મહામારી / મોદી સરકારનો મોટો નિર્ણય : દેશભરમાં 15 મે સુધી આ તમામ સ્થળો બંધ કરવાનો આદેશ

• પ્રવાસન મંત્રી પ્રહલાદ પટેલે ટ્વિટ કરીને આપી જાણકારી 
• તમામ ઐતિહાસિક સ્થળો 15 મે સુધી બંધ 
• એએસઆઈના સંરક્ષિત સ્થળોમાં પ્રવાસીઓની નો એન્ટ્રી 

કેન્દ્રીય સંસ્કૃતિ અને પ્રવાસન મંત્રી પ્રહલાદ પટેલે ટ્વિટ કરીને જણાવ્યું કે કોરોના મહામારીના વર્તમાન પ્ર્કોપને ધ્યાનમાં રાખતા સંસ્કૃતિ અને પ્રવાસન મંત્રાલયે ભારતીય પુરાતત્વ સર્વેક્ષણ વિભાગ દ્વારા સંરક્ષિત તમામ સ્મારકોને આગામી 15 મે સુધી બંધ રાખવાનો નિર્ણય કરાયો છે.

તાજમહેલ, કુતુબ મિનાર, જામા મસ્જિદ, લાલ કિલ્લામાં પ્રવાસીઓની નો એન્ટ્રી 

કેન્દ્ર સરકારના આ નિર્ણય બાદ એએસઆઈ (ભારતીય પુરાતત્વ વિભાગ) દ્વારા સંરક્ષિત દેશના તમામ ઐતિહાસિક સ્થળો અને મ્યુઝિયમો બંધ થઈ જશે. દેશના જાણીતા ઐતિહાસિક સ્થળોમાં તાજમહેલ, કુતુબ મિનાર, જામા મસ્જિદ, લાલ કિલ્લા સહિતના બીજા ઘણા સ્થળો સામેલ છે. 

कोरोना की महामारी के वर्तमान प्रकोप को देखते हुए @MinOfCultureGoI ने @ASIGoI के द्वारा संरक्षित सभी स्मारकों को आगामी 15 मई तक बंद रखने का फ़ैसला किया है @PMOIndia @tourismgoi @incredibleindia pic.twitter.com/EZX2jNQI9V

— Prahlad Singh Patel (@prahladspatel) April 15, 2021

આ ચાર અઠવાડિયા ભારત માટે મુશ્કેલી ભર્યા

એક મીડિયા રિપોર્ટ મુજબ કોરોના જે રીતે વધી રહ્યો છે.  તેને જોતા આશંકા વ્યક્ત કરવામાં આવી રહી છે કે અપ્રિલના મહિનામાં તે સૌથી ભયંકર સાબિત થવાનો છે. એક ન્યૂઝ ચેનલે પોતાના એક શોમાં જે મોર્ડલથી આ પ્રિડિક્શન કર્યુ છે તે મુજબ એપ્રિલ એટલે કે આ મહિનામાં દર રોજ 5 લાખ કેસ આવી શકે છે અને લગભગ 3થી 4 હજાર મોત થઈ શકે છે. એટલું જ નહીં દર રોજ 25 હજાર લોકો હોસ્પિટલમાં દાખલ થઈ શકે છે. જેમાં અંદાજો લગાવાઈ રહ્યો છે કે આ ચાર અઠવાડિયા ભારત માટે મુશ્કેલી ભર્યા છે.

લોકડાઉન છતાં કોરોનાની રફ્તાર અટકવાની નથી

તેવામાં સમગ્ર દેશમાં કોરોનાની બીજી લહેર ખતરનાક જોવા મળી રહી છે. પણ સૌથી વધારે કે મહારાષ્ટ્રના છે. મહારાષ્ટ્રમાં સ્થિતિ બહુ ખરાબ છે. જેના કારણે અહીં 15 દિવસનું લોકડાઉન લગાવવામાં આવ્યું છે. જો કે ચિંતાજનક વાત એ છે કે લોકડાઉન છતાં કોરોનાની રફ્તાર અટકવાની નથી. અહીં વધારે ભયંકર સ્થિતિ જોવા મળી શકે છે.