નવી સુવિધા / FB, યુટ્યુબ બાદ હવે લિંક્ડઈનને ટક્કર આપશે એલોન મસ્ક: X પર શરૂ થશે નોકરીનું આ ખાસ ફીચર

• એલોન મસ્કે 'X' પર જોબ સર્ચ ફીચર શરૂ કર્યું
• લોકોને નોકરી મેળવવામાં સરળતા રહેશે
• જોબ નેટવર્કિંગ પ્લેટફોર્મ LinkedInને મળી શકે છે ટક્કર

એલોન મસ્ક 'X' (અગાઉ ટ્વિટર) પર નવા-નવા પ્રયોગો કરી રહ્યા છે. હવે 'X'એ પ્રોફેશનલ નેટવર્કિંગ ક્ષેત્રમાં પણ પગ મુક્યો છે. 'X'એ તેના પ્લેટફોર્મ પર હાયરિંગનું બીટા વર્ઝન લૉન્ચ કરીને એક નવી સર્વિસને શરૂ કરી છે. હવે કંપનીઓ સોશિયલ મીડિયા પ્લેટફોર્મ X (અગાઉ ટ્વિટર) પર જોબ વેકેન્સી મૂકી શકશે, જેનાથી લોકોને નોકરી મેળવવામાં સરળતા રહેશે અને કંપનીઓેને યોગ્ય કર્મચારી મળવામાં સરળતા રહેશે. 'X'ની આ સર્વિસ શરૂ થતાં જ જોબ નેટવર્કિંગ પ્લેટફોર્મ જેમ કે LinkedInને મુશ્કેલ પડકાર મળી શકે છે. 

એક્સે લૉન્ચ કર્યું હાયરિંગ બીટા 
એક્સએ શનિવારે એક પોસ્ટમાં જણાવ્યું કે, માત્ર વેરિફાઈડ ઓર્ગેનાઈઝેશન્સ જ આ નવી સુવિધાનો લાભ ઉઠાવી શકશે. વેરિફાઈડ ઓર્ગેનાઈઝેશન્સ એ એવી કંપનીઓ અને ઓર્ગેનાઈઝેશન્સ છે જેમણે Twitterની 'વેરિફાઈડ ઓર્ગેનાઈઝેશન્સ'નું સબ્સક્રિપ્શન લીધું છે. આ ઓર્ગેનાઈઝેશન X હાયરિંગ બીટા પ્રોગ્રામ માટે સાઇન અપ કરી શકે છે. પોસ્ટમાં જણાવ્યું કે, એક્સ હાયરિંગ બીટા, જે ફક્ત વેરિફાઈડ ઓર્ગેનાઈઝેશન્સ માટે છે. તેનો ઉપયોગ કરવા માટે તેને અનલૉક કરો. તેની મદદથી ઓર્ગેનાઈઝેશન્સ લાખો લોકો સુધી પહોંચી શકે છે.

Unlock early access to the X Hiring Beta — exclusively for Verified Organizations.

Feature your most critical roles and organically reach millions of relevant candidates.

Apply for the Beta today 🚀: https://t.co/viOQ9BUM3Y pic.twitter.com/AYzdBIDjds

— Hiring (@XHiring) August 25, 2023

કંપનીએ લેવું પડે છે સબસ્ક્રિપ્શન
હવે 'X' પર વેરિફાઈડ ઓર્ગેનાઈઝેશનનું ટેગ મેળવવા માટે કોઈપણ કંપનીએ સબસ્ક્રિપ્શન લેવું પડે છે. આ માટે તેણે દર મહિને 82,300 રૂપિયા ચૂકવવા પડે છે. ઓર્ગેનાઈઝેશનના પેઈડ એકાઉન્ટના ફાયદા વિશે વાત કરીએ તો કંપનીઓ અને ઓર્ગેનાઈઝેશન્સ તેમના કર્મચારીઓના એકાઉન્ટને એફિલિએટ અને વેરિફાઈ કરાવી શકે છે. આ રીતે વેરિફાઈ થયેલા એકાઉન્ટ્સને ટિકની સાથે ઓર્ગેનાઈઝેશનનું યુનિટ બેજ પણ મળે છે. 

ક્રિએટર્સ કમાઈ શકશે પૈસા
માઈક્રોબ્લોગિંગ પ્લેટફોર્મ X દ્વારા વેરિફાઈડ કન્ટેન્ટ ક્રિએટર્સ પૈસા પણ કમાઈ શકશે. આ માટે કંપનીએ જુલાઈમાં એડ રેવેન્યૂ શેરિંગ પ્રોગ્રામ પણ લૉન્ચ કર્યો છે. આ પ્રોગ્રામ અંતર્ગત ક્રિએટર્સને તેમના ટ્વીટના રિપ્લાઈમાં દેખાતી જાહેરાતો માટે પૈસા આપવામાં આવશે. કંપનીના માલિક એલોન મસ્કે તાજેતરમાં જણાવ્યું હતું કે કંપની ક્રિએટર્સને ફર્સ્ટ બ્લોકમાં ટોટલ 5 મિલિયન ડોલર (41 કરોડ રૂપિયા) ચૂકવશે.