મેઘમલ્હાર / હવામાન વિભાગની આગાહી વચ્ચે અમદાવાદમાં મેઘરાજા મનમૂકીને વરસ્યા, અનેક વિસ્તારમાં પાણી ભરાયા

• અમદાવાદમાં ધોધમાર વરસાદ
• શહેરના અનેક વિસ્તારમાં પાણી ભરાયા
• પાણી ભરાતા વાહનચાલકોને પડી હાલાકી

અમદાવાદના સેટેલાઈટ, વસ્ત્રાપુર, રામદેવનગર, પ્રહલાદનગર, માનસી સર્કલ, જજિસ બંગ્લા, એસ.જી.હાઇવે, રાણીપ, આરટીઓ સર્કલ, ઇસ્કોન સહિત શહેરના મોટાભાગના વિસ્તારોમાં ભારે વરસાદ પડ્યો છે. 

અમદાવાદના અનેક વિસ્તારમાં પાણી ભરાયા

અમદાવાદના માનસી સર્કલ, બોડકદેવ, ગુજરાત યુનિવર્સિટી, હેલ્મેટ સર્કલ અને કેટલાક અન્ડરપાસમાં પાણી ભરાયા છે. તો રોડ પર પાણી ભરાતા વાહનચાલકોને હાલાકી પડી છે. શહરેમાં હજુપણ ધોધમાર વરસાદ ચાલુ છે.

રાજ્યના અનેક જિલ્લામાં મેઘમહેર

રાજ્યના અનેક વિસ્તારોમાં વરસાદ વરસ્યો હતો. જેમાં ખેડા, ડાકોર, સુરત શહેર, સુરત ગ્રામ્ય, ઉમરપાડા, માંડવી, તાપી, વ્યારા, ધ્રાંગધ્રા, સાબરકાંઠા, ખેડબ્રહ્મા, વડાલી, બોટાદ, ગઢડા, દ્વારકા, ખંભાળીયા, આણંદ, ઉમરેઠ, નડિયાદ, ખેડા, માતર, મહુધા, મહેમદાવાદ, જામનગર, જામજોધપુર, નવસારી, ગણેદવી, બીલીમોર, પોરબંદર, ભરૂચ, જંબુસર, ઉપલેટા, કચ્છ, ભુજ, ધોરાજી અને રાણાવાવ સહિતના અનેક વિસ્તારમાં ધોધમાર વરસાદ ખાબક્યો છે.

આજથી રાજ્યમાં સારા વરસાદની શક્યતા

રાજ્યમાં વરસાદને લઇને હવામાન વિભાગે આગાહી કરી છે. આજથી રાજ્યમાં સારા વરસાદની શક્યતા છે. 27 જુલાઇ સુધી હવામાન વિભાગે વરસાદની આગાહી કરી છે. દક્ષિણ ગુજરાત અને સૌરાષ્ટ્રમાં વરસાદની શક્યતા છે. આજે ભરૂચ, ડાંગ, નવસારી, વલસાડમાં વરસાદની આગાહી કરાઇ છે. તો અમરેલી, ગીર સોમનાથ, ભાવનગરમાં પણ આજે વરસાદ રહેશે. કાલે પોરબંદર, દ્વારકા, જૂનાગઢમાં વરસાદની શક્યતા છે. ગીર સોમનાથ, દાદરા નગરહવેલીમાં પણ કાલે વરસાદની આગાહી કરવામાં આવી છે. જ્યારે 27 જુલાઈના જૂનાગઢ, અમરેલી, પોરબંદરમાં વરસાદ રહેશે. 27 જુલાઇના દ્વારકા, વલસાડ, નવસારીમાં વરસાદની આગાહી કરવામાં આવી છે. અમદાવાદ, ગાંધીનગર, વડોદરામાં વરસાદી ઝાપટાની શક્યતા છે.