરી પણ બનાવવામાં આવી છે, જે પ્રવાસીઓ માટે આકર્ષણનું કેન્દ્ર બની રહશે. 

80 ફૂટ ઉંચો ટાવર-આર્ટ ગેલેરી નગરની બનશે ઓળખ

વડનગરમાં આ આર્ટ ઓફ ગેલરીમાં વડાપ્રધાન મોદીનું બાળપણનું સ્ટેચ્યૂ તૈયાર કરવામાં આવનાર છે જેમાં બાળપણમાં વડાપ્રધાન મોદી ચાની કીટલી સાથે ઉભા હોય તેવી પ્રતિતિ થતી જોવા મળી રહી છે. આ આર્ટ ઓફ ગેલરી ક્યારે બનશે તેની હવે લોકો આતૂરતાથી રાહ જોઈ રહ્યા છે. 

PMના બાળપણના સ્ટેચ્યુ સાથે નગરના ઇતિહાસની ઝાંખી

વડનગરમાં કરોડોના ખર્ચે બનાવામાં આવેલો 80 ફૂટનો વોચ ટાવર એટલો મજબૂત અને અદ્યતન છે કે તેની પાસે 100 માળની બિલ્ડિંગ બનાવવામા આવે તો પણ ટાવરને કંઈ ન થઈ શકે મહત્વનું છે કે અગાઉનો ટાવર ધરાશાયી થતા ટૂરિઝમ વિભાગે 22 મજબૂત પાયા પર આ ટાવર ઉભો કર્યો છે. તેની બાજુમાં હવે આર્ટ ઓફ ગેલરી તૈયાર થનાર છે જેમા વડાપ્રધાન નરેન્દ્ર મોદીના બાળપણની ઝાંખી જોવા મળશે. જેની લોકો હવે આતૂરતાથી રાહ જોઈ રહ્યા છે.