તડજોડ / ભાજપમાં મોટું ભંગાણ, આ તાલુકા પંચાયતના 16 સભ્યોએ ધર્યા રાજીનામાં, બીજી બાજુ કોંગ્રેસ-અને AAP પણ તૂટી

• જલાલપોર બેઠક પર કોંગ્રેસમાં ગાબડું
• રાજકોટ ગ્રામ્યમાં AAPને ફટકો
• પાદરામાં ભાજપમાં ભંગાણ

ગુજરાત વિધાનસભાની ચૂંટણીનો રંગ બરાબરનો જામ્યો છે. ચૂંટણી આવતાની સાથે જ પક્ષ પલટાની મોસમ આવી હોય તેવી સમગ્ર ગુજરાતમાં પરિસ્થિતિ ઉભી થઇ છે. જેમાં ચૂંટણી સમયે જ જલાલપોર બેઠક પર કોંગ્રેસમાં ગાબડું પડ્યું છે તો રાજકોટ ગ્રામ્ય બેઠક પર AAPને વધુ એક ફટકો લાગ્યો છે તો પાદરા વિધાનસભા બેઠક પર ભાજપમાં ભંગાણ શર્જાયું છે.

જલાલપોર બેઠક પર કોંગ્રેસમાં ગાબડું
ચૂંટણી સમયે જલાલપોર બેઠક પર કોંગ્રેસમાં ગાબડું પડ્યું છે. પરિમલ પટેલે કોંગ્રેસમાંથી રાજીનામુ આપીને ભાજપમાં જોડાયા છે. 2017માં જલાલપોર બેઠક પર તેઓ કોંગ્રેસના ઉમેદવાર હતાં. ગતટર્મમાં 25 હજાર મતથી આર સી પટેલ સામે તેમની હાર થઈ હતી. કોંગ્રેસના 2 હજારથી વધુ કાર્યકરો સાથે તેઓ ભાજપમાં જોડાયા છે. સી આર પાટીલની હાજરીમાં તેઓએ ભાજપનો ખેસ ધારણ કર્યો છે. કોંગ્રેસના કાર્યકરો મોટી સંખ્યામાં ભાજપમાં જોડાયા હતા.

રાજકોટ ગ્રામ્યમાં AAPને ફટકો
રાજકોટ ગ્રામ્ય બેઠક પર આમ આદમી પાર્ટીને વધુ એક ફટકો લાગ્યો છે. કોટડા સાંગાણીમાં આમ આદમી પાર્ટીના 200થી વધુ કાર્યકરો કોંગ્રેસમાં જોડાયા છે. કોંગ્રેસના ઉમેદવાર સુરેશ બથવાર, અર્જુન ખાટરીયા હાજરીમાં આપના કાર્યકરો કોંગ્રેસમાં જોડાયા હતા.

પાદરામાં ભાજપમાં ભંગાણ
પાદરા વિધાનસભા બેઠક પર વધુ એક ભંગાણ સર્જાયું છે. ભાજપ શાસિત તાલુકા પંચાયતના સભ્યોએ રાજીનામાં આપ્યા છે. દિનેશ પટેલેના ભાજપમાંથી રાજીનામા બાદ તાલુકા પંચાયત તૂટી છે. તાલુકા પંચાયતના 16 સભ્યોએ ભાજપમાંથી રાજીનામા ધર્યા છે. તમામ 16 સભ્યોએ દિનેશ પટેલને સમર્થન કર્યું  છે