અનુમાન / રાજસ્થાનમાં નહીં બદલાય રિવાજ! તમામ એક્ઝિટ પોલમાં નથી ચાલી રહ્યો ગેહલોતનો જાદુ, જુઓ કઈ પાર્ટીને કેટલી સીટનું અનુમાન

• રાજસ્થાન ચૂંટણીને લઈ આવ્યા એક્ઝિટ પોલના આંકડા
• કેટલાક એક્ઝિટ પોલમાં ભાજપને બહુમત મળવાની ભવિષ્યવાણી 
• ભાજપને 100થી 110 બેઠક મળી શકે છે: ટીવી 9 ભારતવર્ષ

દર 5 વર્ષે સરકાર બદલવાનો રિવાજ રાજસ્થાનમાં ચાલી રહ્યો છે પરંતુ આ વર્ષે પણ તે રિવાજ યથાવત રહેશે કે કેમ ? ગુરૂવારે સાંજે એક્ઝિટ પોલએ આ મામલે જવાબ હા આપ્યો છે. લગભગ તમામ એક્ઝિટ પોલનો અનુમાન છે કે રાજસ્થાનમાં ભારતીય જનતા પાર્ટી ભારે રહેશે.  કેટલાક એક્જિટ પોલમાં ભાજપને સંપૂર્ણ બહુમત મળવાની પણ ભવિષ્યવાણી કરાઈ છે. 

ન્યૂઝ 18 અને ટાર્ગેટ મહાપોલ શું કહે છે ?
ન્યૂઝ 18 અને ટાર્ગેટ મહાપોલએ એક્ઝિટ પોલમાં રાજસ્થાનમાં ભાજપને બહુમતીનો અંદાજ લગાવ્યો છે. આ એક્ઝિટ પોલમાં અંદાજ લગાવ્યો છે કે, ભાજપ 111 બેઠકો પર જીત મેળવી શકે છે. કોંગ્રેસને 74 બેઠકો પર જીત મળી શકવાની ભવિષ્યવાણી પણ કરવામાં આવી છે. જ્યારે અન્યના ખાતામાં 14 બેઠકો જઈ શકે છે. 

પોલસ્ટ્રેટની ભવિષ્યવાણી
રાજસ્થાન પર ટીવી 9 ભારતવર્ષ અને પોલસ્ટ્રેટના એક્ઝિટ પોલમાં ભાજપને ભારે બહુમતી મળી રહી છે. એજન્સીએ કહ્યું કે, ભાજપને 100થી 110 બેઠક મળી શકે છે. જ્યારે કોંગ્રેસને 90થી 100 બેઠકો મળી શકે છે.

જન કી બાત એક્ઝિટ પોલ
જન કી બાત એક્જિટ પોલમાં ભાજપને બપ્પર બહુમતી મળી રહી છે. ભાજપને 100થી 122 બેઠકો મળવાનો અનુમાન લગાવવામાં આવી રહ્યો છે. કોંગ્રેસને 62.85 ટકા બેઠકો મળવાની વાત કરવામાં આવી રહી છે. જ્યારે અન્યના ખાતામાં 14-15 બેઠકો જતી દર્શાવી છે

ઈન્ડિયા ટુડે એક્ઝિટ પોલ
ઈન્ડિયા ટુડે માય એક્સિસ ઈન્ડિયાના એક્ઝિટ પોલમાં રાજસ્થાનમાં ભાજપ અને કોંગ્રેસને કાંટાની ટક્કર બતાવવામાં આવી રહી છે. જેમા ભાજપને 80થી110 બેઠકો મળવાનો અનુમાન લગાવવામાં આવી રહ્યો છે. જ્યારે કોંગ્રેસને 86થી106 બેઠકો મળવાનો અનુમાન લગાવવામાં આવી રહ્યો છે.