એક્શન / દુષ્કર્મ મામલે ગૃહમંત્રાલય લાલઘૂમ: રેપકેસ મામલે તપાસની ગાઈડલાઈન કરી જાહેર

• દુષ્કર્મના કેસમાં વધારો થતા MHAએ એડવાઇઝરી જાહેર કરી
• ગૃહમંત્રાલયે રાજ્ય સરકારોને આપી કડક સૂચના
• દરેક કેસમાં એક્શન જરૂરી છેઃ ગૃહમંત્રાલય 

MHA ઇન્ડિયન પીનલ કૉડ અને ક્રીમીનલ પ્રોસિજર કૉડની વિવિધ કલમો ટાંકીને ચેતવણી આપી હતી કે લાપરવાહી પુરવાર થશે એ રાજ્યની પોલીસ સામે કડક પગલાં લેવામાં આવશે. દરેક રાજ્ય અને કેન્દ્રશાસિત પ્રદેશ આ વાતની નોંધ લે એવું ગૃહ ખાતાએ જણાવ્યું હતું. ઇન્ડિયન પીનલ કૉડની કલમ 166 A (c) અન્વયે ફરિયાદ નહીં નોધનારા અધિકારી સજાપાત્ર ગુનો કરતા હતા એવું પણ ગાઈડલાઈનમાં જણાવવામાં આવ્યું છે. 

ઇન્ડિયન ક્રીમીન પ્રોસિજર કૉડની કલમ 164 -એ અન્વયે બળાત્કારની ફરિયાદ થાય એટલે ચોવીસ કલાકમાં પીડિતાની મેડિકલ તપાસ કરવા પોલીસ બંધાયેલી હતી.  આ જ કાયદાની 173મી કલમ હેઠળ બળાત્કારની તપાસ બે માસમાં પૂરી કરી નાખવાની જોગવાઇ હતી. એનો અમલ કરવા પોલીસ તંત્ર બંધાયેલું હતું.

શું છે ગૃહમંત્રાલયની એડવાઇઝરી?  

• દુષ્કર્મના કેસમાં FIR નોંધવી ફરજિયાત છે
• દરેક કેસમાં એક્શન જરૂરી છે
• પીડિતોને વારંવાર પોલીસ સ્ટેશનના ધક્કા ખાવા પડે છે
• FIR નોંધવામાં પોલીસ તરફથી આનાકાની ન કરવામાં આવે
• FIR ન નોંધવા પર પોલીસ સામે પણ સજાની જોગવાઇ છે
• દુષ્કર્મ કેસની તપાસ બે મહિનામાં કરવાની જોગવાઇ છે
• મૃત વ્યક્તિનું નિવેદન કેસમાં મહત્વનું હશે
• ફોરેન્સિંક પૂરાવા એકઠા કરવા અને સ્ટોર કરવાને લઇ ગાઇડલાઇનનું પાલન કરો
• પોલીસ જોગવાઇનું પાલન નહીં કરે તો ન્યાય નહીં મળી શકે
• બેદરકારી સામે આવે તો અધિકારીઓ સામે કડક કાર્યવાહી કરો