લશ્કરી નિમણૂંક / BIG NEWS : નરવણેના સ્થાને લેફ્ટ.જનરલ મનોજ પાંડે બનશે દેશના આર્મી ચીફ, સરકારે આપી લીલીઝંડી

• લેફ્ટ.જનરલ મનોજ પાંડે બનશે દેશના આર્મી ચીફ
• કેન્દ્ર સરકારે નિયુક્તીને આપી લીલીઝંડી
• મનોજ પાંડે બનશે દેશના પહેલા એન્જિનિયર આર્મી ચીફ 

કેન્દ્ર સરકારે દેશના નવા આર્મી ચીફ તરીકે  જનરલ મનોજ પાંડેના નામ પર મહોર લગાવી દીધી છે. લેફ્ટિનેન્ટ જનરલ મનોજ પાંડે આર્મી ચીફ તરીકે નિયુક્ત થનારા દેશના પહેલા એન્જિનિયર બનશે.  જનરલ મનોજ પાંડે 30 એપ્રિલે નિવૃત થનારા નરવણેનું સ્થાન ગ્રહણ કરશે. 

Lt Gen Manoj Pande becomes first engineer to be appointed as Army Chief pic.twitter.com/lHh5vWBW2G

— ANI (@ANI) April 18, 2022

આર્મી ચીફ બનનારા મનોજ પાંડે દેશના પહેલા એન્જિનિયર 

મનોજ પાંડે દેશના પહેલા એન્જિનિયર હશે જેમને આર્મી ચીફની કમાન સોંપવામાં આવી છે.30 એપ્રિલે લેફ્ટિનેન્ટ જનરલ મનોજ પાંડેને ભારતીય સેનાની કમાન સોંપવામાં આવશે. 

આર્મી ચીફ મનોજ મુકુંદ નરવણે 30 એપ્રિલે થઈ રહ્યાં છે નિવૃત 

ઉલ્લેખનીય છે કે હાલના આર્મી ચીફ મનોજ મુકુંદ નરવણે (જનરલ એમએમ નરવણે) આ મહિનાના અંતમાં નિવૃત્ત થઈ રહ્યા છે. મનોજ મુકુંદ નરવાણે બાદ લેફ્ટિનેન્ટ જનરલ મનોજ પાંડે આર્મીમાં સૌથી વરિષ્ઠ અધિકારી છે. ચીફ ઓફ ડિફેન્સ સ્ટાફ (સીડીએસ)ના પદ માટેની સ્પર્ધામાં જનરલ એમ.એમ.નરવણેને સૌથી આગળ માનવામાં આવે છે.

કોણ છે લેફ્ટનન્ટ જનરલ મનોજ પાંડે?
લેફ્ટનન્ટ જનરલ મનોજ પાંડેને ડિસેમ્બર 1982 માં કોર્પ્સ ઓફ એન્જિનિયર્સમાં નિયુક્ત કરવામાં આવ્યા હતા. તેઓ સ્ટાફ કોલેજ, કેમ્બર્લી (યુકે)ના સ્નાતક છે અને તેમણે દિલ્હીની આર્મી વોર કોલેજ, મહુ અને નેશનલ ડિફેન્સ કોલેજમાં હાયર કમાન્ડના અભ્યાસક્રમોમાં પણ ભાગ લીધો હતો. લેફ્ટનન્ટ જનરલ મનોજ પાંડેએ પોતાની 37 વર્ષની સેવામાં ઓપરેશન વિજય અને ઓપરેશન પરાક્રમમાં સક્રિય રીતે ભાગ લીધો છે. 

Lt Gen Manoj Pande would be the 29th Chief of Army Staff and would be succeeding General Manoj Mukund Naravane who is scheduled to superannuate on April 30 pic.twitter.com/jBn1gANl7m

— ANI (@ANI) April 18, 2022

39 વર્ષની લશ્કરી કરિયર ધરાવે છે જનરલ મનોજ પાંડે 

39 વર્ષની સૈન્ય કારકિર્દીમાં લેફ્ટનન્ટ જનરલ મનોજ પાંડેએ વેસ્ટર્ન થિયેટરમાં એન્જિનિયર બ્રિગેડ, એલઓસી પર ઇન્ફન્ટ્રી બ્રિગેડ, લદ્દાખ સેક્ટરમાં એક પર્વતીય વિભાગ અને ઉત્તર-પૂર્વમાં એક કોર્પ્સની કમાન સંભાળી છે. ઈસ્ટર્ન કમાન્ડનો હોદ્દો સંભાળતા પહેલા તેમણે આંદામાન અને નિકોબાર કમાન્ડના કમાન્ડર-ઇન-ચીફનો હવાલો સંભાળ્યો હતો.