IPL 2023 / એકસમયે IPLમાં કોઇએ ભાવ પણ નહોતો પૂછ્યો, હવે હેટ્રિક લઇ આ પ્લેયરે ધમાલ મચાવી

• પાકિસ્તાને T20 સીરિઝના પહેલા મેચમાં ન્યૂઝીલેન્ડને 88 રનથી હરાવ્યું 
• આ વચ્ચે ન્યૂઝીલેન્ડના મેટ હેનરી માટે આ મેચ યાદગાર બની
• આ ફાસ્ટ બોલરે મેચમાં હેટ્રિક લીધી હતી

પાકિસ્તાને શુક્રવારે લાહોરના ગદ્દાફી સ્ટેડિયમમાં રમાયેલી T20 સીરિઝના પહેલા મેચમાં ન્યૂઝીલેન્ડને 88 રનના મોટા અંતરથી હરાવ્યું હતું. જણાવી દઈએ કે પાકિસ્તાનના 182 રનના જવાબમાં ન્યૂઝીલેન્ડની ટીમ 94 રનમાં ઓલઆઉટ થઈ ગઈ હતી અને આ મેચમાં પાકિસ્તાન તરફથી હરિસ રઉફે સૌથી વધુ ચાર વિકેટ લીધી હતી. જણાવી દઈએ કે આ ઝડપી બોલરે આ મેચમાં તેના કરિયરનું સૌથી સર્વશ્રેષ્ઠ પ્રદર્શન આપ્યું હતું. જો કે આ બધાની વચ્ચે ન્યૂઝીલેન્ડના મેટ હેનરી માટે પણ આ મેચ યાદગાર બની ગઈ છે કારણ કે આ ફાસ્ટ બોલરે મેચમાં હેટ્રિક લીધી હતી.

Hat-trick hero Matt Henry ☝️

He is the fourth New Zealand player to register a hat-trick in T20Is.#PAKvNZ | #CricketMubarak pic.twitter.com/QgrAiorBGS

— Pakistan Cricket (@TheRealPCB) April 14, 2023

હેનરીએ પૂરી કરી હેટ્રિક 
બારમી ઓવરના પાંચમા બોલમાં પર હેનરીએ બોલિંગ કરી અને તેના પર શાદાબ ખાન વિકેટ પાછળ કેચ આઉટ થયો. એ પછી એ ઓવરની છેલ્લી બોલમાં  ઇફ્તિખાર અહેમદ આઉટ થયો. આ બોલ અથડાયા બાદ ઓફ-સ્ટમ્પ તરફ એન્ગલ સાથે અંદર આવ્યો હતો અને બોલ બેટની બહારની કિનારી લઈને વિકેટકીપરના ગ્લોવ્સમાં ગયો.  જો કે એ સમયે વિકેટકીપર કે અમ્પાયર બંને બોલરની અપીલ સાથે સહમત ન હતા પણ બોલર હેનરી અડગ રહ્યો  એ બાદ લાથમે રિવ્યુ લેવાનું નક્કી કર્યું હતું. 

Shadab Khan ☝️
Iftikhar Ahmed ☝️
Shaheen Afridi ☝️

A hat-trick for Matt Henry in the first T20I at the GSL. #PAKvNZ | #CricketMubarak pic.twitter.com/h6bZP6O1hM

— Pakistan Cricket (@TheRealPCB) April 14, 2023

નોંધનીય છે કે આ પછી લાથમે 19મી ઓવરમાં હેનરીને બોલિંગ કરવા માટે બોલાવ્યો હતો અને તેને પહેલા જ બોલ પર શાહીન શાહ આફ્રિદીને આઉટ કરીને પોતાની ત્રણે વિકેટ પૂરી કરી હતી. એ બોલ પર આફ્રિદીએ ધમાકેદાર શોટ રમ્યો હતો પણ ડેરેલ મિશેલે બોલને લોંગ ઓન પર કેચ કર્યો. એ સમયે લાગ્યું કે આ બોલ બાઉન્ડ્રી પાર જશે પણ તે કેચ આઉટ થયો હતો. 

જણાવી દઈએ કે હેનરી IPL 2023ના ઓક્શનમાં અનસોલ્ડ રહ્યો હતો. ઓક્શનમાં તેની બેઝ પ્રાઇસ 1 કરોડ હતી પણ એ સમયે કોઈ ટીમે તેને ખરીદ્યો નહતો.