જાણવા જેવું.. / કારની પાછળ કેમ લખાય છે L? નિયમ જાણી લેજો, નહીંતર 500 થી 1000 સુધીનો થશે દંડ

રસ્તા પર ચાલતી વખતે તમે આવા વાહનો જોયા હશે જેની આગળ કે પાછળ સ્ટીકર પર L અક્ષર લખાયેલો હોય. પરંતુ શું તમે ક્યારેય વિચાર્યું છે કે તેનો અર્થ શું છે અને શા માટે આવા વાહનોથી દૂર રહેવાની સલાહ આપવામાં આવે છે. જો તમે આ વાહનોની આસપાસ હાજર હોવ તો નાની ભૂલ પણ તમારો જીવ ગુમાવી શકે છે.

જે વાહનો પર L લખેલું હોય તેનો અર્થ એ થાય છે કે તે વાહનનો ડ્રાઈવર હજી નવો છે અને ડ્રાઇવિંગ શીખી રહ્યો છે. આવી સ્થિતિમાં કોઈ પણ રસ્તે ચાલતા વ્યક્તિએ સમજવું જોઈએ કે તેનાથી અંતર રાખવું કે તેને જગ્યા આપવી. આરટીઓ દ્વારા નવા ડ્રાઇવરને ડ્રાઇવિંગ માટે કેટલાક નિયમોનું પાલન કરવા માટે છૂટ આપવામાં આવે છે. પરંતુ કેટલીક વખત બેદરકારીના કારણે અકસ્માતો પણ સર્જાય છે. ઘણી વખત લોકો ભયાનક અકસ્માતોને કારણે જીવ પણ ગુમાવે છે.

લર્નિંગ લાયસન્સનો અર્થ શું છે?

જો કોઈ વ્યકિતને જાણકાર વ્યક્તિ પાસે કાર, બાઇક અથવા કોઈપણ વાહન ચલાવવાની છૂટ આપવામાં આવે તો તેને લર્નિંગ લાયસન્સ આપવામાં આવે છે. લર્નિંગ લાયસન્સ મેળવવા માટે એક ટેસ્ટ આપવી પડે છે, ત્યારબાદ આરટીઓ તરફથી લર્નિંગ લાયસન્સ આપવામાં આવે છે. આ લાયસન્સની માન્યતા 6 મહિનાની છે. આ પછી તેને કાયમી કરવાની રહેશે. લર્નર લાયસન્સનાં 30 દિવસ પછી જ કાયમી ડ્રાઇવિંગ લાઇસન્સ મેળવી શકે છે.

વધુ વાંચો : ઘરે બેઠા જાતે જ કરો તમારા બાઈકની સર્વિસ, ફોલો કરો આ ઈઝી સ્ટેપ્સ

લાઇસન્સના નિયમો શું છે?

લર્નિંગ લાયસન્સ લેનાર વ્યક્તિને એકલા વાહન ચલાવવાની મંજૂરી નથી. આમ કરવા પર 500 થી 1000 રૂપિયા સુધીનો દંડ થઈ શકે છે. મુખ્ય માર્ગને બદલે તમે ખુલ્લા મેદાન અથવા કોલોનીમાં વાહન ચલાવી શકો છો. પરંતુ આ માટે તમારે વાહનની આગળ કે પાછળ લાલ રંગમાં 'L' લખેલું હોવું જરૂરી છે. જેથી અન્ય ડ્રાઇવરોને ખબર પડે કે તમે હજુ પણ શીખવાના સમયગાળામાં છો.