કુદરતી આફત / 300થી વધુ લોકોનાં મોત, અનેક ઘર જમીનદોસ્ત: વાવાઝોડાં Freddyએ આ દેશમાં મચાવી ભારે તબાહી

• બે કરોડની વસ્તી ધરાવતા ગરીબ આફ્રિકન દેશ માલાવીમાં ભયંકર વાવાઝોડું
• વાવાઝોડાં Freddyએ માલાવીમાં ભારે તબાહી મચાવી
• Freddyને કારણે અત્યાર સુધીમાં 326 લોકોના થયા મોત 

વિશ્વના અનેક દેશોમાં એક બાદ એક કુદરતી આફતો સામે આવી રહી છે. આ દરમિયાન હવે માત્ર બે કરોડની વસ્તી ધરાવતા ગરીબ આફ્રિકન દેશ માલાવીને હવામાનની ભારે અસર થઈ છે. તાજેતરના ચક્રવાત ફ્રેડીએ આ લેન્ડલોક દેશમાં તબાહી મચાવી છે. અત્યાર સુધીમાં 326 લોકોના મોત થયા છે અને સમય સાથે મૃત્યુઆંક વધી રહ્યો છે.

આફ્રિકન દેશ માલાવીમાં સ્થિતિ એટલી ખરાબ થઈ ગઈ છે કે તોફાન પ્રભાવિત વિસ્તારોમાં લોકોને તેમની રોજીંદી જરૂરિયાતો માટે પણ સંઘર્ષ કરવો પડે છે. વરસાદ અને પૂરની સ્થિતિ વચ્ચે અનેક રસ્તાઓ જમીનમાં ધસી ગયા છે અને રસ્તાની જગ્યાએ મોટા ખાડાઓ પડી ગયા છે. માલાવીમાં પહાડો પર પડેલો વરસાદ પોતાની સાથે કાદવ લઈને આવ્યો છે. આ કાદવ લોકોના ઘરમાં ઘુસી ગયો છે. વસ્તુઓ ઘણી ખરાબ બની ગઈ છે. રાહત અને બચાવ કાર્ય ચલાવીને પૂર પ્રભાવિત વિસ્તારોમાંથી લોકોને બચાવવાનું કામ કરવામાં આવી રહ્યું છે.

#BREAKING #MALAWI #AFRICA

🔴 MALAWI :#VIDEO STORM /CYCLONE FREDDY RIPPED THROUGH SOUTHERN AFRICA FOR THE SECOND TIME IN A MONTH!

At least 60 people died, dozens injured. #BreakingNews #UltimaHora #Afrique #Flooding #Inundaciones #Inondation #Cyclone #Freddy #Ciclon #Tormenta pic.twitter.com/DhvzacVysj

— LoveWorld (@LoveWorld_Peopl) March 13, 2023

વાવાઝોડા અસર સૌથી વધુ ક્યાં ? 
વાવાઝોડાની મહત્તમ અસર બ્લેન્ટાયર શહેરની આસપાસ જોવા મળી છે. વર્લ્ડ મીટીરોલોજીકલ ઓર્ગેનાઈઝેશન અનુસાર ફ્રેડી દક્ષિણ ગોળાર્ધમાં ત્રાટકનાર અત્યાર સુધીનું સૌથી શક્તિશાળી તોફાન હોઈ શકે છે. તે સૌથી લાંબો સમય ચાલતું ઉષ્ણકટિબંધીય ચક્રવાત પણ માનવામાં આવે છે.

Current situation in Malawi, Blantyre - the commercial city. Effects of cyclone Freddy. Your prayers for our country please. pic.twitter.com/jj5h1631U2

— Rev Fr Petros Mwale (@fr_petros) March 13, 2023

ભીષણ વાવાઝોડાએ તબાહી મચાવી
આ ભીષણ વાવાઝોડાએ મધ્ય મોઝામ્બિકમાં તબાહી મચાવી દીધી છે. તોફાનનું સ્વરૂપ એટલું ગંભીર હતું કે, ઇમારતોની છત ફાટી ગઈ હતી અને ભૂસ્ખલનને કારણે માલાવી બાજુના ક્વિલિમેન બંદરની આસપાસ પૂર આવ્યું હતું. તમને જણાવી દઈએ કે, માલાવી પણ તેના ઈતિહાસમાં સૌથી ભયંકર કોલેરા પ્રકોપનો સામનો કરી રહ્યું છે. યુએન એજન્સીઓએ ચેતવણી આપી છે કે, ફ્રેડીના કારણે ભારે વરસાદને કારણે સ્થિતિ વધુ વણસી શકે છે.

શું કહે છે વૈજ્ઞાનિકો ? 
આ તરફ વૈજ્ઞાનિકો કહે છે કે, હવામાન પરિવર્તન ઉષ્ણકટિબંધીય તોફાનોને વધુ મજબૂત બનાવી રહ્યું છે.કારણ કે મહાસાગરો ગ્રીનહાઉસ ગેસના ઉત્સર્જનમાંથી ગરમીને શોષી લે છે અને જ્યારે ગરમ દરિયાઈ પાણીનું બાષ્પીભવન થાય છે ત્યારે વાતાવરણમાં ગરમીની ઊર્જા ટ્રાન્સફર કરે છે.