ધર્મ / માત્ર તુલસી જ નહીં, સાથે આ 5 છોડ ઉગાડવાના પણ છે અનેક ફાયદા, તણાવ દૂર થશે, ઘરમાં પોઝિટિવિટી આવશે

• છોડ વાસ્તુ શાસ્ત્રની દષ્ટિએ પણ શુભ માનવામાં આવે છે
• છોડ ઘરના વાતાવરણને શુદ્ધ કરવાની સાથે સકારાત્મક ઉર્જાનું સંચાર કરે
• તુલસી સિવાય પણ ઘરમાં લગાવવા જોઈએ આવા છોડ 

છોડ વાસ્તુ શાસ્ત્રની દષ્ટિએ શુભ માનવામાં આવે છે. વાસ્તુ શાસ્ત્ર અનુસાર અમુક છોડ ઘરના વાતાવરણને શુદ્ધ કરવાની સાથે સાથે સકારાત્મક ઉર્જાનું પણ સંચાર કરે છે. વાસ્તુશાસ્ત્ર અનુસાર અમુક છોડને લગાવવાથી ઘરમાં માતા લક્ષ્મીનો વાસ થાય છે. સાથે જ પરિવારમાં આર્થિક સમૃદ્ધિ પણ થાય છે. આવા ઘણા છોડ છે, જે તણાવ અને ચિંતાને દૂર કરવા માટે જાણીતા છે. તુલસીનો છોડ તેમાંથી એક છે. હિંદુ ધર્મમાં તુલસીને દેવીનું સ્થાન આપવામાં આવ્યું છે અને દરેક ઘરમાં તેની પૂજા કરવામાં આવે છે. આ સાથે તુલસીમાં ઔષધીય ગુણો પણ છે. તુલસી સિવાય પણ આવા ઘણા છોડ છે જે ઘરમાં લગાવવાથી સકારાત્મકતા આવે છે ચાલો જાણીએ તેમના વિશે.

સકારાત્મક ઉર્જા માટે ઘરમાં લગાવો આ છોડ
જાસ્મીન
જાસ્મીનનો છોડ તેની ઉત્કૃષ્ટ સુગંધ માટે જાણીતો છે. તેનું તેલ અને ફૂલ બંને ખૂબ સુગંધિત હોય છે એટલા માટે ઘરમાં ચમેલીના ફૂલ લગાવવાથી આપણા મનને આરામ મળે છે.

એલોવેરા
એલોવેરા ફક્ત આપણી ત્વચા, વાળ અને સ્વાસ્થ્ય માટે જ ફાયદાકારક નથી પણ એ સાથે જ તે મનને પણ શાંત રાખે છે. એલોવેરા છોડ હવાને શુદ્ધ કરે છે અને તણાવ ઘટાડવા માટે જાણીતો છે.

લવંડર 
લવંડર છોડ તેના વિશિષ્ટ ગુણો અને સુગંધ માટે જાણીતો છે. આ છોડને ઘરમાં લગાવવાથી તણાવમાં રાહત મળે છે અને સારી ઊંઘમાં પણ મદદ મળે છે.

કેમોલી
કેમોલી ફૂલો સકારાત્મકતા લાવે છે. તેઓ મગજને તણાવમુક્ત બનાવવા અને સારી ઊંઘ લાવવા માટે જાણીતા છે. 

બ્રાહ્મી
બ્રાહ્મી એક જડીબુટ્ટી છે જેનો ઉપયોગ યાદશક્તિ વધારવા, માનસિક સ્વાસ્થ્ય સુધારવા અને ધ્યાન વધારવા માં પણ મદદ કરે છે.