Ukraine crisis / રોમાનિયા બોર્ડર પર ફસાયા ભારતીય વિદ્યાર્થીઓ, આજૂબાજૂની રેસ્ટોરંટમાં લાગ્યા 'No Indians allowed ' બોર્ડ

• રશિયા યુક્રેન વચ્ચે આજે યુદ્ધનો પાંચમો દિવસ
• રોમાનિયા બોર્ડર પર ફસાયા ભારતીયો
• ખાવા-પીવાની વ્યવસ્થા ન મળી

સૌથી ખરાબ સ્થિતિમાં યુક્રેનમાં ફસાયેલા ભારતીય વિદ્યાર્થીઓ રોમાનિયા બોર્ડર પર એકઠા થયા છે. ઘરે ક્યારે પાછા ફરશે તેની કોઈને ખબર નથી અને બોર્ડર પર ન તો રાત પસાર કરવાની કોઈ વ્યવસ્થા છે, ન ખાવા-પીવાની. સૌથી વધારે કમીનસીબીની વાત એ છે કે, બોર્ડરની આજૂબાજૂની જે રેસ્ટોરંટ છે, તેમણે ત્યાં નો ઈંડિયંસ અલાઉડના બોર્ડ મારી દીધા છે.  

આખી રાત ચાલીને બોર્ડર પર આવ્યા

ઝાંસીના રહેવાસી ડો. એસએસ સિંહ, જે હાલ મહોબાના એક રાજકીય મહાવિદ્યાલયમાં પ્રાચાર્ય છે, તેમનો દિકરો અખિલ યુક્રેનમાં મેડિકલનો વિદ્યાર્થી છે. હજારો અન્ય બાળકોની માફક તે પણ રોમાનિયા બોર્ડર પર ફસાઈ ગયો છે. અખિલેસ વાતચીતમાં જણાવ્યું છે કે, તેમની સાથે લગભગ દોઢસો વિદ્યાર્થીનું ગ્રુપ આખી રાત ચાલીને રોમાનિયા પહોંચ્યું છે. બોર્ડ સુધી લગભગ 10 કિમી પગપાળા ચાલીને અહીં પહોંચ્યા છે. અહીં સવારે સાત વાદ્યે બોર્ડર ખુલી તો, ફક્ત 60-70 બાળકોને અંદર લીધો અને ફરીથી બોર્ડર બંધ થઈ ગઈ.

6 હજાર જેટલા વિદ્યાર્થીઓ ફસાયેલા છે

કહેવાયું કે, સાંજ ચાર પાંચ વાગ્યે ફરીથી બોર્ડર ખોલવામાં આવશે. સૌથી મોટી મુશ્કેલી એ છે કે, કોઈ રોસ્ટર અથવા શિડ્યૂલ નક્કી નથી, કે કેટલા બાળકોને બોર્ડર પાસ કરવામાં આવશે. હજૂ પણ લગભગ 6 હજાર જેટલા વિદ્યાર્થીઓ ફસાયેલા છે. અખિલે જણાવ્યું છે કે, ખાવા માટે થોડાક બિસ્કિટ અને પેકેટની વ્યવસ્થા જોડે લઈને આવ્યા છીએ, સૌથી ખરાબ વાત એ છે કે, જો કોઈ ભારતીય રેસ્ટોરંટમાં ખાવા જાય તો, તેના માટે નો ઈંડિયંસ અલાઉડના બોર્ડ મારેલા જોવા મળે છે. 

માઈનસ તાપમાનમાં કેવી રીતે રહેવું

રોમાનિયામાં દિવસે તાપમાન 2-3 ડિગ્રી છે અને રાતના સમયે માઈનસમાં પહોંચી જાય છે. ત્યારે આવા સમયે બોર્ડર પાસે ન તો ટેંટની વ્યવસ્થા છે, ન તો કોઈ શેલ્ટર હોમ કે જ્યાં બાળકો રાત વિતાવી શકે. ઠુઠવાતી ઠંડીમાં ખુલ્લા આકાશ નીચે રાત વિતાવવા સિવાય અન્ય કોઈ રસ્તો નથી. આ ઉપરાંત અખિલ જણાવે છે કે, ખાવા માટે થોડા બિસ્કીટ અને પેકેટની વ્યવસ્થા તો સાથે લઈને આવ્યા છીએ. પણ અહીં રેસ્ટોરંટમાં અમને જવાની પરમિશન નથી.