કાર્યવાહી / આખરે તથ્ય પટેલ સામે RTOએ કરી કડક કાર્યવાહી: આખું જીવન કાર નહીં ચલાવી શકે 9 લોકોના જીવ લેનાર તથ્ય

Vishal Khamar

Last Updated: 09:11 PM, 10 August 2023

FOLLOW ON

શેર કરો

અમદાવાદ ઈસ્કોન બ્રિજ અકસ્માત મામલે આરટીઓ દ્વારા મોટી કાર્યવાહી કરી છે. જેમાં અકસ્માતનાં આરોપી તથ્ય પટેલનું લાયસન્સ આજીવન રદ્દ કરવામાં આવ્યું છે.

અમદાવાદ RTOની મોટી કાર્યવાહી
આરોપી તથ્ય પટેલનું લાયસન્સ રદ
કાયમી માટે લાયસન્સ રદ કરાયું

અમદાવાદ ઈસ્કોન બ્રિજ પર 9 લોકોનાં મોત નિપજાવનાર તથ્ય પટેલ સામે RTO દ્વારા મોટી કાર્યવાહી કરવામાં આવી છે. જેમાં RTO દ્વારા તથ્ય પટેલનું લાયસન્સ કાયમી ધોરણે રદ્દ કરવામાં આવ્યું છે. ત્યારે ઈસ્કોન તેમજ સિંધુભવન પાસે થયેલ અકસ્માતની ઘટનાને ધ્યાને રાખી કાર્યવાહી કરવામાં આવી છે. આરટીઓ દ્વારા નિયમ પ્રમાણે બે વાર નોટિસ આપી જવાબ માંગ્યો હતો. આરોપી તથ્ય પટેલ તરફથી કોઈ જવાબ ન મળતા કાર્યવાહી કરવામાં આવી છે.

આરટીઓ દ્વારા કુલ 703 લાયસન્ય સસ્પેન્ડ કર્યા
આ બાબતે RTO અધિકારી આશિષ પરમારે જણાવ્યું હતું કે, RTO દ્વારા છેલ્લા 1.7.2022 થી 28.7.2023 નાં સમયગાળા દરમ્યાન કુલ 703 લાયસન્સ સસ્પેન્ડ કર્યા છે. અને તથ્ય પટેલનો જે કેસ બન્યો તે બાદ એટલે કે 20 જુલાઈ પછી અમને કુલ લાયસન્સ સસ્પેન્ડ કરવાનાં કુલ 34 રિકમન્ડેશન લેટર મળ્યા છે. જેમાં અમે 4 કેસ ટ્રાન્સફર કર્યા છે. અને બાકીનાં 28 લોકોને અમે કારણ દર્શક નોટીસ આપી છે. જેઓનો જવાબ મળ્યા બાદ અમે આગળની કાર્યવાહી કરીશું.