ગાંધીનગર / ગુજરાતના આર્થિક રીતે પછાત વર્ગના નાગરિકોને મોટી રાહત, હવે ઇ-કુટિર પોર્ટલ સાધન સહાયની અરજી કરી શકશો

• કુટીર અને ગ્રામોદ્યોગ વિભાગ દ્વારા ઇ-કુટિર પોર્ટલ શરૂ
• ગાંધીનગર ખાતેથી ગ્રામોદ્યોગમંત્રીના હસ્તે અરજીઓ મંગાવવાનો પ્રારંભ 

વડાપ્રધાન નરેન્દ્ર મોદીના ડિઝિટલ ભારતના સ્વપ્નને સાકાર કરવાની દિશામાં કુટીર અને ગ્રામોદ્યોગ વિભાગ દ્વારા વધુ એક મક્કમ પગલું ભરી યોજનાકીય લાભો ઓનલાઇન આપવા ઇ-કુટિર પોર્ટલ શરૂ કર્યુ છે.રાજ્યના આર્થિક રીતે પછાત વર્ગના નાગરિકો માનવ કલ્યાણ યોજના અંતર્ગત સાધન ઓજારો (ટૂલકિટ)નો લાભ લેવા માટે આજે ઇ-કુટિર પોર્ટલ પર ઓનલાઇન અરજી કરવાનો ગાંધીનગર ખાતેથી ગ્રામોદ્યોગ મંત્રી બળવંતસિંહ રાજપૂતના હસ્તે તેમજ ગ્રામોદ્યોગ રાજ્યમંત્રી જગદીશ વિશ્વકર્માની ઉપસ્થિતિમાં પ્રારંભ કરાયો હતો. જેને પગલે આજથી અરજદારો આગામી બે મહિના સુધી આ પોર્ટલ મારફતે ઓનલાઈન અરજી કરી શકશે.

"પારદર્શક અને સમયબદ્ધ કામગીરીથી જનકલ્યાણ એ એક જ લક્ષ્ય"

કુટીર ઉદ્યોગ અંતર્ગત "માનવ કલ્યાણ યોજના" હેઠળ ૨૭ પ્રકારની વિવિધ પ્રવૃતિઓ માટે અપાતી વિનામૂલ્યે સાધન/ઓજાર (ટૂલકિટ) માટે વર્ષ ૨૦૨૩-૨૪ માટે ઓનલાઈન અરજી કરવા શરૂ કરવામાં આવ્યું. pic.twitter.com/c5KduBF4iA

— Balwantsinh Rajput (@Balwantsinh999) April 3, 2023

સરકાર દ્વારા ઓનલાઈન પોર્ટલ ગત વર્ષે શરૂ કરાયું

 રાજ્ય સરકારના કુટીર અને ગ્રામોદ્યોગ વિભાગ દ્વારા વિવિધ યોજનાઓ કાર્યરત છે. જેમાં સૌથી મહત્વની અને ૧૦૦ ટકા સિદ્ધી પ્રાપ્ત કરનારી યોજના છે. આ યોજનાનો લાભ ઘરે ઘરે પહોંચાડવા માટે રાજ્ય સરકાર દ્વારા ઓનલાઈન પોર્ટલ ગત વર્ષે શરૂ કરવામાં આવ્યું હતું. www.e-kutir.gujarat.gov.in વેબસાઈટ પરથી રાજ્યના અરજદારો આ યોજનાનો લાભ લેવા અરજી કરી શકે છે. 

 ૧,૮૯,૦૦૦થી વધુ અરજીઓ અરજીઓ  મળી

વધુમાં આ યોજનાનો લાભ વધુને વધુ નાગરિકો સુધી પહોંચે તે માટે અધિકારીઓને જિલ્લા કક્ષાએ હેલ્પડેસ્ક શરૂ કરવા મંત્રીએ સુચન કર્યુ હતું.આ યોજના અંતર્ગત ઓનલાઈન પોર્ટલને પરિણામે ગત વર્ષે ઓફલાઈનની સરખામણીમાં બમણી એટલે કે ૧,૮૯,૦૦૦થી વધુ અરજીઓ અરજીઓ  મળી હતી. જીલ્લા ઉદ્યોગ કેન્દ્ર દ્વારા મંજૂર થયેલ અરજીઓ પૈકી ઓનલાઈન ડ્રો સિસ્ટમ દ્વારા પસંદગી પામેલ અરજદારોને જ વિનામુલ્યે સાધન/ઓજાર આપવામાં આવે છે. જેના પરિણામે અરજીઓની પસંદગી માટે ડ્રોની પ્રક્રિયા સરળ બની છે.આ કાર્યક્રમમાં કુટીર અને ગ્રામ ઉદ્યોગ વિભાગના સચિવ પ્રવીણ કે. સોલંકી,સંયુક્ત નિયામક કે.એસ.ટેલર, પ્રોજેક્ટ મેનેજર પી.ટી.પરમાર, આઈપીઓ એન.એમ.ચાવડા તથા જી.આઇ.પી.એલના મેનેજર જયદીપસિંહ સોલંકી સહિત વિભાગના અધિકારીઓ હાજર રહ્યા હતા.