આક્ષેપ / બેરોજગારી પર બબાલ: કોંગ્રેસે કહ્યું યુવાનોનું શોષણ સ્થાનિક રોજગારી મળતી નથી, સામે જવાબ મળ્યો તેમને ભાજપ સરકારનું કામ પચતું નથી

• બેરોજગારી મુદ્દે રાજકારણ ગરમાયું
• ભાજપ કોંગ્રેસ ફરી આમને સામને
• અનેક મુદ્દાઓને લઈને કોંગ્રેસે કર્યા આક્ષેપ

ગુજરાતમાં બેરોજગારી મુદ્દે વિપક્ષ કોંગ્રેસે ફરી એક વખત સરકાર પર નિશાન સાધ્યું છે. કોંગ્રેસ નેતા અમિત ચાવડાએ આક્ષેપ કર્યો છે કે, ગુજરાતમાં યુવાનોનું શોષણ થઈ રહ્યું છે યુવાનોએ મંચ પર આવી આક્રોશ વ્યક્ત કરી રહ્યા છે. સરકારની સહાય પ્રાપ્ત કરનાર ઉદ્યોગોમાં 85% સ્થાનિકોને રોજગારીનો નિયમ હોવા છતાં ગુજરાત સરકાર રોજગારી આપતી નથી. જે સમગ્ર મામલે ભાજપે પણ પ્રતિક્રિયા આપી છે.  

અમિત ચાવડાના ભાજપ પ્રહાર
કોંગ્રેસ નેતા અમિત ચાવડાએ જણાવ્યું કે, ગુજરાતના યુવાનોને અન્યાય થઈ રહ્યો છે કામદાર અને કર્મચારીઓનું શોષણ થાય છે. સચિવાલયમાં કામ કરતા લીફ્ટમેનને 7 હજાર જ પગાર ચૂકવાય છે ગુજરાત ભાજપ સરકારમાં સરકારના માનીતા લોકો કર્મચારીઓનું શોષણ કરી રહ્યા છે. તેમણે વધુમાં ઉમેર્યું કે, ગુજરાતના યુવાનોને કાયમી નોકરી મળતી નથી અને યુવાનોનું શોષણ થાય છે. યુવાનોએ મંચ પર આવી આક્રોશ વ્યક્ત કર્યો છે તેમજ સરકારની સહાય પ્રાપ્ત કરનાર ઉદ્યોગોમાં 85% સ્થાનિકોને રોજગારીનો નિયમ છે. પંચાયતથી પાર્લામેન્ટ સુધી ભાજપની સરકાર છે. સરકારના માનીતા લોકો કર્મચારીઓનું શોષણ કરી રહ્યા છે તેમજ કાયદા પ્રમાણે સપ્તાહના 48 કલાકથી વધુ કામ ન લઈ શકાય.

ભાજપની પ્રતિક્રિયા
બીજી તરફ ગુજરાત ભાજપના નેતા યમલ વ્યાસ બેરોજગારી અંગે જવાબ આપ્યો છે. તેમણે જણાવ્યું કે, કોંગ્રેસે યુવાનો સાથે અને ગુજરાતના નાગરિકો સાથે તમામ પ્રકારનો સંપર્ક ગુમાવી ચુકી છે. કોંગેસને ખબર નથી કે ગુજરાતમાં બેકારીનો દર ઓછામાં ઓછામાં છે, જે કોગ્રેસ માનવા તૈયાર નથી. તેમણે વધુમાં ઉમેર્યું કે, ગુજરાત ડેરી ઉધોગમાં દેશમાં સૌથી આગળ છે અને કોંગ્રેસને ભાજપ સરકાર સારુ કામ કરે છે તેમને ક્યારેય પચતુ નથી.