પોલમપોલ / MBA ચાયવાલા કે ચુના ચોપડું? ઈન્દોરમાં નોંધાઈ 28 ફરિયાદ, ફ્રેન્ચાઈઝી લીધેલા પસ્તાયા, જુઓ શું થયું

• નફા માટે ફ્રેન્ચાઇઝી લીધી હતી, પણ ખોટે માઝા મૂકી
• છેતરપિંડી થઈ હોવાની સમગ્ર દેશમાંથી ઊઠી ફરિયાદો
• એમબીએ ચાયવાલાથી અનેક લોકોને થયો કડવો અનુભવ

સમગ્ર દેશમાં એમબીએ ચાયવાલાના સંસ્થાપક પ્રફુલ્લ બિલ્લૌરેએ અનેક આઉટલેટ ખોલ્યા છે પરંતુ હવે એ જ આઉટલેટમાંથી ફ્રેન્ચાઈઝી લેનારાઓ તેમની સાથે છેતરપિંડી કરાઈ હોવાનો આક્ષેપ કરી રહ્યા છે. એવો દાવો કરવામાં આવી રહ્યો છે કે, ફ્રેન્ચાઈઝીના નામે તેમની સાથે કૌભાંડ કરવામાં આવ્યું છે. 

MBA ચાયવાલા પર ગંભીર આક્ષેપો
એમબીએ ચાયવાલા  આ નામ તો તમે સાંભળ્યું જ હશે, સમગ્ર દેશમાં એમબીએ ચાયવાલાના સંસ્થાપક પ્રફુલ્લ બિલ્લૌરેએ અનેક આઉટલેટ ખોલ્યા છે પરંતુ હવે એ જ આઉટલેટમાંથી ફ્રેન્ચાઈઝી લેનારાઓ તેમની સાથે છેતરપિંડી કરાઈ હોવાનો આક્ષેપ કરી રહ્યા છે. એવો દાવો કરવામાં આવી રહ્યો છે કે, ફ્રેન્ચાઈઝીના નામે તેમની સાથે કૌભાંડ કરવામાં આવ્યું છે. એવા પણ આક્ષેપો કરાઈ રહ્યા છે કે, ત્રીસ ત્રીસ લાખ રૂપિયામાં ખોલવામાં આવેલી ફ્રેન્ચાઈજીમાં કોઈ ખાસ વકરો થતો નથી. થોડા દિવસ પહેલા ઈન્દૌરમાં ફ્રેન્ચાઈજી ખરીદનારા લોકોએ લસૂડિયા પોલીસમથક બહાર એક વીડિયો બનાવ્યો હતો જેમાં તેઓ MBA ચાયવાલા પર ગંભીર આક્ષેપો કરતાં નજરે પડ્યા હતા.

કહેવા મુજબ હજુ કોઈ વકરો થયો નથી
આમ, દેશના અનેક હિસ્સાઓમાંથી MBA ચાયવાલા વિરુદ્ધ છેતરપિંડીની ઉઠેલી ફરિયાદો વચ્ચે ગાંધીનગરમાંથી પણ  પ્રફુલ્લ બિલ્લૌરે વિરુદ્ધ છેતરપિંડીના આક્ષેપો થઈ રહ્યા છે. ગાંધીનગરમાં MBA ચાયવાલાની ફ્રેન્ચાઇઝી લેનારા યુવરાજભાઈનો આક્ષેપ છે કે, તેમણે ફ્રેન્ચાઈઝી લીધી હતી જેમાં તેમને કડવો અનુભવ થયો છે. તેમણે જુલાઈ 2021માં ફ્રેન્ચાઈઝી લીધી હતી. પરંતુ પ્રફુલ્લ બિલ્લૌરેના કહેવા મુજબ હજુ કોઈ વકરો થયો નથી ઉલટાનું થોડા સમયમાં જ લોસ વધી ગયો છે.

છેતરપિંડીની અનેક ફરિયાદો ઉઠી
આપને જણાવી દઈએ કે, એમબીએ ચાયવાલા ફાઉન્ડર પ્રફુલ્લ બિલ્લૌરિયા વિરુદ્ધ આ પ્રકારની છેતરપિંડીની અનેક ફરિયાદો ઉઠી છે. ગાંધીનગર પહેલા અમદાવાદ અને  સૂરતમાં પણ ફરિયાદ થઈ છે. હવે જ્યારે ફ્રેન્ચાઈઝી ધારકો પોતાના પૈસા પરત માગી રહ્યા છે ત્યારે પ્રફુલ્લ અને તેમના ભાઈ અલગ અલગ જવાબો આપી રહ્યા છે.

ફ્રેન્ચાઈઝી ધારકોને ન્યાય મળશે?
આમ હવે એમબીએ ચાયવાલાની ગેરંટી મુજબ ફ્રેન્ચાઈઝી ધારકોને નફો નથી થઈ રહ્યો અને આઉટલેટ બંધ કરવાની નોબત આવી છે ત્યારે જોવું એ રહેશે કે, આ બધા કેસો કાનૂની ગૂંચમાં ફસાય છે કે, પછી ફ્રેન્ચાઈઝી ધારકોને ન્યાય મળે છે.