BIG NEWS / કોંગ્રેસના આ દિગ્ગજ નેતા પર થ્રેટ પર્સેપ્શન, IBએ રિપોર્ટ આપતા ગૃહવિભાગે તાબડતોબ Z+ સુરક્ષા આપી

કોંગ્રેસ અધ્યક્ષ મલ્લિકાર્જુન ખડગેની સુરક્ષાને લઈને ગૃહ મંત્રાલયે મોટું પગલું ભર્યું છે. ગૃહ મંત્રાલયના સૂત્રોના જણાવ્યા અનુસાર ગૃહ મંત્રાલયે ખડગેને VIP સુરક્ષા આપવાનો નિર્ણય લીધો છે એટલે કે હવે કોંગ્રેસ અધ્યક્ષને Z Plus સુરક્ષા આપવામાં આવી છે. જણાવવામાં આવી રહ્યું છે કે આ નિર્ણય ગુપ્તચર એજન્સી આઈબીના ધમકીના અહેવાલના આધારે લેવામાં આવ્યો છે. મલ્લિકાર્જુન ખડગે હવે CRPF કમાન્ડો દ્વારા સુરક્ષિત રહેશે.

Z+ શ્રેણીની સુરક્ષામાં  58 કમાન્ડો કરે છે સુરક્ષા 

યલો બુક ઓફ સિક્યોરિટી અનુસાર, Z પ્લસ કેટેગરીની સુરક્ષામાં VIPની આસપાસ ચુસ્ત બંદોબસ્ત હોય છે. સૂત્રો પાસેથી મળેલી માહિતી મુજબ Z+ શ્રેણીની સુરક્ષામાં  58 કમાન્ડો તૈનાત હોય છે. સુરક્ષા બાબતોની યલો બુક મુજબ, Z Plus શ્રેણીની સુરક્ષામાં  10 સશસ્ત્ર સ્ટેટિક ગાર્ડ અને  6 PSO રાઉન્ડ ધ ક્લોક તૈનાત હોય છે.

બે પાળીમાં 24 સૈનિકો, 2 એસ્કોર્ટ્સ રાઉન્ડ ધ ક્લોક અને 5 વોચર્સ હોય છે. ઇન્સ્પેક્ટર અથવા સબ-ઇન્સ્પેક્ટરને ઇન્ચાર્જ તરીકે મૂકવામાં આવે છે. VIP હાઉસમાં આવનારા લોકો માટે 6 ફ્રિસ્કિંગ અને સ્ક્રીનિંગ કર્મચારીઓ તૈનાત હોય છે અને તેની સાથે 6 ડ્રાઈવરો ચોવીસ કલાક કાર્યરત હોય છે.

તમને જણાવી દઈએ કે ગૃહ મંત્રાલયની સુરક્ષાની 'યલો બુક'ના આધારે, Z પ્લસ કેટેગરીની સુરક્ષા સિવાય, VIP લોકોને અન્ય ઘણી પ્રકારની સુરક્ષા પણ આપવામાં આવે છે, જેમાં Z કેટેગરી, Y પ્લસ કેટેગરી, Y કેટેગરી અને એક્સ શ્રેણી જેવી સુરક્ષા શામેલ છે. 

Z શ્રેણી સુરક્ષા

Z શ્રેણીની સુરક્ષા માટે કુલ 33 સુરક્ષા ગાર્ડ તૈનાત હોય છે. સશસ્ત્ર દળોના 10 સશસ્ત્ર સ્ટેટિક ગાર્ડ VIPના ઘરે રોકાય છે. 6  PSO રાઉન્ડ ધ ક્લોક , 12 સશસ્ત્ર એસ્કોર્ટ કમાન્ડો ત્રણ શિફ્ટમાં, 2 પાળીમાં વોચર્સ અને 3 પ્રશિક્ષિત ડ્રાઇવરો ચોવીસ કલાક હાજર રહે છે.

Y પ્લસ શ્રેણી સુરક્ષા

આ પ્રકારની સુરક્ષામાં સશસ્ત્ર પોલીસના 11 કમાન્ડો તૈનાત હોય છે, જેમાં 5 સ્ટેટિક પોલીસ કર્મચારીઓ સુરક્ષા માટે VIPના ઘરોમાં અને તેની આસપાસ રહે છે અને 6 PSO ત્રણ પાળીમાં સુરક્ષા પૂરી પાડે છે.

Y શ્રેણી સુરક્ષા

આ રક્ષણ એવા લોકોને આપવામાં આવે છે જેઓ ઓછા જોખમમાં હોય. આમાં કુલ 8 સુરક્ષાકર્મીઓ સામેલ છે. જેમાં જે VIPને સુરક્ષા આપવામાં આવે છે, તેના ઘરે પાંચ સશસ્ત્ર સ્ટેટિક ગાર્ડ તૈનાત હોય છે. ઉપરાંત, ત્રણ PSO ત્રણ શિફ્ટમાં સુરક્ષા પૂરી પાડે છે.

આ પણ વાંચોઃ  ખેડૂતો પોતાની આવક કેવી રીતે વધારી શકે? PM મોદીએ આપી સૂચક વિગત, કહ્યું આ ખેતી અલગ કરો

X શ્રેણી સુરક્ષા

આ શ્રેણીમાં 3 સુરક્ષા ગાર્ડ તૈનાત હોય છે. જેમાં એક PSO (પર્સનલ સિક્યુરિટી ઓફિસર) હોય છે. દેશમાં ઘણા લોકો X શ્રેણીની સુરક્ષાનો આનંદ માણે છે. આ સુરક્ષામાં કોઈ કમાન્ડો સામેલ નથી. એક PSO માત્ર 3 શિફ્ટમાં VIPને પોતાની સાથે લઈ જઈ શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો