ગજબ / અમેરિકામાં પણ RRR ફિલ્મે મચાવી દીધી ધૂમ, ફિરંગીઓ ઝૂમી ઉઠ્યા, જુઓ VIDEO

• RRR પિક્ચર પર ઝૂમ્યાં ફિરંગીઓ
• USAનાં થિયેટર્સમાં મચાવી ધૂમ
• ટ્વીટર પર કર્યો વીડિયો શેર

એસ એસ રાજામૌલીની ફિલ્મ ' આર આર આર' એ સિનેમાઘરોમાં ધૂમ મચાવી હતી. ફિલ્મે માત્ર ભારતમાં જ નહીં પરંતુ દુનિયાભરમાં પ્રેમ અને નામના મેળવી હતી. આ ફિલ્મ એક બ્લોકબાસ્ટર ફિલ્મ સાબિત થઇ હતી. બીજી તરફ હવે સાઉથ સુપરસ્ટાર રામચરણ અને જૂનિયર એનટીઆર ઑસ્કર રેસમાં પણ જોડાઇ ગયાં છે. ફિલ્મના નિર્માતાઓએ ' ફોર યોર કન્સિડરેશન' કેમ્પેઇન અંતર્ગત 14 કેટેગરીમાં ઑસ્કર માટે નોમિનેટ કરવામાં આવી છે. આ ફિલ્મે દુનિયાભરમાં   કઇરીતે લોકોને પોતાના ફેન્સ બનાવ્યાં છે તેની એક ઝલક ટ્વીટર પર શેર કરવામાં આવેલ આ ક્લિપ પરથી પડી જ જાય છે.

Unbelievable craze for #RRRMovie at the USA. pic.twitter.com/mvTAx9Z2RK

— LetsCinema (@letscinema) October 8, 2022

USના યૂઝરે કરી ટ્વીટ

ટ્વીટર પર પૉસ્ટ થયેલ આ ક્લિપ   USAનાં કોઇ સિનેમાઘરમાં શૂટ કરવામાં આવેલ છે. વીડિયોમાં જોવા મળે છે કે થિયેટરમાં ફિલ્મનું વર્લ્ડ ફેમસ ગીત નાચો-નાચો ચાલી રહ્યું છે જે દરમિયાન દર્શકો સિનેમાના પડદાની નજીક જઇ મનમૂકીને નાચી રહ્યાં છે. 

સ્ક્રીન નજીક જઇ ઝૂમ્યાં ફિરંગીઓ
કેટલાક લોકો તો સ્ક્રીન પાસે જઇને રામ ચરણ અને એનટીઆરના સ્ટેપ્સ ફોલો કરતાં જોવાં મળે છે. આ વીડિયો ટ્વીટર પર શેર થયો અને કેપ્શનમાં લખવામાં આવ્યું કે ' USAમાં આરઆરઆરનો અવિશ્વસનિય ક્રેઝ'. આ બ્લોકબસ્ટર ફિલ્મે 2022ના ફિલ્મ જગતનાં લગભગ બધાં રેકોર્ડસ્ તોડી અને બોક્સ ઑફિસ પર રાજ કરતી ફિલ્મ બની હતી. આ ફિલ્મને હિન્દી સહિત ઘણી દક્ષિણી ભાષાઓમાં ડબ કરી રીલિઝ કરાઇ હતી. ભારત જ નહીં પરંતુ આરઆરઆર એ વિદેશમાં પણ ખૂબ કમાઇ કરી છે અને ઘણાં રેકોર્ડસ્ તોડ્યાં છે.