દક્ષિણમાં 'દસ્તક' / સુરતમાં છેલ્લા 2 દિવસમાં એકાએક ઈમ્યુનિટી બુસ્ટર ટેબલેટ, ઝીંક સહિતના વેચાણમાં વધારો

• સુરતના હીરા-કપડા ઉદ્યોગમાં ફફડાટ 
• ઓમિક્રોનથી સુરતમાં વધી  દહેશત
• UKથી આવેલા યુવકમાં સંક્રમણ 'ટ્રેસ

ગુજરાતમાં ઓમિક્રોનની દહેશત વધી રહી છે. જામનગર બાદ સુરતમાં ઓમિક્રોન વેરિયન્ટની એન્ટ્રી થઇ ચૂકી છે. તો બીજી તરફ સુરતમાં ઈમ્યુનિટી બુસ્ટર ટેબલેટની 20 ટકા માગ વધી છે.

કોરોનાની પહેલી અને બીજી લહેર આવી ત્યારે આપણે સંક્રમણથી બચવા માટે અનેક પ્રકારના આયુર્વેદીક ઉકાળા અને ખાટી વસ્તુના સેવન તરફ આગળ વધ્યા હતા. હજુ પણ ઈમ્યુનિટી વધારવા માટે કોઈને કોઈ પ્રયાસ કરતા રહીએ છીએ. પરંતુ ભારતમાં ઓમિક્રોનના વધતા સંક્રમણ વચ્ચે સુરતમાં ઈમ્યુનિટી બુસ્ટર ટેબલેટના વેચાણમાં અંદાજીત 20 ટકા જેટલો વધારો થયો છે. આ વધારો દર્શાવે છે કે, લોકોમાં ક્યાંકને ક્યાંક ઓમિક્રોન વેરિયન્ટનો ડર  વધી રહ્યો છે..

 ટેબલેટ -માસ્કનું વેચાણ વધ્યું ;ફફડાટ 

મહત્વનું છે કે, અમે જે આંકડા રજૂ કરી રહ્યા છે તે કોઈ અંદાજીત નથી.. પરંતુ કેમિસ્ટ એસોસિએશન દ્વારા રજૂ કરાયેલા આંકડા છે. તેમના જણાવ્યા પ્રમાણે, એક મહિના પહેલા જ્યાં સુરતમાં રોજ 16 હજાર ટેબલેટનું વેચાણ થઈ રહ્યું હતું. તેમાં હવે વધારો થયો છે અને રોજે-રોજ 19 હજારથી વધારે ઈમ્યુનિટી બુસ્ટરની ટેબલેટ વેચાઈ રહી છે.. એક મહિના પહેલા સેનેટાઈ{ર રોજ 25 હજાર લીટર જેટલું વેચાતું હતું તે, હવે ઓમિક્રોનના ડરના કારણે રોજ 30 હજાર લીટર વેચાઈ રહ્યું છે.. મહિના પહેલા રોજ માત્ર 20 હજાર માસ્ક વેચાતા હતા.  તે હવે રોજે-રોજ 25 હજારથી વધુ વેચાઈ રહ્યા છે. આમ આ આંકડા જ દર્શાવે છે કે, ફરી એક વખત લોકોમાં કોરોનાનો ભય ફેલાઈ રહ્યો છે.. અને તેનાથી બચવા માટે તમામ પ્રકારના સુરક્ષા કવચો અપવાની રહ્યા છે. 

એક અંદાજ પ્રમાણે છેલ્લા 6 મહિનાથી માસ્ક અને સેનિટાઈ{રના વેચાણમાં ઘટાડો નોંધાયો હતો.. પરંતુ જેવી જ તંત્ર દ્વારા ફરી દંડની કાર્યવાહી હાથ ધરવામાં આવી કે, માસ્ક અને સેનિટાઈ{રના વેચાણમાં વધારો થવા લાગ્યો છે.. બીજી તરફ લોકો ઈમ્યુનિટિ બુસ્ટર ટેબલેટ અને પાવડરનો વધુ ઉપયોગ કરતા પણ થયા છે.. જોકે લોકોની આ સજાગતા જ દર્શાવે છે કે,તેમને પણ ત્રીજી લહેર આવે તો ખુદને બચાવવાની ચિંતા છે.

હીરા ઉદ્યોગ સાથે સંકળાયેલો યુવક  UKથી આવ્યો છે 

જામનગરમાં 3 ઓમિક્રોન વેરિયન્ટના કેસ નોંધાઇ ચૂક્યા હતા. ત્યારબાદ હવે સુરતમાં કોરોનાના ઓમિક્રોન વેરિઅન્ટની એન્ટ્રી થઇ છે. વરાછા ઝોનમાં કોરોનાગ્રસ્ત દર્દીમાં ઓમિક્રોન વેરિઅન્ટ જોવા મળ્યો છે. આ સાથે જ ગુજરાતમાં કુલ 4 ઓમિક્રોનના કેસ નોંધાયા, જ્યારે દેશમાં કુલ 41 લોકો નવા વેરિયન્ટ સંક્રમિત થયા.

સુરતમાં ડાયમંડ ઉદ્યોગ સાથે સંકળાયેલો 42 વર્ષીય યુવક ઓમિક્રોનથી સંક્રમિત થયો છે. કોરોના પોઝિટિવ આવ્યા બાદ ઓમિક્રોન માટે સેમ્પલ લીધા હતા. જીનોમ સિકવન્સ માટે લેવાયેલા સેમ્પલનું પરિક્ષણ થયું હતું. જેમાં તેનો રિપોર્ટ પોઝિટિવ આવ્યો છે. તે થોડા દિવસ અગાઉ યુવાન UKથી આવ્યો હતો. હાલ તે ખાનગી હોસ્પિટલમાં સારવાર હેઠળ છે.