મહામારી / કોરોના મહામારી સંદર્ભે PM મોદીની જિલ્લા અધિકારીઓ સાથે ચર્ચા શરૂ થઈ

• PM મોદીએ મંગળવારે વધુ સંક્રમિત 100 ગામડાના DM સાથે સીધો સવાંદ કર્યો
• હવે દરેક ગામ કોરોના મુક્ત કરવા માટે સમગ્ર દેશના જિલ્લાઓમાં ચાલી રહ્યા છે અભિયાન
• નવા કોરોનાના કેસ અંગે રાજ્યોની વાત  

PM મોદીએ મંગળવારે વધુ સંક્રમિત 100 ગામડાના DM સાથે સીધો સવાંદ કર્યો
કોરોનાની બીજી લહેર ભારતમાં ફેબ્રુઆરી મહિનાથી ચાલી રહી છે જેના કારણે કરોડો લોકો સંક્રમિત થયા છે. લાખો લોકો તેનાથી મોતને ભેટયા છે. હવે આ બીજી લહેર ભારતના દરેક ગામોમાં પણ પહોંચી ગઈ છે. ગામડાના લોકો પણ આ સંક્રમણનો ભોગ બન્યા છે. આ સ્થિતિની સમીક્ષા કરવા માટે PM મોદીએ મંગળવારે વધુ સંક્રમિત 100 ગામડાના DM સાથે સીધો સવાંદ કર્યો હતો, અને સાથે કેન્દ્રીય ગૃહ મંત્રી અમિત શાહ પણ તે ચર્ચામાં હાજર રહ્યા હતા. 

હવે દરેક ગામ કોરોના મુક્ત કરવા માટે સમગ્ર દેશના જિલ્લાઓમાં ચાલી રહ્યા છે અભિયાન
દેશના ઘણા જિલ્લાઓ એવા છે જે હાલ કોરોના મહામારીની ઝપેટમાં આવી ગયા છે. એવામાં ગામડાના લોકો પણ કોરોના સામે લડાઈ લડી રહ્યા છે, એવામાં સ્થાનિક પ્રશાસનની જવાબદારી વધી જાય છે. એના કારણે જ PM મોદીએ ગામડામાં કેવી રણનીતિ બનાવી છે તેના પર મંથન કરી રહ્યા છે. આ ચર્ચામાં કર્ણાટક, બિહાર, ચંડીગઢ, ઉત્તરાખંડ, તમિલનાડુ, મધ્યપ્રદેશ, ગોવા, હિમાચલ પ્રદેશ, અને દિલ્હીના અધિકારીઓ સાથે ચર્ચા કરી હતી અને ત્યાં હાલત કેવી છે તેની સમીક્ષા કરી હતી. બાકીના જિલ્લાઓના DM સાથે 20 મે ના રોજ ચર્ચા કરશે.   

નવા કોરોનાના કેસ અંગે રાજ્યોની વાત
જો નવા કોરોનાના કેસ અંગે રાજ્યોની વાત કરીએ તો પહેલા સ્થાન પર કર્ણાટક છે. સોમવારે કર્ણાટકમાં 38000 નવા કેસ સામે આવ્યા. ત્યારે તમિલનાડુમાં આ સંખ્યા 33000 રહ્યા. મહારાષ્ટ્રમાં 26,616 રહ્યા અને કેરળમાં 21402 નવા કેસ સામે આવ્યા. પશ્ચિમ બંગાળ, આંધ્ર પ્રદેશ, રાજસ્થાન અને ઓડિસામાં નવા કેસ 10 હજારથી 20 હજારની વચ્ચે નોંધાયા.