સત્ર / 'આવનારી પેઢી ન્યાય સંહિતા સાથે જીવશે', ટ્રિપલ તલાક, 370..., લોકસભામાં PM મોદીએ એવાં કાર્યો ગણાવ્યાં જેની વર્ષોથી લોકો પ્રતિક્ષા કરતા

• 17મી લોકસભાના છેલ્લા સત્રને PMએ સંબોધ્યો
• 'છેલ્લા 5 વર્ષમાં ઘણા સુધારા થયા છે, જે તમામ ગેમ ચેન્જર્સ છે'
• 'આ ગૃહે કલમ 370 નાબૂદ કરી છે'

પ્રધાનમંત્રી નરેન્દ્ર મોદીએ 17મી લોકસભાના છેલ્લા સત્રને સંબોધિત કર્યો હતો. આ દરમિયાન તેમણે કોવિડ કાળ તેમજ સાંસદોની સેલેરી કાપ અને નવા સંસદ ભવનના નિર્માણ સહિતના વિષય પર ચર્ચા કરી હતી. તેમણે કહ્યું કે, છેલ્લા 5 વર્ષમાં માનવ જાતિએ સૌથી મોટો સંકટ સમય નિકાળ્યો છે. છતા પણ દેશના કામમાં જરા પણ અડચણ આવવા દીધી હતી. તેમણે કહ્યું કે, આ કાલખંડમાં દેશની જરૂરિયાતોને જોતા સાંસદોએ પણ સાંસદ નિધિ છોડવાનો નિર્ણય લીધો છે. સાસંદોએ સમાજને ભરોસો આપવા માટે તેમની સેલરીના 30 ટકા કાપનો ફેસલો લીધો હતો. 

"You were ever-smiling...": PM Modi heaps praise on LS Speaker Birla

Read @ANI Story | https://t.co/9laP7APqXy#PMModi #LokSabha #OmBirla pic.twitter.com/zChTOnVdce

— ANI Digital (@ani_digital) February 10, 2024

PM મોદીએ શું કહ્યું ?
પીએમ મોદીએ લોકસભામાં કહ્યું કે, અમે સાંસદો જોડે સાંભળતા હતા કે, સાંસદોને આટલી સેલેરી મળે છે અને કેન્ટિનમાં સસ્તુ ભોજન મળે છે. પરંતુ તમે (લોકસભા સ્પીકર ઓમ બિરલા)નો નિર્ણય લીધો કે, તમામ માટે કેન્ટિન સમાન ભાવે રહેશે, સાસંદો એ ક્યારે એનો વિરોધ ન કર્યો. પીએમએ કહ્યું કે, સાંસદોએ નવો ભવન થવો જોઈએ તેવી ચર્ચા ઘણી કરી હતી પરંતુ નિર્ણય કોઈ લીધો ન હતો. દેશએ નિર્ણય લીધો જેના પરિણામે નવો સંસદ ભવન નિર્માણ પામ્યો.   

'છેલ્લા 5 વર્ષમાં ઘણા સુધારા થયા'
પીએમએ કહ્યું કે, છેલ્લા 5 વર્ષમાં ઘણા સુધારા થયા છે. આ તમામ ગેમ ચેન્જર્સ છે. 21મી સદીના ભારતનો મજબૂત પાયો તેમનામાં દેખાય છે. દેશ એક મોટા પરિવર્તન તરફ ઝડપી ગતિએ આગળ વધી રહ્યો છે. ગૃહના તમામ સાથીઓએ તેમની ભાગીદારી આપી છે. જે વસ્તુઓની અમારી ઘણી પેઢીઓ રાહ જોઈ રહી હતી, તેવી બાબતો પણ છેલ્લા 5 વર્ષમાં બની છે. અમે પેઢીઓની રાહ પૂરી કરી છે. ઘણી પેઢીઓએ બંધારણનું સ્વપ્ન જોયું હતું. પરંતુ તે બંધારણમાં દરેક ક્ષણે તિરાડો દેખાતી હતી જ્યાં એક અંતર દેખાઈ રહ્યું હતું. પરંતુ આ ગૃહે કલમ 370 નાબૂદ કરી છે. 

વાંચવા જેવું: મોદી સરકાર રચવા જઈ રહી છે વધુ એક ઇતિહાસ, જ્યાં વર્ષોથી ચીન સાથે ચાલી રહ્યો છે વિવાદ, જાણો વિગત

'લોકોને સામાજિક ન્યાયથી વંચિત રાખ્યા હતા'
લોકસભામાં પ્રધાનમંત્રી મોદીએ કહ્યું કે, જમ્મુ કાશ્મીરમાં લોકોને સામાજિક ન્યાયથી વંચિત રાખ્યા હતા. પરંતુ સામાજિક ન્યાયના અમારા કોન્સેપ્ટથી જમ્મુ-કાશ્મીરના લોકોને પણ ફાયદો થયો છે. વધુમાં કહ્યું કે, ભારત આતંકવાદથી સંપૂર્ણપણે મુક્તી અનુભવી રહ્યું છે. 75 વર્ષ સુધી અંગ્રેજોએ આપેલા પીનલ કોડ હેઠળ જીવતા રહ્યા હતા. અમે નવી પેઢીને કહીશું કે દેશની આવનારી પેઢી ન્યાયિક સંહિતા પ્રમાણે જીવે છે.