Asia Cup 2023 / વર્લ્ડકપ તો દૂર, આ રીતે તો એશિયા કપ પણ...: નેપાળ સામે કોહલી, શ્રેયસે કેચ ટપકાવી દેતાં નારાજ થયો રોહિત શર્મા, જુઓ શું કહ્યું

• ભારતે કરી સુપર-4માં એન્ટ્રી 
• નેપાળને 10 વિકેટે હરાવ્યું ભારતે
• જીત બાદ પણ પ્રદર્શનથી નાખુશ છે રોહિત 

નેપાળને 10 વિકેટથી હરાવીને ભારતે એશિયા કપના સુપર-4 રાઉન્ડમાં જગ્યા બનાવી લીધી છે. આ મેચમાં પણ વરસાદ વિલન બન્યો અને ભારતને બાદમાં 23 ઓવરમાં 145 રનનો ટાર્ગેટ મળ્યો. આ ટાર્ગેટ રોહિત શર્મા અને શુભમન ગિલની જોડીએ એક પણ વિકેટ ગુમાવ્યા વગર 17 બોલ બાકી રાખીને જ પુરો કરી નાખ્યો. 

ભારતે નેપાળ સામે મેચમાં પહેલી થોડી ઓવરમાં જ ત્રણ કેચ છોડ્યા હતા. વિરાટ કોહલી, શ્રેયસ અય્યર અને ઈશાન કિશને ખૂબ સરળ કેચ છોડ્યા અને મેચ બાદ રોહિતે ટીમ ઈન્ડિયાની આવી ફિલ્ડિંગને લઈને પોતાનો ગુસ્સો વ્યક્ત કર્યો. 

ટિમ પર નારાજ થયા રોહિત શર્મા
રોહિત શર્માએ કહ્યું, "સુપર-4માં સારૂ પ્રદર્શન કરવાનો પ્રયત્ન કરૂશું. પાકિસ્તાન વિરૂદ્ધ પહેલી મેચમાં 4 વિકેટ ગુમાવ્યા બાદ જે પ્રકારે હાર્દિક અને ઈશાન કિશને બેટિંગ કરી તે શાનદાર હતું. આજના મુકાબલામાં અમારી બોલિંગ ઠીક હતી પરંતુ અમે વધારે સારૂ કરી શક્યા હોત. પરંતુ ફિલ્ડિંગ ખરાબ હતી અને તેની સાથે અમે વર્લ્ડ કપ શું એશિયા કપમાં પણ ન રમી શકીએ. આ સ્વીકાર ન કરી શકાય. આમા સુધાર કરવો પડશે."

પોતાની ઈનિંગને લઈને વધારે ખુશ ન હતા રોહિત 
રોહિતન જ્યારે સવાલ કરવામાં આવ્યો કે શું તે પોતાની ઈનિંગને લઈને ખુશ છે તો તેમણે કહ્યું કે ના. શરૂઆતમાં થોડો નર્વસ હતો. એક વખત આંખ જામી ગઈ તો પછી હું છેલ્લે સુધી બેટીંગ કરવા માંગતો હતો. ફ્લિક સ્વિપને લઈને તેમણે કહ્યું કે હું આ શોર્ટ હાથે કરીને ન હતો રમ્યો. હું બોલને શોર્ટ ફાઈન લેગના ઉપરથી રમવા માંગતો હતો પરંતુ બોલ બોટને અથડાઈને થોડો દૂર જતો રહ્યો. 

હજુ ઘણુ કામ કરવાનું બાકી 
વર્લ્ડ કપની ટીમ સાથે જોડાયેલા પ્રશ્ન પર તેમણે કહ્યું, "જ્યારે અમે અહીં આવ્યા તો અમને ખબર હતી કે વર્લ્ડ કપ માટે અમારા 15 ખેલાડી કયા હોવાના છે. એશિયા કપ અમને સારી તસવીર ન હતું આપવાનો. કારણ કે અમારી પાસે ગ્રુપ સ્ટેજમાં બે મેચ જ હતી. 

પરંતુ કિસ્મતથી અમે પહેલી મેચમાં બેટિંગ કરવા અને નેપાળના વિરૂદ્ધ બોલિંગ કરવાનો મોકો મળ્યો. હજુ પણ ઘણુ કામ કરવાનું બાકી છે. ઘણા ખેલાડી ઈજાગ્રસ્ત હતા જે વાપસી કરી રહ્યા છે અને તેમને ફોમમાં પાછા આવવાનો સમય જોઈએ છે."