મહામંથન / છોકરાની જેમ ઝાડ ઉછેરતા ગુજરાતના ટ્રી મેનને વંદન, 20 લાખ વૃક્ષો વાવ્યાં, 700 લોકોની ટીમ લઈને કરે છે કામ

જ્યારે આખુ ગુજરાત વૃક્ષો પડી જવાની ચિંતા કરી રહ્યું છે. આજે એવા વ્યક્તિ વિેશે આપણે જાણીશું. જેની ટીમ અને તેઓ પોતે પણ  આ ગુજરાતમાં 20 લાખ વૃક્ષો વાવવાની ક્રાંતિ કરી ચૂક્યા છે. એવું કહેવાય છે કે પ્રકૃતિ તેનાં પોતાનામાં સમતોલ રહેવા માટે ખૂબ પ્રયત્ન કરતી રહે છે. પ્રકૃતિ પોતે જ મથે છે કે,  બધુ સમતોલન જળવાયેલું રહે. અને એને બગાડનાર આ દુનિયામાં રહેનાર લોકો છે.  તો હજારો એવા લોકો છે કે જે સતત કંઈક બાંધવાનું કામ કરે છે કંઈક જોડવાનું કામ કરે છે. તો એવા પણ લોકો છે કે જે સતત કંઈકને કંઈક ડીસ્ટ્રોય કરવાનું કામ કરે છે.  તો નવું પેદા થાય તેના માટે પ્રકૃતિ આવા લોકોને જન્માવતા રહે છે.  એવા દૂત જેવા લોકો છે જે આપણી વચ્ચે પ્રકૃતિ જળવાઈ રહે કુદરત જળવાઈ રહે એના માટે સતત મથતા રહે છે. એનાં કારણે આપણે બધાને કાયમ જીવવા જેવું લાગે છે.

• 20 લાખ વૃક્ષો વાવી ચૂકેલા વિજય ડોબરિયાને મળીએ
• 700 લોકોની ટીમ વૃક્ષો વાવવાનું કામ કરે છે
• વાવાઝોડામાં પડી ગયેલા વૃક્ષોને ફરી ઉગાડવા શું કરી રહ્યાં છે?
• ગુજરાતમાં વૃક્ષો વાવવાની ક્રાંતિ તમે જોઈ છે?
• 700 લોકોની ટીમ રોજ કેટલા વૃક્ષો વાવી રહી છે?   

ટ્રી મેન ઓફ ગુજરાત તરીકે ઓળખાતા વિજય ડોબરિયા. ઘણા બધા ટ્રી મેન આપણા ગુજરાતમાં છે. કે જેણે થોડા થોડા વિસ્તારોમાં વૃક્ષો વાવવાનું, કે પ્રકૃતિને જાળવવાનું કામ કર્યું હોય. પણ આપણું ગુજરાત એ સદનસીબ આપણા રાજ્યનું છે.  જે એક વ્યક્તિ જેણે નક્કી કર્યું કે, આપણું ગુજરાત ઉપરથી આકાશથી કોઈ જોવે તો હરિયાળું દેખાવું જોઈએ. જે માટે તેમની 700 લોકોની ટીમ કામ કરે છે.  તમે કોઈ હાઈવે પર જોઓ અને તમને એક વૃક્ષ થોડું ઉછરેલું ગ્રીન કલરનાં પાંજરામાં જોવા મળે અને ઉપર લખ્યું હોય કે સદભાવના ટ્રસ્ટ તો તમે તે 700 લોકો તેમજ વિજયભાઈ ડોબરીયાની ટીમને વંદન કરજો. આજે ઘણી બઘી જગ્યાએ વૃક્ષો ધરાશાયી થયા છે.  ત્યારે એવા લોકો પણ છે જે વૃક્ષો વાવવાનું પણ કામ કરે છે. 

વાવાઝોડામાં અનેક વૃક્ષો ધરાશાયી થાય છે

વાવાઝોડા તેમજ ચોમાસાની સીઝનમાં ભારે પવન ફૂંકાવાનાં કારણે ઘણા વૃક્ષો ધરાશાયી થાય છે. બિપોરજોય વાવાઝોડામાં પણ એવી જ પરિસ્થિતિ સર્જાઈ છે. વાવાઝોડાને પગલે અનેક શહેરો તેમજ ગ્રામ્ય વિસ્તારમાં મોટા લીલીછમ વૃક્ષ ધરાશાયી થયા છે. ત્યારે હવે તે જગ્યાએ નવીન વૃક્ષો વાવવામાં આવશે કે કેમ તે હવે જોવાનું રહ્યું. ત્યારે લોકો વધુમાં વધુ વૃક્ષો વાવે તે માટે વન વિભાગ દ્વારા પણ અથાગ પ્રયત્નો કરવામાં આવે છે. અને અમુક NGO  દ્વારા વૃક્ષો વાવીને તેનો ઉછેર પણ કરવામાં આવે છે. તેમજ અમુક NGO દ્વારા તો વૃક્ષારોપણનો રેકોર્ડ પણ ગિનિસ બુક ઓફ વર્લ્ડ રેકોર્ડમાં નોંધાવ્યો છે.