નિતીનભાઈ 2016થી વહાવી રહ્યા છે સેવાની સરવાણી
બનાસકાંઠા જિલ્લામાં ડીસા તાલુકાના રાજપુર વિસ્તારમાં રહેતા નીતિન સોનીએ સેવા કેવી હોય તે સાચા અર્થમાં સાબિત કરી બતાવ્યું છે. સાચી મદદ અને લોકોની સેવા કરી નિતીનભાઈ સાચો માનવ ઘર્મ નિભાવી રહ્યા છે. . કોઈપણ જરૂરિયાતમંદ વ્યક્તિને અડધી રાતે પણ જરૂર પડી હોય તો તેઓ ત્યા પહોંચી તેની મદદ કરે છે. 2016થી લઈ અત્યાર સુધી જરૂરિયાતમંદ અનેક લોકોની નિતીનભાઈ અવિરત મદદ કરી રહ્યા છે.
પહેલા તેમની પોતાની આર્થિક સ્થિતિ પણ સારી ન હતી
ડીસા શહેરમાં આવેલા રાજપુર વિસ્તારમાં રહેતા નીતિનભાઈ સોની જે હાલ સોનાચાંદીના વેપાર સાથે સંકળાયેલા છે. એક સમયે નિતીનભાઈ સોનીના પરિવારની આર્થિક પરિસ્થિતિ સારી ન હતી.....પરિવારનું ગુજરાન ચલાવવા માટે સામાન્ય નોકરી કરતા નીતિનભાઈને ઘણીવાર લોકો પાસે ઉછીના પૈસા હાથ લાંબો કરવો પડતો હતો, પણ જીવનપથ પર હાર માન્યા વગર નીતિનભાઈ સોનીએ પરિશ્રમ શરૂ રાખ્યો હતો અને આજે પોતાની સોના ચાંદીની દુકાન છે....... પોતે વેઠેલા ગરીબાઈના દિવસોને યાદ કરતા નિતીનભાઈને અન્ય કોઈપણ વ્યકતિને ગરીબીના કારણે તકલીફ ન પડે તે માટે જરૂરીયાતમંદ લોકોની સેવા કરવાનો વિચાર આવ્યો અને વર્ષ 2016 થી માનવ સેવા કરવા ડગ માંડ્યા.........
સંગઠનના સભ્યો સાથે મળી અનેક લોકોને પાકા મકાન બનાવી આપ્યા
ડીસા ખાતે રહેતા નિતીન સોની તેમના સંગઠનના ગ્રુપના સભ્યો સાથે મળી અત્યારે બનાસકાંઠા જિલ્લા સહિત અન્ય જિલ્લામાં પણ જરૂરિયાત મંદ લોકોને પોતાની સેવા આપી રહ્યા છે........ વર્ષ 2016 થી અત્યાર સુધી બનાસકાંઠા જિલ્લા અને પાટણ જિલ્લામાં પોતાના પરિવારમાં કોઈ આધાર ન હોય તેવા 26 જેટલા ઘરવિહોણા પરિવારોને નિતીનભાઈએ પાકા મકાન બનાવી આપી ખૂબ મોટુ માનવસેવાનુ કામ કર્યુ છે..ડીસા શહેરના નહેરુનગર ટેકરા વિસ્તારમાં એવા કેટલાય ગરીબ અને મધ્યમ વર્ગના પરિવારો છે જેમને નીતિનભાઈ અને તેમની ટીમ દ્વારા કાચા મકાનમાંથી પાકા નવા મકાન બનાવી આપવામાં આવતા હાલ પોતાના કુટુંબ સાથે સુખી જીવન પસાર કરી રહ્યા છે.......
