પ્રાણીઓથી પરેશાન / અમદાવાદની પોળમાં આ પ્રાણીએ મચાવ્યો આતંક, 17 લોકોને કર્યા ઈજાગ્રસ્ત, અનેક વ્યક્તિઓને કરાવી પડી પ્લાસ્ટિક સર્જરી

Shyam

Last Updated: 08:56 PM, 14 July 2021

FOLLOW ON

શેર કરો

અમદાવાદમાં રિલીફ રોડ અને ઘીકાંટા કોર્ટ વિસ્તારમાં વાનરએ મચાવ્યો આતંક, વહેલી સવારે આવતા વાનરોએ અત્યાર સુધી 17થી વધુ લોકો પર હુમલા કરી ગંભીર ઇજા પહોંચાડી

અમદાવાદના કોટ વિસ્તારમાં કપિરાજે આતંક મચાવ્યો છે. જેના કારણે કોટવિસ્તારમાં ભયનો માહોલ જોવા મળી રહ્યો છે. રિલીફ રોડ, ઘી કાંટાની પોળોમાં એક જ સપ્તાહમાં 17 થી વધુ લોકો પર વાનરોએ હુમલો કર્યો છે. રિલીફ રોડ અને ઘીકાંટા કોર્ટ વિસ્તારમાં વાનરએ આતંક મચાવ્યો છે. વહેલી સવારે આવતા વાનરોએ અત્યાર સુધી 17થી વધુ લોકો પર હુમલા કરી ગંભીર ઇજા પહોંચાડી છે. રતનપોળ પાસે આવેલી નાગોરીશાળા પોળમાં સ્થાનિક રહોશો બહાર સુતા હોય છે. પરંતુ વાનરોએ તેની ઊંઘ હરામ કરી છે. વહેલી સવારે જ બહાર ફરતા લોકો પર વાનરે હુમલો કરતા 17 લોકો ઘવાયા છે. જેમાંથી 6 ઇજાગ્રસ્તોની પ્લાસ્ટિક સર્જરી કરવી પડી છે.

શહેરમાં ગ્રીનરી ઘટતા વાનરો કોટ વિસ્તારમાં પ્રવેશ્યા છે અને વધુ સમય ખોરાક માટે રહેણાક વિસ્તારમાં જ રહે છે. પરંતુ આ વાનરોએ કોટ વિસ્તારના લોકો પર હુમલા કરી આતંક મચાવ્યો છે. સ્થાનિક રહોશોએ વન વિભાગને અનેક વખત જાણ કરી ચુક્યા છે. પરંતુ વન વિભાગ વાનરને પકડવાની જગ્યાએ માત્ર ચેકિંગ કરી કામનો સંતોષ માની રહ્યા છે. સ્થાનિકોની માગ છે કે, વન વિભાગ જલ્દીથી કામગીરી કરી વાનરને પકડે નહીં તો, અહીં રહેનાર લોકોનો જીવ જોખમમાં મૂકાઈ શકે છે. ત્યારે વન વિભાગ આતંક મચાવનાર વાનરને ક્યારે પાંજરે પુરે છે તે જોવાનું રહ્યું.

સંકળાયેલા મુદ્દાઓ

ahmedabad terror of monkeys અમદાવાદ અમદાવાદ પોળ વાનર ahmedabad