નિવેદન / કોરોના મહામારી વચ્ચે PM મોદીએ લોકોને અપીલ કરતા કહ્યું, આ બીમારીથી રહો સાવધાન

• PM નરેન્દ્ર મોદીએ ટ્વિટ કરીને લોકોને કરી અપીલ 
• હું તમારા બધાથી યોગ્ય સાવધાની જાળવવાની અપીલ કરું છું : પીએમ 
• મચ્છરજન્ય રોગોથી લડવા કેન્દ્ર સરકાર રાખી રહી છે નજર 

ટ્વિટ કરીને કરી અપીલ 

વરસાદના મોસમમાં કેટલાય પ્રકારના જીવજંતુઓ એક્ટિવ થઇ જતા હોય છે અને તેના કારણે કેટલાય પ્રકારની બીમારીઓ થઇ જાય છે. વડાપ્રધાન મોદીએ પણ આ પ્રકારની બીમારીથી લોકોને ચેતવણી આપતા સતર્ક રહેવાની સલાહ આપી છે. તેમણે ડીડી ન્યૂઝ દ્વારા પોસ્ટ કરવામાં આવેલ વીડિયોને રિટ્વિટ કરીને લખ્યું, આ મોસમ વેક્ટર-જનન રોગોનું છે, હું તમારા બધાથી યોગ્ય સાવધાની જાળવવાની અપીલ કરું છું. પીએમ મોદીએ જણાવ્યું કે સરકાર દરેક પરિસ્થિતિ પર નજર રાખી રહી છે, તેમણે લખ્યું કે સરકાર હાલાત પર નજર રાખી રહી છે અને પ્રભાવિત લોકોની સારવાર સુનિશ્ચિત કરી રહી છે. 

This is the season of tropical and vector-borne diseases.

I urge you all to take the right precautions.

The Government is also closely monitoring the situation and ensuring care to those affected.

Stay safe, be happy! https://t.co/MToG695cXk

— Narendra Modi (@narendramodi) August 18, 2020

મચ્છરજન્ય રોગોથી બચવાના ઉપાય દર્શાવતા વીડિયોને PMએ કર્યો રિટ્વિટ 

નોંધનીય છે કે પીએમ મોદીએ ડીડી ન્યૂઝનો જે વીડિયો રિટ્વિટ કર્યો છે તેમાં વરસાદમાં મચ્છરોથી થતી બીમારીથી કઈ રીતે બચી શકાય છે તે વિશે જાણકારી આપવામાં  આવી છે જેમાં કેન્દ્ર સરકાર દ્વારા ભરવામાં આવેલ પગલાઓની જાણકારી આપવામાં આવી છે.  

નોંધનીય છે કે ચોમાસામાં ડેન્ગ્યું, મલેરિયા અને ચિકનગુનિયા જેવી બીમારીઓનો રોગચાળો ફાટી નીકળે છે. દેશના પાટનગર દિલ્હીમાં 400થી વધારે સ્વાઈન ફ્લુના કેસ સામે આવ્યા છે અને યોગ્ય સારવાર ન મળે તો આવી બીમારીઓ લોકોના જીવ લઇ શકે છે. દિલ્હીમાં દર વર્ષે ડેન્ગ્યું, ચિકનગુનિયા અને મલેરિયાના કેસ સામે આવે છે. ;ગુજરાતમાં પણ રોગચાળાની સિઝનમાં સામાન્યપણે હોસ્પિટલોમાં આવી બીમારીઓના દર્દીઓ વધી જતા હોય છે પરંતુ આ વર્ષે કોરોના વાયરસના કારણે પહેલેથી જ હોસ્પિટલોમાં દર્દી ઉભરાઈ રહ્યા છે અને એવામાં આવો રોગચાળો ફાટી નીકળે તો સમસ્યા ઉત્પન્ન થઇ શકે છે.