NEET PG 2022 / નીટ પીજીની પરીક્ષા માર્ચ મહિનામાં નહીં લેવાય, છ થી આઠ વીક પાછળ ધકેલાશે: સ્વાસ્થ્ય મંત્રાલય

• સ્વાસ્થ્ય મંત્રાલયની મોટી જાહેરાત 
• 12 માર્ચે નહીં યોજાય NEET PG 2022
• છ થી આઠ મહિના પાછળ ખસેડવામાં આવી

સ્વાસ્થ્ય મંત્રાલય દ્વારા આ વખતે 12 માર્ચે યોજાનાર NEET PG 2022 પરીક્ષા છ થી આઠ અઠવાડિયા પાછળ ખસેડવામાં આવી હોવાના સમાચાર આવ્યા છે. 

Union Health Ministry postpones NEET PG exam 2022 by 6-8 weeks

The exam was scheduled to be held on March 12 pic.twitter.com/MPpisjbvvx

— ANI (@ANI) February 4, 2022

સ્વાસ્થ્ય મંત્રાલય દ્વારા જાહેર કરવામાં આવેલી અપડેટ મુજબ જેની પરીક્ષાર્થીઓ રાહ જોઈ રહ્યા હતા તે પરીક્ષા આગામી મહિનાના બીજા વીક માં યોજવાની હતી પરંતુ હવે તેને છ થી આઠ વીક પાછળ ધકેલવામા આવી છે. 

નિયામકે કરી જાહેરાત 

કેન્દ્રીય આરોગ્ય મંત્રાલયે NEET-PG 2022 (National Eligibility Cum Entrance Test- Post Graduation) પરીક્ષાની તારીખ ઓછામાં ઓછા છથી આઠ અઠવાડિયા માટે મુલતવી રાખી છે. ગુરુવારે જારી કરાયેલા આદેશમાં, આરોગ્ય સેવાઓના નિયામકએ લખ્યું, "મને નિર્દેશ આપવામાં આવ્યો છે કે માહિતી બુલેટિનમાં પ્રકાશિત NEET-PG-2022 પરીક્ષાની તારીખ એટલે કે 12 માર્ચ 2022 ને પાછળ ધકેળવાની વિનંતી અંગે તબીબી વિભાગ અને ડોકટરો તરફથી ઘણી રજૂઆતો મળી રહી છે.

આ છે કારણ 

NBE દ્વારા બુલેટિનમાં જાહેર કરવામાં આવેલી તારીખમાં ફેરફાર થશે કારણ કે NEET PG 2021 કાઉન્સેલિંગ સાથે માથાકૂટ ચાલી રહી છે. ઉપરાંત, ઘણા ઈન્ટર્ન મે 2022ના મહિના સુધીમાં PG કાઉન્સેલિંગ 2022માં ભાગ લઈ શકશે નહી. આ બધા કારણોને ધ્યાનમાં રાખીને હજુ છ થી આઠ અઠવાડિયા પરીક્ષા મુલતવી રાખવામાં આવે છે. 

વિદ્યાર્થીઓ સુપ્રીમમાં 

સુપ્રીમ કોર્ટ શુક્રવારે પરીક્ષા સ્થગિત કરવા અંગેની અરજી પર સુનાવણી કરવાની હતી. અરજી 25 જાન્યુઆરીના રોજ દાખલ કરવામાં આવી હતી.  MBBS વિદ્યાર્થીઓએ સર્વોચ્ચ અદાલતનો કોન્ટેક્ટ કર્યો હતો કારણ કે ઘણા ઉમેદવારો દ્વારા ફરજિયાત ઇન્ટર્નશિપ વગેરે જેવી ઘણી બેઝિક જરૂરિયાતો પણ પૂરી કરવામાં આવી ન હતી. તેમની કોવિડ ડ્યુટીને કારણે ઘણી ઇન્ટર્નશીપ અટકી ગઈ હતી, એમ તેઓએ જણાવ્યું હતું.