કોલકાતા / કિંગ ખાન નામ છે ભાઈ ! એસિડ એટેક પીડિતા સાથે ખેંચાવી તસવીરો, ચાહકો શાહરુખ પર ફિદા જ ફિદા

• શાહરૂખ ખાન તાજેતરમાં કોલકાતામાં તેના ચાહકોને મળ્યો 
• આ પ્રસંગે તેઓ મીર ફાઉન્ડેશન દ્વારા જોડાયેલા લોકોને પણ મળ્યા 
• મીર ફાઉન્ડેશનમાં એસિડ એટેક પીડિત કેટલીક મહિલાઓ પણ કામ રહી છે 

શાહરૂખ ખાન તાજેતરમાં કોલકાતામાં તેના ચાહકોને મળ્યો હતો. આ પ્રસંગે તેઓ મીર ફાઉન્ડેશન દ્વારા જોડાયેલા લોકોને પણ મળ્યા હતા. નોંધપાત્ર વાત એ છે કે મીર ફાઉન્ડેશનમાં એસિડ એટેક પીડિત કેટલીક મહિલાઓ પણ કામ કરી રહી છે. તેની તસવીરો સોશિયલ મીડિયા પર વાયરલ થઈ રહી છે. 
 
શાહરૂખ ખાન દરેક મહિલા સાથે પોઝ આપતો જોવા મળે છે. તે પણ તેમની સાથે બેસીને વાત કરતો. ત્યાં જ તેણે ગ્રૂપ ફોટો પણ લીધો હતો. તેણે ગ્રે કલરનું શર્ટ અને ડેનિમ પેન્ટ પહેર્યું હતું. મીર ફાઉન્ડેશન શાહરૂખ ખાનના પિતા મીર તાજ મોહમ્મદ ખાનના નામે ચલાવવામાં આવે છે. તે મહિલા સશક્તિકરણ પર કામ કરે છે.

Aaj ek hasi aur baant lo 💜 Shah Rukh Khan with the acid attack survivors yesterday 📸#ShahRukhKhan #SRK #KKR #MeerFoundation #ToGETherStronger #RealSurvivor #MorePowerToYou pic.twitter.com/JvTQHyQhAh

— SRK EMPIRE (@SRKEmpire555) April 8, 2023

અગાઉ પણ કરી હતી મદદ 
તાજેતરમાં આ ફાઉન્ડેશને દિલ્હી અકસ્માત પીડિતા અંજલિ સિંહના પરિવારને પણ મદદ કરી હતી. મીર ફાઉન્ડેશને એક નિવેદનમાં કહ્યું છે કે, શાહરૂખ ખાનના મીર ફાઉન્ડેશને અંજલિ સિંહના પરિવારને એક રકમ આપી છે. અંજલિ 20 વર્ષની છોકરી હતી જેણે હીટ એન્ડ રનના કેસમાં પોતાનો જીવ ગુમાવ્યો હતો. આ ઘટના દિલ્હીના એક વિસ્તારમાં બની હતી. અંજલિ તેના પરિવારમાં એકમાત્ર કમાતી છોકરી હતી. તેના ઘરમાં માતા અને ભાઈ અને બહેન છે. મીર ફાઉન્ડેશન આવા પરિવારોને મદદ કરે છે.

મહત્વનું છે કે, શાહરૂખ ખાનની ફિલ્મ પઠાણ તાજેતરમાં રીલિઝ થઈ હતી. આ ફિલ્મને ખૂબ પસંદ કરવામાં આવી હતી. આ ફિલ્મને લઈને ઘણો વિવાદ થયો હતો. સેન્સર બોર્ડે ફિલ્મના ગીતોના કેટલાક સીન હટાવવાનો પણ નિર્દેશ આપ્યો હતો. શાહરૂખ ખાન 57 વર્ષનો છે. તેની ફિલ્મ 5 વર્ષ બાદ રિલીઝ થઈ છે. આ ફિલ્મમાં તેમના સિવાય દીપિકા પાદુકોણ અને જોન ઈબ્રાહિમની પણ મહત્વની ભૂમિકા હતી.