Asia Cup 2023 / IND vs PAK: પાકિસ્તાને ઈન્ડિયા સામેની પ્લેઇંગ ઈલેવન કરી જાહેર, આ ખેલાડીઓને આપ્યો ચાન્સ, જુઓ શાહીન શાહ આફ્રિદીનું શું થયું?

• એશિયા કપ 2023 માં ભારત અને પાકિસ્તાન વચ્ચે જોરદાર જંગ
• કેન્ડીના પલ્લેકેલે સ્ટેડિયમમાં આ જંગ ખેલાશે
• પાકિસ્તાને મેચ માટે પ્લેઇંગ ઇલેવનની કરી જાહેરાત 

એશિયા કપ 2023 માં ભારત અને પાકિસ્તાનના મુકાબલાને લઈને ક્રિકેટપ્રેમીઓમાં જબરો ઉત્સાહ જોવા મળી રહ્યો છે. શનિવારે 2 સપ્ટેમ્બરના રોજ ભારત અને પાકિસ્તાનની ટીમ ક્રિકેટના મેદાન પર ટકરાશે અને બળાબળના પારખા થશે. કેન્ડીના પલ્લેકેલે સ્ટેડિયમમાં આ જંગ ખેલાશે. ત્યારે આ અંગે પાકિસ્તાને મેચ માટે પોતાની પ્લેઇંગ ઇલેવનની જાહેરાત કરી દીધી છે.

Pakistan to field same playing XI tomorrow 🇵🇰#PAKvIND | #AsiaCup2023 pic.twitter.com/qe18Ad6pF4

— Pakistan Cricket (@TheRealPCB) September 1, 2023

સેમ ટીમ ઉતારવા અંગે નિર્ણય
પાકિસ્તાનની ટીમ માટે સારા સમાચાર એ છે કે પાકિસ્તાનની ટીમના સ્ટાર ફાસ્ટ બોલર  શાહીન શાહ આફ્રિદી હાલ આ મેચમાં સંપૂર્ણ ફીટ છે અને ભારત સામેની મેચમાં તે મેદાનમાં ઉતરશે. વધુમાં પાકિસ્તાને પોતાની ટીમમાં કોઈ ફેરફાર કર્યા નથી. અને સેમ ટીમ ઉતારવા અંગે નિર્ણય લેવામાં આવ્યો છે.

વરસાદ બની શકે છે વેરી

પાકિસ્તાનની ટીમમાં કેપ્ટન બાબર આઝમના નેતૃત્વ હેઠળ ફખર ઝમાન, ઈમામ ઉલ હક,  મોહમ્મદ રિઝવાન (વિકેટકીપર), ઈફ્તિખાર અહેમદ, સલમાન આગા, મોહમ્મદ નવાઝ, શાદાબ ખાન, હરિસ રઉફ, નસીમ શાહ અને શાહીન શાહ આફ્રિદીનો સમાવેશ કરાયો છે. મહત્વનું છે કે એક બાજુ આ મેચને લઈ ચાહકોમાં અનેરો થનગનાટ જોવા મળી રહ્યો છે  બીજી બાજુ વરસાદી વાતાવરણ વેરી બને તેવી પણ શકયતા જોવા મળી રહી છે.