વિવાદ / VIDEO: 'હું રામને નથી માનતો, રામ કોઈ ભગવાન નથી' : જીતન'રામ' માંઝીનું વિવાદિત નિવેદન

• બિહારના પૂર્વ CMની લપસી જીભ
• રામ ભગવાન નથી માત્ર પાત્ર છેઃમાંઝી
• પૂજા-પાઠથી કોઈ મોટું નથી થતુંઃ માંઝી

જમુઈ જિલ્લાના સિકંદરામાં ભીમરાવ આંબેડકર જયંતીમાં સામેલ થયેલા માંઝીએ લોકોને સંબોધિત કરતા ભગવાન રામ પર જ સવાલ ઉઠાવી દીધા. તેમણે કહ્યું કે, રામ કોઈ ભગવાન નથી પણ તુલસીદાસ અને વાલ્મિકી રામાયણનુ એક પાત્ર છે.

માંઝી અહીંયા જ નહોતા અટક્યા અને બીજા પણ એવા મુદ્દા ઉઠાવ્યા કે જેનાથી વિવાદ થઈ શકે છે. આંબેડકર જયંતિ નિમિત્તે યોજાયેલા કાર્યક્રમમાં તેમણે કહ્યુ કે, પૂજા પાઠ કરવાથી કોઈ મોટું થતું નથી. અનુસુચિત જાતિના લોકોએ કર્મ કાંડ કરાવવાનુ બંધ કરી દેવુ જોઈએ. 

#WATCH | Jamui: Ex-Bihar CM Jitan Ram Manjhi says, "Ram wasn't a God. Tulsidas-Valmiki created this character to say what they had to. They created 'kavya' & 'mahakavya' with this character. It states a lot of good things & we revere that. I revere Tulsidas-Valmiki but not Ram.." pic.twitter.com/ayrQvSfdH1

— ANI (@ANI) April 15, 2022

બ્રાહ્મણો પર પ્રહાર કરતા તેમણે કહ્યું કે, જે બ્રાહ્મણો માંસ ખાય છે અને દારૂ પીવે છે, ખોટું બોલે છે, તેમનાથી દુર રહેવું જોઈએ. તેમની પાસે પૂજા પાઠ ન કરાવવા જોઈએ. તમે લોકો પૂજા પાઠ કરાવવાનું બંધ કરી દો. 

તેમણે કહ્યું કે, શબરીના એંઠા બોર રામે ખાધા હતા. આજે કોઈ રામની જેમ શબરીના એંઠા બોર ખાઈને બતાવે. સર્વણ લોકો ભારતના મૂળ રહેવાસી નથી, તેઓ બહારથી આવ્યા છે.
આંબેડકર જયંતીને લઇને સિકંદરાના હમ પાર્ટીના ધારાસભ્ય પ્રફુલ્લ માંઝીએ આ કાર્યક્રમનું આયોજન કર્યું હતું.