બનાસકાંઠા / અંબાજી નકલી ઘી કેસ: મોહિની કેટરર્સના 4 કર્મચારીઓ જામીન પર મુક્ત, નીલકંઠ ટ્રેડર્સ પર કરશે માનહાનિનો દાવો

• અંબાજી મંદિર ઘી સેમ્પલ ફેલ મામલો
• મોહિની કેટરર્સના 4 કર્મચારીઓ જામીન પર મુક્ત
• મોહિની કેટરર્સના એમડીના નીલકંઠ ટ્રેડર્સ પર આક્ષેપ

અંબાજી મંદિરમાં ઘી સેમ્પલ ફેલ થવા મામલે મોહિની કેટરર્સના ચાર કર્મચારીઓને જામીન મળ્યા છે. મોહિની કેટરર્સના એમડીએ આ બાબતે નિવેદન આપતા અને નીલકંઠ ટ્રેડર્સ પર આક્ષેપ કરતા કહ્યું કે અમે કશું ખોટુ કર્યું નથી, અમે જીએસટીની પ્રક્રિયા બધી જ પુરી કરી છે. નીલકંઠ ટ્રેડર્સના ઘીના કારણે અમારી પ્રતિષ્ઠા ખરાડાઈ છે. જેથી હવે અમે માનહાનિનો દાવો ટ્રેડર્સ પર ઠોકીશું.

મોહિની કેટરર્સ MDનું નિવેદન
મોહિની કેટરર્સના મેનેજિંગ ડાયરેકટર કુલદીપસિંહ ચાવડાએ જણાવ્યું કે, છેલ્લા 5 વર્ષથી અંબાજીમાં મોહનથાળ બનાવવાનું કામ કરીએ છીએ. દર વખતે સારી ડેરીઓમાંથી ઘીના ડબ્બા મંગાવવીએ છીએ. નીલકંઠ ટ્રેડર્સમાંથી ઘીના સિલ પેક ડબ્બા મંગાવ્યા હતા. ઘીની ડિલિવરી ઇન્સ્યોરન્સ સાથે અને ઇન્સ્યોરન્સ વગરમાં ભાવ ફરક હોય છે. ઈન્સ્યોરન્સના કારણે ભાવમાં 500થી 1000 રૂપિયાનો ફરક હોય છે. તેમણે કહ્યું કે, અમે તમામ ઘી બીલ અને જીએસટી બીલથી ખરીદ્યું છે.

'માનહાનીનો કેસ કરીશું'
વધુમાં કુલદીપસિંહ ચાવડાએ કહ્યું કે, નીલકંઠ ટ્રેડર્સ છેતરપિંડી કરી હોવાથી તેની ઉપર અમે કેસ કર્યો છે. નીલકંઠ ટ્રેડર્સના કારણે અમારી પ્રતિષ્ઠા ખરડાઈ છે. અમે નીકકંઠ ટ્રેડર્સ ઉપર માનહાનીનો કેસ કરીશું. 

જાણો સમગ્ર મામલો
અત્રે ઉલ્લેખનીય છે કે, શક્તિપીઠ અંબાજીના ભાદરવી પૂનમના મહામેળા દરમિયાન પ્રસાદની માંગને પહોંચી વળવા મોહિની એજન્સી દ્વારા મોટા પ્રમાણમાં ઘીનો જથ્થો સ્ટોક કરવામાં આવ્યો હતો.  જેના સેમ્પલ ફેલ થયા હતા. જે બાદ તપાસ હાથ ધરાતા તેમણે અમદાવાદના નીલકંઠ ટ્રેડર્સમાંથી ઘી ખરીદેલું હોવાનું ખુલ્યું હતું. જે બાદ નીલકંઠ ટ્રેડર્સમાં AMCના ફૂડ વિભાગે તપાસ બાદ કાર્યવાહીના ભાગ રૂપે સીલ માર્યું છે. તો બીજી તરફ મોહિની કેટરર્સના 4 કર્મચારીઓની અટકાયત પણ કરવામાં આવી હતી. જેમને આજે જામીન પર મુક્ત કરાયા છે