સેવા કરીને આશિર્વાદ મેળવે છે
પતિના અવસાન બાદ પોતાને પગે પેરાલીસીસ થતા અને પરિવારમાં કોઈ વ્યવસાય ન હોવાથી કાચા મકાનમાં ગંભીર પરિસ્થિતિનો સામનો કરતા જરુરીયાતમંદે નીતિનભાઈનો સંપર્ક કરતા નીતિનભાઈએ તાત્કાલિક નવું મકાન બનાવી આપી તે પરિવારના સંઘર્ષને ટાળી જીવન સરળ બનાવી દીધુ છે.... વર્ષોથી કાચા મકાનમાં રહેતા પરિવાર ચોમાસાના સમયમાં પાણી ભરાઈ રહેતા માત્ર એક જ પલંગ પર દિવસો પસાર કરી, નાની મોટી મજૂરીથી પરિવારનું ગુજરાન ચલાવી હાલાકીનો સામનો કરી બેઘર જેવી જ પરિસ્થિતિમાં જીવન પસાર કરતા લોકોને નીતિનભાઈ સોનીએ નવું મકાન બનાવી આપતા તે પરિવારના આશીર્વાદ મેળવી નિતીનભાઈ નિસ્વાર્થ ધન્યતા મેળવી લે છે......
કડિયાકામ કરી ગુજરાન ચલાવતા સેજલબેનને નવું મકાન બનાવી આપ્યું
માટીનુ કાચુ મકાન....પતિનુ અવસાન...પરિવારનો મોભ જ ના રહ્યો હોય તો ગુજરાન કેવી રીતે ચલાવવું.... પણ કહે છે ને. કે એક રસ્તો બંધ થાય તો ભગવાન બીજો રસ્તો ખોલી જ નાંખે છે અને આવા જરુરિયાતમંદોનો બીજો રસ્તો એટલે નીતિનભાઈ સોની.... પતિના અવસાન બાદ જાતે કડિયા કામ કરી પોતાના પરિવારનું ગુજરાન ચલાવતા સેજલબહેનને નીતિનભાઈ સોનીએ નવું મકાન બનાવી આપી તેમને મકાન નહિ પણ ખરા અર્થમાં ઘર આપ્યુ છે....
અનેક ગરીબ દર્દીઓને સારવાર માટે આર્થિક સહાય પુરી પાડી
બનાસકાંઠા જિલ્લો હોય કે અન્ય કોઈ પણ જગ્યાએ નીતિનભાઈ સોનીને જરૂરિયાતમંદ લોકો મદદ માટે પોકારે ત્યાં તે કોઈ પણ મુઝવણ વિના પહોંચી જરુરિયાતમંદોની મદદ કરે છે.... પહેલા પોતાની આર્થિક સ્થિતિને ધ્યાનમાં રાખી એકલા હાથે લોકોની મદદ કરતા નીતિનભાઈના મિત્ર મંડળને તેમના સેવાકીય કાર્યોની જાણ થતા મિત્રો પણ તેમની સાથે જોડાઈ આર્થિક મદદ કરી નિતીનભાઈના સેવાકાર્યને વિશાળ બનાવ્યુ છે.....જિલ્લાના અનેક સેવાભાવી લોકો નીતિનભાઈ સોની સાથે સેવાના મેદાને જોવા મળે છે. ફક્ત મકાન બનાવી આપીને નીતિનભાઈ સોનીની સેવા અટકતી નથી બનાસકાંઠા જિલ્લાના અનેક લોકોને નીતિનભાઈ દ્વારા હોસ્પિટલની પણ સુવિધા પૂરી પાડવામાં આવી રહી છે....
૮૦૦થી પણ વધુ દર્દીઓના ઓપરેશન કરાવી આપ્યા
રાજસ્થાન બનાસકાંઠા પાટણ સહિત અનેક જિલ્લાઓમાંથી આવતા જરૂરિયાત મંદ દર્દીઓને નીતિનભાઈ સોની મોટા ઓપરેશનના ખર્ચ પૂરા પાડી સાચી માનવસેવા કરી રહ્યા છે..નીતિનભાઈ સોની ૮૦૦થી પણ વધુ દર્દીઓના ઓપરેશનના મોટા ખર્ચ પૂરા પાડી ખૂબ મોટી આર્થિક સહાય કરી ગરીબોના આધાર બન્યા છે, પરિવારની નાજુક આર્થિક પરિસ્થિતિના કારણે યોગ્ય સારવાર ના મળતા, નીતિનભાઈ સોનીનો સંપર્ક જીવનમાં સૌથી મોટો ચમત્કાર સર્જી ગયાની લાગણી નીતિનભાઈને ઉંચા આસને બિરાજમાન કરી દે છે............
