તેલંગાણા / 3 એકર જમીન પણ વેચી 100 લાખ વૃક્ષો વાવનારો 'ટ્રી મેન', ઘરેથી નીકળે તોય છોડ અને બીજ સાથે રાખે, કહાની પણ હરિભરી

• દારીપલ્લી રામૈયા જેમણે એક કરોડ વૃક્ષો વાવ્યા
• વિશ્વભરમાં ટ્રી મેન તરીકે પણ ઓળખવામાં આવે છે
• વૃક્ષો વાવવાની આદત જીવનનો હિસ્સો બની ગઈ

દુનિયા વિવિધ પ્રકારના લોકોથી ભરેલી છે. જેમાં કેટલાક એવા જુસ્સાદાર લોકો પણ છે કે જેના કારણે પૃથ્વી હરિયાળી રહે છે. એક તરફ આડેધડ વૃક્ષો કાપવામાં આવી રહ્યા છે, જંગલો નાશ પામી રહ્યા છે, હરિયાળીનો નાશ થઈ રહ્યો છે. આવી સ્થિતિમાં કોઈ પણ સ્વાર્થ વગર ધરતીને હરિયાળી બનાવનાર આ મહાન હસ્તીઓનો આપણે આભાર માનવો જોઈએ જે તેના અભિયાનમાં લાગેલા છે. તેમનું અભિયાન એટલા માટે પણ ખાસ છે કારણ કે તેમણે પોતાની જાતે જ આ અભિયાન શરૂ કર્યું હતું. તેમાંથી એક વ્યક્તિનું નામ છે દારીપલ્લી રામૈયા. રામૈયા તેલંગાણાના રહેવાસી છે અને ચારેબાજુથી સતત વૃક્ષો કપાઈ જવાની વચ્ચે તેણે કોઈ તેની સાથે આવે તેની રાહ જોઈ ન હતી અને એકલા જ વૃક્ષો વાવવાના અભિયાનમાં જોડાઈ ગયા હતા. પૃથ્વી પર હરિયાળી વધારવા માટે તેમણે અત્યાર સુધીમાં એક કરોડથી વધુ વૃક્ષો વાવ્યા છે. તેમની હિંમત અને અથાક પ્રયાસોને કારણે હવે તેમને ચિતા રામૈયા પણ કહેવામાં આવે છે.

🥦🥦🥦country need of you #Daripalliramaiah

Daripalli ramaiah is an Indian social worker known for his social 🥦forestry🥦 initiatives.He is the recipient of the Padma Shri award for the year 2017, for his invaluable contribution to extending tree cover.#salute🙏🙏you. pic.twitter.com/geSVF1HN6O

— sumit kamal (@sumitspystar) May 8, 2019

વિશ્વભરમાં ટ્રી મેન તરીકે પણ ઓળખવામાં આવે છે

દરિપલ્લી રામૈયાને વિશ્વભરમાં ટ્રી મેન તરીકે પણ ઓળખવામાં આવે છે. વૃક્ષારોપણની પ્રક્રિયા સતત ચાલી રહી છે. હવે તેની આદત એટલી વધી ગઈ છે કે જ્યારે પણ તે ઘરેથી નીકળે છે ત્યારે તે પોતાની સાથે બીજ અને છોડ લઈને નિકળે છે. તેની આ આદત જોઈને લોકોએ તેને પાગલ પણ કહ્યો પરંતુ તે અટક્યા નહીં અને આગળ વધતા જ ગયા. હવે તેણે એક કરોડથી વધુ વૃક્ષો અને છોડ વાવ્યા છે.

 

For over 4 decades, 'Tree Man' #DaripalliRamaiah has been a man on a mission to bring back green cover! He carries a bag of seeds & saplings and plants them on any barren patch he spots. So far, he has planted over 1 cr trees & earned a #PadmaShri for the same🙌 #AmritMahotsav pic.twitter.com/mCAT8qV65f

— Amrit Mahotsav (@AmritMahotsav) October 1, 2022

2017 માં પદ્મશ્રીથી સન્માનિત થયા પછી આવ્યા ચર્ચામાં

શરૂઆતમાં લોકોએ તેની મહેનત પર વધુ ધ્યાન આપ્યું ન હતું, પરંતુ વર્ષ 2017 માં જ્યારે તેને ભારત સરકાર દ્વારા પદ્મશ્રીથી નવાજવામાં આવ્યા ત્યારે તેને રાષ્ટ્રીય માન્યતા મળી. તેમના કામને લોકોમાં ઓળખ મળી. તેમના નિશ્ચય માટે તત્કાલિન રાષ્ટ્રપતિ પ્રણવ મુખર્જીએ તેમને દેશના ત્રીજા સર્વોચ્ચ નાગરિક પુરસ્કાર પદ્મશ્રીથી નવાજ્યા હતા. આ સાથે તેમને યુનિવર્સલ ગ્લોબલ પીસ એકેડમી તરફથી માનદ ડોક્ટરેટની પદવી પણ આપવામાં આવી છે. એટલું જ નહીં આંધ્ર પ્રદેશ સરકારે પણ તેમનું સન્માન કર્યું હતું.

 

Locally known as 'Chetla Ramaiah' or Vanajeevi, Mr. Daripalli Ramaiah is an Indian social worker known for his social forestry initiatives. He was honoured with the Padma Shri award for the year 2017, for his invaluable contribution to extending tree cover. pic.twitter.com/39esu5oO13

— Ministry of Jal Shakti 🇮🇳 #AmritMahotsav (@MoJSDoWRRDGR) October 1, 2021

બાળપણથી જ પ્રકૃતિ સાથે જોડાયેલા 

તેમનો જન્મ વર્ષ 1937માં થયો હતો. તેમનો જન્મ તેલંગાણાના ખમ્મમ જિલ્લાના રેડ્ડીપલ્લી ગામમાં થયો હતો. તેમનો અભ્યાસ લાંબો સમય ટકી શક્યો નહીં અને તે માત્ર ધોરણ 10 સુધી જ પોતાનો અભ્યાસ પૂરો કરી શક્યો. પરંતુ તેઓ બાળપણથી જ પ્રકૃતિ સાથે જોડાયેલા રહ્યા. તે તેની માતા સાથે શાકભાજી ઉગાડતી વખતે આ વસ્તુઓ જોતો હતો. પછી અહીંથી તેમના મનમાં વૃક્ષો અને છોડ માટેનો પ્રેમ ખીલ્યો, જે આજ સુધી ચાલુ છે.