- દરેક મેચ પછી પોઈન્ટ ટેબલમાં ભારે ઉતાર-ચઢાવ જોવા મળે
- પોઈન્ટ ટેબલમાં રાજસ્થાન રોયલ્સ ટીમ નંબર વન પર
- એક પણ મેચ હારશે તો આ ટીમ પ્લેઓફની રેસમાંથી બહાર
IPL 2023 Points Table Update : IPL 2023 નો રોમાંચ ચાલુ છે અને દરરોજ ટીમો સામસામે ટકરાઇ રહી છે. આ સાથે જ જેમ જેમ દિવસો જાય છે એમ પ્લેઓફમાં સ્થાન મેળવવાની રેસ વધુ ચુસ્ત બની રહી છે. એવામાં જો આપણે IPL 2023 ના પોઈન્ટ ટેબલ પર નજર કરીએ તો દરેક મેચ પછી તેમાં ભારે ઉતાર-ચઢાવ જોવા મળે છે. અત્યારની સ્થિતિ મુજબ કેટલીક ટીમો આગળ વધી રહી છે, તેમના માટે પ્લેઓફમાં જવાનો રસ્તો થોડો સરળ લાગે છે પણ આ પોઈન્ટ ટેબલમાં જે ટીમો આઠમા, નવમા અને દસમા નંબર પર છે એ ટીમ માટે હવે દરેક મેચ જીતવી જરૂરી છે. જો હવે એક પણ મેચ હારશે તો એ ટીમ પ્લેઓફની રેસમાંથી બહાર થઈ જશે.
ચાલો જોઈએ આ સમયે પોઈન્ટ ટેબલ કેવું છે, કઈ ટીમો હાલમાં ટોપ 4માં છે અને કઈ ટીમ છેલ્લા સ્થાને છે.
પોઈન્ટ ટેબલમાં રાજસ્થાન રોયલ્સ ટીમ નંબર વન પર
- IPL 2023 ના પોઈન્ટ ટેબલ વિશે વાત કરીએ તો રાજસ્થાન રોયલ્સની ટીમ હાલમાં નંબર વનની ખુરશી પર કબજો કરીને બેઠી છે. આ સાથે જ જણાવી દઈએ કે ટીમે અત્યાર સુધીમાં પાંચ મેચ રમી છે અને તેમાંથી ચારમાં જીત મેળવી છે. ટીમનો RR એકમાત્ર એવી ટીમ છે જેનો નેટ રન રેટ એક કરતા વધુ પ્લસ છે.
- બીજા નંબર પર છે લખનૌ સુપર જાયન્ટ્સ. આ ટીમે પાંચમાંથી ત્રણ મેચ જીતી છે અને એક મેચમાં હારનો સામનો કરવો પડ્યો છે.
- રવિવારે આરસીબીને હરાવ્યા બાદ એમએસ ધોનીની કપ્તાનીમાં ચેન્નાઈ સુપર કિંગ્સ એટલે કે CSKની ટીમ ત્રીજા નંબર પર પહોંચી ગઈ છે. સ ટીમે પાંચમાંથી ત્રણ મેચ જીતી છે અને બેમાં હારનો સામનો કરવો પડ્યો છે.
- IPL 2022 ની ચેમ્પિયન ટીમ હાર્દિક પંડ્યાની આગેવાની હેઠળની ગુજરાત ટાઇટન્સે પાંચમાંથી ત્રણ મેચ જીતીને અને બે મેચ હારીને છ પોઈન્ટ મેળવ્યા છે.
જણાવી દઈએ કે ટોચની 4 ટીમના સમાન પોઈન્ટ છે, ત્યારબાદ નેટ રન રેટના આધારે નંબર નક્કી કરવામાં આવે છે. આ ટોપ ચાર ટીમોની વાત થઈ ચાલો આગળના પોઈન્ટ ટેબલ પર નજર કરીએ.
- શિખર ધવનની કપ્તાનીવાળી પંજાબ કિંગ્સે તેની પાંચમાંથી ત્રણ મેચ જીતી છે અને બે મેચ હારી છે અને પાંચમા સ્થાને છે.
- KKRની ટીમ પાંચમાંથી માત્ર બે મેચ જીતી શકી છે અને ત્રણમાં હારનો સામનો કરવો પડ્યો છે, જેથી ટીમ હાલમાં ચાર પોઈન્ટ સાથે છઠ્ઠા નંબર પર છે.
- આરસીબીની ટીમ વધુ એક મેચ હારી ગઈ છે, તેથી પાંચમાંથી ટીમની બે જીત અને ત્રણમાં હાર છે, ટીમ હજુ પણ સાતમા નંબર પર છે.
- મુંબઈ ઈન્ડિયન્સ ચારમાંથી માત્ર બે મેચ જીતી શકી છે અને બેમાં હાર્યું છે. ટીમના ચાર પોઈન્ટ છે.
- સનરાઈઝર્સ હૈદરાબાદે પણ ચારમાંથી બે મેચ જીતી છે અને બેમાં હારનો સામનો કરવો પડ્યો છે. ટીમ ચાર પોઈન્ટ સાથે નવમા ક્રમે છે.
- સૌથી વધુ ટેન્શન દિલ્હી કેપિટલ્સની ટીમ છે. ટીમ તેની શરૂઆતની પાંચ મેચ હારી ચૂકી છે અને હજુ પણ તેની પ્રથમ જીતની રાહ જોઈ રહી છે. ટીમ પાસે એક પણ પોઈન્ટ નથી અને નેટ રન રેટ પણ ખૂબ જ ખરાબ છે.
જો ટીમ આગામી કેટલીક વધુ મેચ હારી જશે તો ટીમ માટે ટોપ 4માં સ્થાન મેળવવું અને પ્લેઓફમાં પોતાનું સ્થાન બનાવવું મુશ્કેલ બની જશે.
