નિવેદન / અનામત મુદ્દે SCની ટિપ્પણીને સરદાર પટેલ ગ્રુપનું સમર્થન: કહ્યું સમૃદ્ધ લોકોએ બહાર નીકળી ગરીબો માટે...

• અનામતને લઇ લાલજી પટેલનું નિવેદન
• સુપ્રીકોર્ટની ટિપ્પણીને સરદાર પટેલ ગ્રુપનું સમર્થન
• ''સમૃદ્ધ લોકોએ અનામતનો લાભ છોડી દેવો જોઇએ''

ગરીબોના લાભ માટે સમુદ્ધ લોકોને અનામતમાંથી બહાર કાઢવાના સુપ્રીમકોર્ટની ટિપ્પણીને લઇ સરદાર પટેલ ગ્રુપના અધ્યક્ષ લાલજીભાઈ પટેલ દ્વારા સમર્થન આપવામાં આવ્યું છે. લાલજી પટેલે જણાવ્યું કે અનામતનો લાભ લઇ સમૃદ્ધ થયેલા લોકોએ અનામતમાંથી બહાર નીકળી તેમના સમાજના ગરીબ વર્ગને વધુ લાભ મળે તેવો પ્રયત્ન કરવો જોઈએ.

'અનામતનો ગરીબ વર્ગને લાભ મળે તે જરૂરી'
લાલજીભાઈ પટેલે જણાવ્યું કે, મેં તો વારંવાર કહ્યું છે કે, જે લોકો સમૃદ્ધ થયા હોય સારી પોસ્ટ પર જતા રહ્યાં હોય તેવા લોકો પણ હજુ સુધી તેમના બાળકો માટે અનામતનો લાભ લેતા હોય છે. તેમના સમાજના લોકો આજે છેવાડા ગામમાં વસવાટ કરે છે અને પછાત છે. જેઓ નાની મોટી નોકરી કરતા હોય કે પછી ખેતી કરતા હોય છે. તો આવા લોકોના બાળક માટે વધુ લાભ મળે તો સારૂ કહેવાય. સક્ષમ લોકો અનામતનો લાભ નહી લે તો એમના સમાજમાં રહેલા પછાત લોકોને ઉપર આવવાની વધુ તક મળશે. 

વાંચવા જેવું: આવતી કાલથી ફરી રાજ્યમાં ઠંડીનો ચમકારો શરૂ, તાપમાનમાં થશે 3 ડિગ્રીનો ઘટાડો

MLA ધવલસિંહ ઝાલાએ પણ સમર્થન આપ્યું
સુપ્રીમકોર્ટની ટિપ્પણીને ધારાસભ્ય ધવલસિંહ ઝાલાએ પણ સમર્થન આપ્યું છે. તેમણે કહ્યું કે, સંપન્ન લોકો અનામતનો લાભ જતો કરે તો ગરીબોને લાભ મળે, લોકોએ આ વિષય પર ચર્ચા વિચારણા કરવી જોઈએ. તેમણે ઉમેર્યું હતું કે, અનેક સમાજ હજી પણ પછાત છે. સંપન્ન લોકોએ અનામત જતી કરવી જોઈએ