બે વર્ષથી પથારીવશ વર્ષાબેનનું ઓપરેશન કરાવી આપ્યું
અકસ્માતમાં બંને પગે ગંભીર ઇજાઓના કારણે છેલ્લા બે વર્ષથી પથારીવશ વર્ષાબેનના પરિવારે નીતિનભાઈ સોનીનો સંપર્ક કર્યો અને નીતિનભાઈ સોનીએ વર્ષાબેનને ખાનગી હોસ્પિટલમાં બંને પગોનુ તાત્કાલિક ઓપરેશન કરાવી આપી વર્ષાબેનને જીવનરાહ પર આત્મનિર્ભર બનાવ્યા. કોરોનાના કપરાકાળમાં દેશ દુનિયાના કામ ધંધા ઠપ્પ થતા લોકોને ભારે મુશ્કેલીઓનો સામનો કરવો પડી રહ્યો હતો. તેવા સમયે ડીસા શહેરના નિતીનભાઈ સોનીએ પોતાની ચિંતા કર્યા વિના જિલ્લામાં રહેતા ગરીબ અને મધ્યમ વર્ગના લોકો સુધી રાશનકીટ પહોંચાડી ખરા અન્નદાતા બન્યા હતા.....
જરૂરિયાતમંદોના મસીહા નીતિનભાઈ સોનીની સેવા સુવાસ દરેક જગ્યાએ ફેલાયોલી છે. બેરોજગારને રોજગાર માટે વૈકલ્પિક વ્યવસ્થા, ગાયોને ઘાસચારો અને પશુઓની સારવાર કરાવી અબોલના પણ આશીર્વાદ નીતિનભાઈ મેળવી લે છે........પરિવારમાં કોઈ કમાનારું ના હોય તેવા ડીસા શહેરમાં વસતા 150 થી પણ વધુ પરિવારને તેમના ઘરે દર મહિને રાશનકીટ પહોંચાડી નીતિનભાઈ ભુખ્યાની આંતડી ઠારે છે.....
અનેક પરિવારોને જીવન જરૂરીયાતની ચીજ વસ્તુઓ પુરી પાડે છે
અનેક એવા પરિવારો ડીસા શહેરમાં વસવાટ કરી રહ્યા છે જેમાં કમાનાર વ્યક્તિ પથારીવશ હોય કે પછી પરિવાર નિરાધાર હોય અથવા તો કોઇ વિધવા કે જરુરિયાતમંદ હોય તો તેમના ઘરે દાળ, ચોખા, ઘઉં, ખાંડ, ચા પત્તિ, તેલ, મીઠું સહિત મકાનનું લાઈટ બિલ અને ગેસનો બાટલો પણ દર મહિને નીતિનભાઈ સોની દ્વારા પૂરો પાડવામાં આવી રહ્યો છે......ડીસા શહેરમાં અનેક વૃદ્ધો એવા છે જેમના પુત્રો અવસાન પામ્યા છે અને પરિવારમાં કોઈ જ કમાવનારું નથી તેવા પરિવારોની નીતિનભાઈ સોની અને તેમની ટીમ મુલાકાત કરી રાશન કીટ આપે છે.... ડીસા શહેરમાં 150 થી પણ વધુ પરિવારોને દર મહિને નીતિનભાઈ સોની રાશન પૂરું પાડી ઉત્તમ સેવાકાર્ય કરી રહ્યા છે... ભૂતકાળમાં પોતે ભોગવેલી મુશ્કેલી અન્ય કોઈ વ્યક્તિ પર ના પડે તેના માટે હંમેશા લોકોની મદદ કરતા રહી ભવિષ્યમાં પણ ગરીબોની મદદ કરી માનવતા મહેકાવતા નિતીનભાઈ સોનીને તેમની કામગીરી અને નિસ્વાર્થ સેવાને વીટીવી સલામ કરે છે.
