હે ભગવાન.! / કુદરતી આફત સામે માલઢોરને બચાવવા જતા પિતા-પુત્ર મોત, ધસમસતા પાણીના વહેણમાં તણાયા હતા 22 બકરાં, ભાવનગરની ઘટના

Dinesh

Last Updated: 11:29 PM, 15 June 2023

FOLLOW ON

શેર કરો

ભાવનગરમાં કુદરતી આફતે બે લોકોનો ભોગ લીધો છે, સમી સાંજે સોડવદરા ગામે મોટી દુર્ઘટના ઘટી છે, બકરા ચરાવી પરત ફરતા પિતા-પુત્ર પાણીના વોકણામાં તણાઈ જતા મોત થયું છે.

ભાવનગરમાં કુદરતી આફતે બે લોકોનો લીધો ભોગ
પાણીમાં પોતાના માલઢોરને બચાવવા જતા પિતા-પુત્ર તણાયા
22 જેટલા બકરાઓ પણ આ ઘટનામાં મોતને ભેટ્યા

ભાવનગરના સિહોરમાં આવેલા વરતેજ નજીકના સોડવદરા ગામે ઘેટા-બકરા ચરાવીને પરત ફરતા પિતા-પુત્રનું વોકળામાં ડૂબી જવાથી મોત થયું છે. પિતા-પુત્ર બકરા ચરાવીને પરત ફરતી વેળાએ પાણીના પ્રવાહમાં બકરાઓ તણાવવા લાગ્યા હતા. જે દરમિયાન પિતા-પુત્ર બન્ને કૂદી પડ્યા હતા અને બકરાઓને બચાવવા જતા તેઓ પણ તણાઈ જતા મોતને ભેટ્યા છે.

માતા-પિતા બન્ને મોતને ભેટ્યા
સોડવદરા ગામે રહેતા રામજીભાઈ મેઘાભાઈ પરમાર અને તેમના પુત્ર રાજેશ રામજીભાઈ પરમાર તેઓ પશુપાલનના વ્યવસાય સાથે જોડાયેલા છે. સાંજના સુમારે સોડવદરા ગામની બાજુમાં આવેલ ભંડાર ગામેથી બન્ને પિતા-પુત્ર બકરાઓ ચરાવી પરત ફરતા હતા. ત્યારે સોડવદરા ગામ નજીક એક પાણીના વોકણામાં અચાનક પાણીનો પ્રવાહ વધી જતાં અચાનક બકરાઓ તણાવવા લાગ્યા હતા. જેમાં રામજીભાઇએ બકરાઓને બચાવવા પાણીના પ્રવાહમાં કૂદી પડ્યા હતા. ત્યારબાદ તેઓ પણ ડૂબવા લાગતા તેમના પુત્ર રાજેશ તેમને બચાવવા તે પણ કૂદી પડ્યો હતો. આ વેળાએ આ બન્ને મોતને ભેટ્યા હતાા.

પંથકમાં અરેરાટી વ્યાપી
22 જેટલા બકરાઓ પણ આ ઘટનામાં મોતને ભેટ્યા છે. બનાવને લઈ સ્થાનિક લોકો એકઠા થઇ પિતા-પુત્રના મૃતદેહને પાણી બહાર કાઢી પોલીસ અને તંત્રને જાણ કરી હતી. આ બનાવને લઈ સમગ્ર પંથકમાં અરેરાટી વ્યાપી ગઈ છે.

સંકળાયેલા મુદ્દાઓ

Biporjoy Cyclone Cyclone bhavnagar news બે લોકોના મોત બેના મોત Bhavnagar Two died