અમદાવાદ / સ્પામાં કામ કરતી યુવતીનું SG હાઇવે પરની હોટલમાં રહસ્યમયી મોત, એવું તો શું બન્યું કે બેડ પર મૃત હાલતમાં મળી આવી મિઝોરમની યુવતી?

Vishal Khamar

Last Updated: 08:42 PM, 25 April 2023

FOLLOW ON

શેર કરો

અમદાવાદનાં એસજી હાઈવે પર આવેલ હોટલમાંથી સ્પામાં કામ કરતી એક યુવતિનો મૃતદેહ મળી આવ્યો છે. ત્યારે મિઝોરમની યુવતિ મૃત હાલતમાં મળી આવી આવતા ચકચાર મચી જવા પામી હતી.

એસજી હાઇવે પરની હોટલમાંથી સ્પામાં કામ કરતી યુવતીનો મૃતદેહ મળ્યો
મિઝોરમની યુવતી હોટલમાં રૂમ રાખી રહેતી હતી
બેડ પર મૃત હાલતમાં મૃતદેહ મળી આવ્યો

અમદાવાદમાં એસ.જી. હાઈવે આવેલી હોટલમાં રૂમ રાખીને રહેતી અને સ્પામાં કામ કરતી મિઝોરમની યુવતિનો મૃતદેહ હોટલમાંથી મળી આવતા ચકચાર મચી જવા પામી હતી. ત્યારે આ અંગેની જાણ પોલીસને થતા ઉચ્ચ પોલીસ અધિકારીઓ સહિતનો સ્ટાફ હોટલ પર આવી પહોંચ્યો હતો. ત્યારે યુવતિનું મોત ક્યા કારણેસર થયું. તે જાણવા માટે પોલીસે યુવતિના મૃતદેહને પીએમ અર્થે મોકલ્યો હતો.

પોલીસે અકસ્માતે મોતનો ગુનો નોંધ્યો
એસ.જી. હાઈવે પર આવેલ ક્રિષ્ના પેલેસ હોટલમાં રૂમ ભાડે રાખીને રહેતી યુવતિનું મોત નિપજતા આ અંગે પોલીસે અકસ્માતે મોતનો ગુનો નોંધી આગળની કાર્યવાહિ હાથ ધરી છે.
પેનલ ર્ડાક્ટર દ્વારા પી.એમ. કરવામાં આવ્યું
એસજી હાઈવે પર આવેલ ક્રિષ્ના પેલેસ હોટલમાં રૂમ ભાડે રાખીને રહેતી મિઝોરમની 24 વર્ષીય યુવતિ રેબેકા એફ થનઝાવાનું અગમ્ય કારણોસર મોત નિપજતા હોટલનાં સ્ટાફમાં ફફડાટ વ્યાપી જવા પામ્યો હતો. ત્યારે આ બાબતે બોડકદેવ પોલીસે ઘટના સ્થળે પહોંચી તપાસ હાથ ધરી હતી. જેમાં યુવતિ તેનાં કોઈ મિત્ર સાથે હોટલમાં રહેવા આવી હતી. તેમજ તેના શરીર પર કોઈ ઈજાના નિશાન પણ દેખાતા ન હતા. ત્યારે યુવતિનાં મૃતદેહને પેનલ ર્ડાક્ટર દ્વારા પી.એમ. કરવામાં આવ્યું હતું. પી.એમ. રિપોર્ટ બાદ જ યુવતિનું મૃત્યું શા કારણે નિપજ્યું તેનું સાચુ કારણ સામે આવશે.

સંકળાયેલા મુદ્દાઓ

Mizoram PM Report ahmedabad અમદાવાદ મિઝોરમ યુવતિનું મોત ahmedabad