અમદાવાદ / 900 બેડની હોસ્પિ. બહાર દર્દીઓ તરફડિયા મારે છે, તૈયારી નહોતી તો ઉદ્ઘાટન જ શું કામ કર્યુ, VIPને મળે છે એન્ટ્રી

• અમદાવાદના તંત્રના જડ નિયમથી પ્રજા પરેશાન 
• 900 બેડની હોસ્પિટલમાં મોટા ભાગના બેડ ખાલી પડ્યા છે 
• ખાનગી વાહનોમાં અને ઘરે જ દમ તોડી રહ્યા છે દર્દીઓ 

અમદાવાદની ધનવંતરી હોસ્પિટલ શોભાના ગાઠીયા સમાન 

ગુજરાતનો શ્વાસ કોરોના વાયરસના કારણે રૂંધાઈ રહ્યો છે, ખાસ કરીને અમદાવાદ અત્યારે નાજુક પરિસ્થિતિમાંથી પસાર થઈ રહ્યો છે. એવામાં તંત્રનું મનફાવે તેવું વર્તન લોકોના જીવ લઈ રહ્યું છે. અમદાવાદમાં દર્દીઓ સારવાર વગર જ, ઑક્સીજન માટે તરફડીને જીવ ગુમાવી રહ્યા છે. તંત્ર દ્વારા અણઘડ નિયમો અનુસાર માત્ર 108ના દર્દીઓને જ હોસ્પિટલમાં દાખલ કરવામાં આવી રહ્યા છે અને હવે તો આધાર કાર્ડ પણ માંગવામાં આવી રહ્યા છે ત્યારે દેશના ગૃહમંત્રી અમિત શાહના હસ્તે જે કોવિડ હોસ્પિટલ અમદાવાદમાં શરૂ કરવામાં આવી જેમાં 900 બેડની સુવિધાનો દાવો કરવામાં આવી રહ્યો છે તે હોસ્પિટલ હજુ પણ જાણે શોભાના ગાંઠિયા સમાન હોય તેવું દેખાઈ રહ્યું છે. 

900 બેડની હોસ્પિટલ છતાં માત્ર 125 દર્દી દાખલ

900 બેડની હોસ્પિટલમાં નેતાઑના હાથે ઉદ્ઘાટન થઈ ગયાના પાંચ દિવસ બાદ પણ માત્ર 125 દર્દીઓને દાખલ કરવામાંઆ આવ્યા છે. એક તરફ આખા અમદાવાદમાં બેડની અછત છે અને બીજી બાજુ આ આખી આટલી મોટી હોસ્પિટલમાં મોટા ભાગના બેડ ખાલી પડ્યા છે. 

શું રાજ્ય સરકારે ઉદ્ધાટન કરવા માટે જ હોસ્પિટલ ખોલી છે ? 

નોંધનીય છે કે અમદાવાદમાં 900 બેડની હોસ્પિટલ ઊભી તો કરી દેવામાં આવી પરંતુ અહિયાં ખાનગી વાહનોમાં આવતા દર્દીઓને કોઈ જ સારવાર આપવામાં આવતી નથી. દર્દીને દાખલ ન કરવાં માટે 108નું બહાનું કાઢવામાં આવે છે ત્યારે સવાલ એ ઊભા થાય છે કે શું આ હોસ્પિટલ સરકારે માત્ર ઉદ્ઘાટન કરવા જ ખોલી હતી? 

દર્દીઓ ઘરે દમ તોડી રહ્યા છે ત્યારે હોસ્પિટલમાં 108નો જડ નિયમ 

અમદાવાદમાં દર્દીઓ સારવાર વિના જ ખાનગી વાહનો અને ઘરમાં જ દમ તોડી રહ્યા છે ત્યારે તંત્ર દ્વારા બનાવવામાં આવેલા 108ના જડ નિયમ સામે પ્રજામાં ભયંકર રોષ જોવા મળી રહ્યો છે. 

गुजरात यूनिवर्सिटी कन्वेंशन सेंटर, अहमदाबाद में कल से शुरू हो रहे राज्य सरकार, रक्षा मंत्रालय व गृह मंत्रालय की सहायता से तैयार किए गए 900 ऑक्सीजन बेड व उच्च स्तरीय सुविधाओं से युक्त धन्वंतरी कोविड अस्पताल का निरीक्षण किया। इससे अहमदाबाद के कोरोना मरीजों को बहुत लाभ मिलेगा। pic.twitter.com/pJOPNlzU6G

— Amit Shah (@AmitShah) April 23, 2021