જાણવા જોગ / 'સેક્સ વખતે કે પછી આવી શકે હાર્ટ એટેક', સુહાગરાતે દુલ્હા-દુલ્હનના હાર્ટએટેકથી મોત બાદ નિષ્ણાંતોએ આપી ચેતવણી

• યુપીના બહરાઈચમાં સુહાગરાતે દુલ્હા-દુલ્હનનું મોત
• હવે સોશિયલ મીડિયામાં છેડાયો સવાલ
• સેક્સ વખતે કે પછી હાર્ટ એટેક આવવા પર નિષ્ણાંતોએ આપ્યો જવાબ 

યુપીના બહરાઈચમાં સુહાગરાતે હાર્ટએટકથી એક કપલનું મોત થતાં સોશિયલ મીડિયામાં એક મોટો સવાલ છેડાયો છે કે શું ખરેખર સેક્સ વખતે કે પછી કોઈનું મોત થઈ શકે.  જણાવવામાં આવી રહ્યું છે કે બંનેને એક જ સમયે હાર્ટ એટેક આવ્યો હતો અને બંનેની મેડિકલ હિસ્ટ્રી પણ નથી. ફોરેન્સિક નિષ્ણાતોની ટીમે પણ ઓરડાની તપાસ કરી હતી. આ અંગે અનેક સવાલો પણ ઉઠી રહ્યા છે. સોશિયલ મીડિયા પર પણ આ અંગે સવાલો પૂછવામાં આવી રહ્યા છે. તે જ સમયે, એક અભ્યાસ મુજબ, સેક્સ દરમિયાન કેટલાક કિસ્સાઓ એવા હતા કે જ્યારે દંપતીનું અચાનક મોત નીપજ્યું હતું.

સેક્સ હાઈ બ્લડ પ્રેશર ઘટાડવા અને સારી ઉંઘ માટે ફાયદાકારક 
સેક્સની ઘણી ફાયદાકારક શારીરિક અને માનસિક અસરો છે. તે હાઈ બ્લડ પ્રેશર ઘટાડવા અને સારી ઉંઘ માટે ફાયદાકારક છે. સેક્સની ફિઝિયોલોજિકલ એક્ટિવિટીથી ઓક્સીટોસિન નામના હોર્મોનને પણ રિલીઝ કરે છે, જેને લવ હોર્મોન કહેવામાં આવે છે. આ હોર્મોન પિટ્યુટરી ગ્રંથિમાંથી બહાર આવે છે જે મગજમાં હાયપોથેલેમસના નીચલા ભાગમાં હાજર હોય છે. પ્રેમ અને ઘનિષ્ઠ સંબંધોની લાગણીઓના નિર્માણમાં આ હોર્મોનનું વિશેષ મહત્વ છે. તેને લવ હોર્મોન પણ કહેવામાં આવે છે. જે લોકો વચ્ચે વિશ્વાસ અને બંધન બનાવવામાં મહત્વપૂર્ણ છે. પરંતુ એક અંધારી બાજુ પણ છે. લોકો ક્યારેક સેક્સ દરમિયાન કે પછી તરત જ મૃત્યુ પામે છે. જો કે, આ ખૂબ જ ઓછા કિસ્સાઓમાં જોવા મળ્યું છે. અચાનક મૃત્યુ તમામ કેસોમાં 0.6% છે. આરોગ્ય નિષ્ણાતો કહે છે કે ડરવા જેવું કંઈ નથી અને આ સંખ્યા એકદમ ઓછી છે.

જાતિય દવાઓ લેવાથી મોત થઈ શકે 
હાર્ટ એટેક અને મૃત્યુના બીજા પણ ઘણા કારણો છે. મોટા ભાગના કિસ્સાઓમાં, એવું જોવા મળ્યું છે કે જાતીય પ્રવૃત્તિ માટે પ્રિસ્ક્રિપ્શન દવાઓ અથવા કોકેઇન જેવી દવાઓનો ઉપયોગ મોતનું કારણ બની શકે જેમ જેમ લોકોની ઉંમર વધે છે તેમ તેમ અચાનક કાર્ડિયાક એરેસ્ટનું જોખમ વધારે હોય છે. 

નિષ્ણાંતોની ચેતવણી
દિલ્હીની એપોલો હોસ્પિટલના સિનિયર ડોક્ટરના જણાવ્યા પ્રમાણે ક્યારેક અતિ ઉશ્કેરાટમાં કે વધારે પડતી જાતિય પ્રવૃતિને કારણે મોત થઈ શકે છે. સેક્સ દરમિયાન ધબકારા સામાન્ય કરતાં વધી જતા હોય છે તેનાથી પણ હાર્ટની ગતિમાં વિક્ષેપ પડી શકે છે. ટૂંકમાં સેક્સ દરમિયાન કોઈનું પણ મોત થઈ શકે છે.