મહારાષ્ટ્ર / ઉદ્ધવ ઠાકરેને મોટો ઝટકો, ચૂંટણી પંચે ફ્રીઝ કર્યું શિવસેના નામ અને ધનુષ-બાણનું નિશાન

• મહારાષ્ટ્રમાં ઉદ્ધવ જૂથને મોટો ફટકો
• ચૂંટણી પંચે પાર્ટીના ચૂંટણી નિશાન પર સંભળાવ્યો ચૂકાદો
• એક પણ પક્ષને ન ફાળવ્યું શિવસેનાનું ચૂંટણી ચિન્હ ધનુષ-બાણ
• ઉદ્ધવ અને શિંદે જૂથે નવા ચિન્હ સાથે લડવી પડશે પેટાચૂંટણી 
• જોકે આ વચગાળાનો આદેશ છે, કાયમી આદેશ પછી બહાર પાડશે 

મહારાષ્ટ્રમાં ચૂંટણી નિશાન માટે લડી રહેલા બે જૂથ ઉદ્ધવ ઠાકરે જૂથ અને એકનાથ શિંદે જૂથ,ને ચૂંટણી પંચનો મોટો ફટકો પડ્યો છે. 3 નવેમ્બરે યોજાનારી અંધેરી પૂર્વની પેટાચૂંટણીમાંં પાર્ટીનું નિશાન ધનૂષ-બાણને લઈને ચૂંટણી પંચે વચગાળાનો ઓર્ડર આપી દીધો છે. ચૂંટણી પંચે એક પણ જૂથને પાર્ટીના ચૂંટણી નિશાન ધનુષ- બાણના ઉપયોગની મંજૂરી આપી નથી તેને બદલે બન્ને જૂથે અલગ અલગ ચૂંટણી નિશાન પર પેટાચૂંટણી લડવી પડશે અને તે માટે 10 ઓક્ટોબર સુધીમાં નવા નામ જણાવી દેવા પડશે તેવું પંચે ઠરાવ્યું છે. એક પણ જૂથને ધનુષ-બાણનું ચૂંટણી નિશાન ન આપતા પંચે તેને ફ્રીઝ કરી લીધું છે. પંચના આ નિર્ણય બાદ હવે ઉદ્ધવ કે શિંદે જૂથ અંધેરી પેટાચૂંટણી માટે ધનુષ-બાણનો ઉપયોગ નહીં કરી શકે. 

Shiv Sena's 'Bow & Arrow' symbol claim | Election Commission of India passes interim order, says in Andheri East bye polls neither of the two groups shall be permitted to use the symbol "Bow & Arrow", reserved for "Shivsena". pic.twitter.com/QtC9iNhZ0X

— ANI (@ANI) October 8, 2022

અલગ અલગ ચૂંટણી નિશાન પર ચૂંટણી લડવી પડશે બન્ને જૂથને 
ધનુષ- બાણના ઉપયોગની મંજૂરી મળી ન હોવાથી હવે બન્ને જૂથે આગામી પેટાચૂંટણીમાં અલગ અલગ નિશાન પર ચૂંટણી લડવી પડશે અને તેને માટે ચૂંટણી પંચે તેમને 10 ઓક્ટોબર સુધીનો સમય આપ્યો છે. આ સમય સુધીમાં તેમણે બન્નેએ  તેમના ચૂંટણી નિશાન પંચને આપી દેવા પડશે. ચૂંટણી પંચે 8 ઓક્ટોબરે જારી કરેલા પોતાના આદેશમાં કહ્યું છે કે શિવસેના મહારાષ્ટ્રમાં 'ધનુષ અને તીર'ના પ્રતીક સાથે માન્યતા પ્રાપ્ત રાજ્ય પક્ષ છે. શિવસેનાના બંધારણની જોગવાઇઓ મુજબ પક્ષના વડા અને ટોચના સ્તરે રાષ્ટ્રીય કાર્યકારિણી છે.

EC bars both Thackeray and Shinde factions from using party name Shiv Sena and its 'bow and arrow' poll symbol: Order

— Press Trust of India (@PTI_News) October 8, 2022

શિંદે જૂથે ધનુષ- બાણ પર કર્યો હતો દાવો 
ચૂંટણી પંચે 3 નવેમ્બરે ચૂંટણી પંચમાં અરજી દાખલ કરીને અંધેરી પૂર્વ સીટ માટે થનારી પેટાચૂંટણી માટે પાર્ટીનું નિશાન ધનુષ-બાણ તેને ફાળવવાની વિનંતી કરી હતી. જોકે ચૂંટણી પંચે શિંદે જૂથને ચૂંટણી નિશાન વાપરવાની મંજૂરી આપી નહોતી સાથે ઉદ્ધવ જૂથને પણ નિશાન વાપરવાની મંજૂરી મથી તેવું પણ જણાવી દીધું. ચૂંટણી પંચના આ નિર્ણય બાદ હવે બન્ને જૂથેએ અલગ અલગ ચૂંટણી નિશાન સાથે પેટાચૂંટણી લડવી પડશે.