એક્સાઈઝ સ્કેમ / મનિષ સિસોદીયા કેસમાં સામે આવ્યાં મોટા સમાચાર, EDએ કોર્ટને કરી જાણ, આજે પણ ન મળ્યાં જામીન

• દિલ્હીના પૂર્વ ડેપ્યુટી સીએમ સિસોદીયા બરાબરના ફસાયા
• કોર્ટે આજ પણ જામીન આપવાનો કર્યો ઈન્કાર
• સીબીઆઈ કેસમાં 27 એપ્રિલ સુધી વધી કસ્ટડી
• ઈડી કેસમાં 29 એપ્રિલ સુધી રહેશે કસ્ટડીમાં 

દિલ્હીની રાઉઝ એવન્યુ કોર્ટે સોમવારે મનીષ સિસોદિયાની જ્યુડિશિયલ કસ્ટડી સીબીઆઇ કેસમાં 17 એપ્રિલ અને ઇડી કેસમાં 27 એપ્રિલ સુધી વધારી દીધી છે. આ પહેલા ત્રણ વાર કોર્ટ સિસોદીયાની કસ્ટડી વધારી દીધી છે. સિસોદીયા સામે સીબીઆઈ અને ઈડી એમ બે એજન્સી તપાસ ચલાવી રહી છે. 

The Court also extended Manish Sisodia's judicial custody till May 1, in CBI case as well.

— ANI (@ANI) April 17, 2023

એપ્રિલના અંત સુધીમાં ફાઈલ થશે ચાર્જશીટ 
કોર્ટે ઇડીના વકીલની એ રજૂઆતોની પણ નોંધ લીધી હતી કે એજન્સી આ મહિનાના અંત સુધીમાં ચાર્જશીટ (પ્રોસિક્યુશન ફરિયાદ) દાખલ કરવા જઈ રહી છે.એક્સાઇઝ કૌભાંડ કેસમાં આરોપી મનીષ સિસોદિયા, અરૂણ રામચંદ્ર પિલ્લઇ અને અમનદીપ ધલની જ્યુડિશિયલ કસ્ટડીમાં પણ વધારો કરવામાં આવ્યો છે. રાઉઝ એવન્યુ કોર્ટે ઈડી દ્વારા દાખલ કરવામાં આવેલા કેસમાં અરુણ પિલ્લઈ અને અમનદીપ ધલની ન્યાયિક કસ્ટડી 29 એપ્રિલ સુધી વધારી દીધી છે.

સિસોદિયાની 26 ફેબ્રુઆરીએ ધરપકડ કરાઈ હતી 
આપ નેતા મનીષ સિસોદિયાની આ કેસમાં લગભગ આઠ કલાકની પૂછપરછ બાદ 26 ફેબ્રુઆરીએ ધરપકડ કરવામાં આવી હતી અને અધિકારીઓએ કહ્યું હતું કે તેમના જવાબો સંતોષકારક નથી. બાદમાં તેમણે દિલ્હીના નાયબ મુખ્યમંત્રી પદેથી રાજીનામું આપ્યું હતું. નવી દિલ્હી: એક્સાઇઝ પોલિસી કૌભાંડ મામલે સીબીઆઇ દ્વારા દિલ્હીના મુખ્યમંત્રી અરવિંદ કેજરીવાલની લગભગ નવ કલાક સુધી પૂછપરછ કરવામાં આવી હતી.

52 દિવસથી જેલમાં છે બંધ
8 કલાકની પૂછપરછ બાદ સીબીઆઈએ 26 ફેબ્રુઆરીએ  મનીષ સિસોદિયાની ધરપકડ કરી હતી ત્યારથી આજ દિન સુધી તે જેલમાં છે. તેમને ધરપકડને 52 દિવસનો સમય થયો છે. 

શું છે દિલ્હી દારૂ ‘કૌભાંડ’ કેસ?
નવેમ્બર 2021 માં, દિલ્હી સરકારે ખૂબ જ ઉત્સાહ સાથે નવી આબકારી નીતિ શરૂ કરી. આ કારણે દિલ્હીમાં દારૂ ખૂબ સસ્તો થઈ ગયો અને છૂટક વેપારીઓને પણ છૂટ આપવામાં આવી. જો કે, ભાજપે આરોપ લગાવ્યો છે કે દારૂના લાયસન્સની વહેંચણીમાં ગોટાળા થઈ રહ્યા છે. પસંદગીના ડીલરોને લાભ મળ્યો હતો. જુલાઈ 2022 સુધીમાં, આ મામલો  એટલો ચગ્યો કે ઉપરાજ્યપાલે મુખ્ય સચિવ પાસેથી રિપોર્ટ માંગ્યો. રિપોર્ટના આધારે એલજીએ સીબીઆઈ તપાસને મંજૂરી આપી હતી.