World Cup 2023 / યુવરાજ સિંહ-કુંબલેને પછાડી રવિન્દ્ર જાડેજા આ મામલે બન્યો નંબર-1 ખેલાડી, આ રેકોર્ડે મચાવી ધૂમ

• ભારતીય ટીમે નેધરલેન્ડને 160 રનથી મ્હાત આપી
• રવિન્દ્ર જાડેજાએ યુવરાજ સિંહ-કુંબલેને પછાડી સૌથી આગળ
• પૂર્વ ભારતીય ખેલાડીનો રેકોર્ડ તોડ્યો

ભારતીય ટીમે વર્લ્ડ કપ 2023ની છેલ્લી લીગ મેચમાં નેધરલેન્ડને 160 રનથી મ્હાત આપી છે અને 9મી મેચમાં જીત મેળવી છે. રવિન્દ્ર જાડેજાએ બોલિંગમાં શાનદાર પ્રદર્શન કર્યું છે. જાડેજાએ નેધરલેન્ડ સામેની મેચમાં 2 વિકેટ લીધી છે, ઉપરાંત પૂર્વ ભારતીય ખેલાડી અનિલ કુંબલે અને યુવરાજ સિંહનો એક મોટો રેકોર્ડ તોડવાની સાથે તેમને પાછળ પણ છોડી દીધા છે. 

વર્લ્ડ કપમાં સૌથી વધુ વિકેટ લેનાર સ્પિનર
રવિન્દ્ર જાડેજા સૌથી વધુ વિકેટ લેનાર સ્પિન બોલર બની ગયા છે. જાડેજાએ વર્લ્ડ કપ 2023ની 9 મેચમાં 18.25ની સરેરાશથી કુલ 16 વિકેટ લીધી છે અને સાઉથ આફ્રિકા સામેની મેચમાં 33 રન આપવાની સાથે 5 વિકેટ લીઘી હતી. રવિન્દ્ર જાડેજાએ અનિલ કુંબલે અને યુવરાજ સિંહનો રેકોર્ડ તોડી દીધો છે. કુંબલેએ વર્ષ 1996ના વર્લ્ડ કપમાં 15 વિકેટ લીધી હતી અને યુવરાજે સિંહે 2011ના વર્લ્ડ કપમાં 15 વિકેટ લીધી હતી. કુલદીપ યાદવે આ વર્લ્ડ કપમાં અત્યાર સુધીમાં 14 વિકેટ લીધી છે.  

વર્લ્ડ કપમાં સૌથી વધુ વિકેટ લેનાર સ્પિનર
રવિન્દ્ર જાડેજા (2023)- 16 વિકેટ
અનિલ કુંબલે (1996)- 15 વિકેટ
યુવરાજ સિંહ (2011)- 15 વિકેટ
કુલદીપ યાદવ (2023)- 14 વિકેટ
મનિંદર સિંહ (1987)- 14 વિકેટ

વર્લ્ડ કપ સેમિફાઈનલ
વર્લ્ડ કપના સેમિફાઈનલમાં ભારતીય ટીમની ન્યુઝીલેન્ડ સાથે ટક્કર થશે. લીગ સ્ટેજ દરમિયાન ભારતે ન્યુઝીલેન્ડને 4 વિકેટથી હરાવ્યું હતું. નોકઆઉટ મેચમાં ભારતી ટીમનો ઓસ્ટ્રેલિયા સામે સૌથી ખરાબ રેકોર્ડ નોંધાયો છે. વાનખેડે સ્ટેડિયમમાં 15 નવેમ્બરે આ મેચ રમવામાં આવશે.