રાજનીતિ / 'જો સમર્થન મળ્યું તો..', INDIA ગઠબંધનના સવાલ પર મમતા બેનર્જીનો ધારદાર જવાબ

• મમતા બેનર્જી 12 દિવસ દુબઈ અને સ્પેનના પ્રવાસે
• શ્રીલંકાના રાષ્ટ્રપતિ રાનિલ વિક્રમસિંઘે સાથે મુલાકાત કરી
• INDIA ગઠબંધન પર મમતા બેનર્જીએ આપ્યો મજેદાર જવાબ

પશ્ચિમ બંગાળના મુખ્યમંત્રી મમતા બેનર્જી 12 દિવસ દુબઈ અને સ્પેનના પ્રવાસે છે. મમતા બેનર્જીએ બુધવારના રોજ શ્રીલંકાના રાષ્ટ્રપતિ રાનિલ વિક્રમસિંઘે સાથે મુલાકાત કરી અને નવેમ્બરમાં સ્ટેટ બિઝનેસ સમિટ માટે આમંત્રણ પણ આપ્યું હતું. આ દરમિયાન શ્રીલંકાના રાષ્ટ્રપતિએ મમતા બેનર્જીને પૂછ્યું હતું કે, ‘શું તમે INDIA ગઠબંધનનું નેતૃત્ત્વ કરશો.’ આ બાબતે મમતા બેનર્જીએ જવાબ આપ્યો હતો કે, ‘જો લોકોનું સમર્થન મળશે, તો જરૂરથી સત્તામાં આવીશું.’

His Excellency The President of Sri Lanka Ranil Wickremesinghe saw me at the Dubai International Airport Lounge and called me to join for some discussion. I have been humbled by his greetings and invited him to the Bengal Global Business Summit 2023 in Kolkata. HE the President… pic.twitter.com/14OgsYjZgF

— Mamata Banerjee (@MamataOfficial) September 13, 2023

પશ્ચિમ બંગાળના મુખ્યમંત્રી મમતા બેનર્જી જણાવે છે કે, દુબઈમાં એરપોર્ટ લાઉન્જમાં શ્રીલંકાના રાષ્ટ્રપતિ રાનિલ વિક્રમસિંઘેએ તેમને જોતા વાતચીત કરવા માટે બોલાવ્યા હતા. હું તેમના અભિવાદનથી અભિભત થઈ અને તેમનો કોલકત્તામાં થી રહેલ બંગાલ ગ્લોબલ બિઝનેસ સમિટ 2023 માટે આમંત્રણ આપ્યું. મમતા બેનર્જી જણાવે છે કે, શ્રીલંકાના રાષ્ટ્રપતિએ તેમને શ્રીલંકાના પ્રવાસ માટે આમંત્રણ આપ્યું છે. 

પશ્ચિમ બંગાળના મુખ્યમંત્રી મમતા બેનર્જી મંગળવારે દુબઈ પહોંચ્યા હતા, બુધવારે તેમણે દુબઈથી સ્રેન માટે ઉડાન ભરી. મમતા બેનર્જી દુબઈ અને સ્પેન યાત્રા દરમિયાન રાજ્યમાં રોકાણને પ્રોત્સાહન માટે બિઝનેસ સમિટમાં ભાગ લેશે. 

વિપક્ષી દળોએ ‘INDIA’ ગઠબંધન બનાવ્યું
વિપક્ષી દળોએ એકસાથે મળીને વર્ષ 2024ની લોકસભા ચૂંટણી માટે ‘INDIA’ ગઠબંધન બનાવ્યું છે. શરાતમાં કોંગ્રેસ, TMC, NCP, શિવસેના, રાજદ, આપ, જદયૂ, CPI, CPM. JMM સહિત 26 દળ શામેલ થયા હતા. ત્યારપછી તેમાં અન્ય બે દળ શામેલ થયા. આ વિપક્ષી દળમાં પ્રધાનમંત્રી પદના ઉમેદવાર માટે કોઈ નિર્ણય કરવામાં આવ્યો નથી. તે બાબતે ભાજપ સતત ‘INDIA’ ગઠબંધન પર નિશાન સાધી રહી છે.