બિહાર / VIDEO : ઘણા પેદા કરી નાખ્યાં, આટલા બાળકો પેદા કરવા જોઈએ? 'ફરી બગડ્યાં' નીતિશ

બિહારના મુખ્યમંત્રી નીતિશ કુમારે પારિવારિક વિવાદને લઈને ફરી એકવાર આરજેડી પ્રમુખ લાલુ પ્રસાદ યાદવ પર નિશાન સાધ્યું છે. નીતિશ કુમારે શનિવારે કટિહારમાં લાલુ અને રાબડી દેવીનું નામ લીધા વગર ચૂંટણી રેલીને સંબોધિત કરી હતી. તેમણે કહ્યું કે, આ લોકોએ ઘણા પેદા કર્યાં, શું કોઈએ આ રીતે બાળકો પેદા કરવા જોઈએ? તેમણે લાલુને ટોણો મારતા કહ્યું કે પહેલા તેઓ પોતે સીએમ બન્યા, જો તેઓ જતા રહ્યા તો તેમણે પત્ની બનાવી. તે હવે બાળકોને આગળ કરી રહ્યાં છે. કેટલીક જગ્યાએ તેઓ દીકરીઓને મૂકી રહ્યા છે તો બીજી જગ્યાએ દીકરાઓને મૂકી રહ્યા છે.

#WATCH | Katihar: Bihar CM Nitish Kumar says, "Some people claim everything these days. They appointed their wives when they were removed. Now, it is their children these days. 'Ab paida to bahut kar diya. Itna zyaada paida karna chahiye kisi ko, baal baccha?'... Now they have… pic.twitter.com/x8Q8GdKz0W

— ANI (@ANI) April 20, 2024

વધુ વાંચો : કચ્છમાંથી મળેલા 5 કરોડ વર્ષ જુના નાગરાજ વાસુકીનું મોટું રહસ્ય, સમુદ્ર મંથન સાથે ખાસ કનેક્શન

આરજેડી પરિવારની પાર્ટી-નીતિશ 
બિહારના મુખ્યમંત્રી નીતિશ કુમારે શનિવારે કટિહારના દાંડખોરાના દુમરિયામાં જેડીયૂ ઉમેદવાર દુલાલચંદ ગોસ્વામીના સમર્થનમાં જનસભાને સંબોધિત કરી. પોતાની વિકાસગાથાની ચર્ચા કરવાની સાથે મુખ્યમંત્રીએ પોતાના સંબોધનમાં લોકોમાં લઘુમતીઓ માટેનું કામ રાખ્યું હતું. આ સાથે જ મુખ્યમંત્રીએ ઈશારાઓમાં પરિવારવાદ માટે લાલુ પરિવાર પર અલગ અંદાજમાં પ્રહાર કર્યા હતા. તેમણે આરજેડી વિશે કહ્યું કે આ પરિવાર કોઇનો નથી, પરંતુ તેમના પરિવારની પાર્ટી છે. તેમણે વિકાસના મુદ્દે એનડીએના ઉમેદવારને મત આપવા લોકોને અપીલ કરી હતી. પોતાના ભાષણમાં નીતિશ કુમારે લોકોને આરજેડીના શાસનની સ્થિતિની યાદ અપાવી હતી. તેમણે કહ્યું કે તમે જૂની વાત ભૂલી ગયા હશો, તેથી કહેવા માંગો છો કે પહેલા કોઈ કામ થયું ન હતું. રાત્રે કોઈ બહાર જઈ શકતું ન હતું. આવવા-જવાનો કોઈ રસ્તો નહોતો. અભ્યાસ અને સારવાર માટે કોઈ સુવિધા નહોતી. ક્યાંય પણ વ્યવસ્થા નહોતી.

Bihar Chief Minister Nitish Kumar takes a jibe at RJD leader Lalu Prasad Yadav says, "Does anyone give birth to so many children..." pic.twitter.com/mAKeukqY4y

— IANS (@ians_india) April 20, 2024

લાલુનો આખો પરિવાર રાજનીતિમાં 
લાલુ પ્રસાદ યાદવનો આખો પરિવાર રાજનીતિમાં રહી ચૂક્યો છે હાલમાં પણ છે. લાલુ પ્રસાદ યાદવની બે પુત્રીઓ મીસા ભારતી અને રોહિણી આચાર્ય આ વખતે ચૂંટણી લડી રહ્યા છે. સીએમ નીતિશ ઘણીવાર પોતાના ભાષણોમાં આ વાતનો ઉલ્લેખ કરી રહ્યા છે અને લાલુ યાદવ પર પોતાના પરિવારને આગળ વધારવાનો આરોપ લગાવી રહ્યા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો