કાયદો / નેપાળના રાષ્ટ્રપતિએ વિવાદિત નકશાના બિલ પર કર્યા હસ્તાક્ષર, 395km ભારતીય વિસ્તાર પોતાનો ગણાવ્યો

Hiren

Last Updated: 09:55 PM, 18 June 2020

FOLLOW ON

શેર કરો

નેપાળે ભારતના વિરોધને ન ગણકારતા વિવાદિત નકશાને મંજૂરી આપી આપી દીધી છે. ગુરૂવાર સવારે નેપાણી સંસદના ઉચ્ચ સદનથી બંધારણ સંશોધન બિલને મંજૂરી મળ્યા બાદ નેપાળના રાષ્ટ્રપતિ વિદ્યા દેવી ભંડારીએ હસ્તાક્ષર કરીને આને બંધારણ જાહેર કરી દીધો છે. આની સાથે જ હિમાલયી રાજ્યના નકશામાં આજથી પરિવર્તન કાયદાકીયરીતે લાગૂ થઇ ગયું છે. જણાવી દઇએ કે ભારત શરૂઆતથી જ નેપાલનું આ એકતરફી કાર્યવાહીને વગર કોઇ ઐતિહાસિક પુરાવાનએ એકતરફી કાર્યવાહી બતાવતું આવ્યું છે.

નેપાળના રાષ્ટ્રપતિ વિદ્યાદેવી ભંડારીએ દેશના વિવાદિત નકશા બિલ પર કર્યા હસ્તાક્ષર, બન્યો કાયદો
નેપાળી સંસદના ઉપરી સદનમાં ગુરૂવારે જ બંધારણ સંશોધન બિલને પૂર્ણ બહુમતિથી મંજરી મળી હતી
નવા નકશામાં લિપુલેખ, કાલાપાની અને લિમ્પિયાધુરાને નેપાલે પોતાના ગણાવ્યા

નેપાળની સંસદના ઉચ્ચ સદન નેશનલ અસેમ્બલીએ દેશના વિવાદિત રાજકિય નકશાને મંજૂરી આપતા સત્તાધારી નેપાળ કમ્યુનિસ્ટ પાર્ટીએ ભારત પર જમીનનો ગેરકાયદે કબજો કરવાનો આરોપ લગાવ્યો. સંસદીય દળના નેતા દીનાનાથ શર્માએ કહ્યું કે, ભારતે લિપુલેખ, કાલાપાની અને લિમ્પિયુધુરા પર ગેરકાયદે કબજો કર્યો છે અને તેને નેપાળી જમીનને પરત આપી દેવી જોઇએ. મહત્વનું છે કે, આ નવા નકશામાં 395 કિલોમીટર ભારતીય વિસ્તારમાં સામેલ છે.

બન્ને સદનોમાં વિરોધમાં એક પણ મત નહીં

નેપાળના નવા નકશાના સમર્થનમાં નેશનલ એસેમ્બલીમાં 57 વોટ પડ્યા અને વિરોધમાં કોઇએ મત ન આપ્યો. આ પ્રકારે આ બિલને સર્વસમ્મતિથી નેશનલ એસેમ્બલીથી પસાર થઇ ગયું. નેશનલ એસેમ્બલીમાં મતદાન દરમિયાન સંસદમાં વિપક્ષી નેપાળી કોંગ્રેસ અને જનતા સમાજવાદી પાર્ટી-નેપાળે બંધારણની ત્રીજી યાદીમાં સંશોધન સંબંધિત સરકારના બિલનું સંમર્થન કર્યું.
જણાવી દઇએ કે, નેપાળી નીચલી સદન પહેલા જ આ બિલને પૂર્ણ બહુમતિથી મંજૂર આપી ચૂક્યું છે. ત્યાં પણ વિરોધમાં એક પણ મત નહોતો પડ્યો.