લૉકડાઉન / સ્પેશ્યલ ટ્રેન જવાની હોવાની અફવાને લીધે મુંબઈમાં બાન્દ્રામાં હજારોનું ટોળું ભેગું થયું હતું : મુંબઈ પોલીસ

• મુંબઈના બાંદ્રામાં લોકડાઉનની ઐસી તૈસી
• હજારોનું ટોળું બાંદ્રા સ્ટેશન પર ભેગું થયું
• પોલીસે કહ્યું અફવાના કારણે આ ઘટના બની

પ્રાપ્ત થતી વિગત અનુસાર, બાદ્રા ખાતે મોટી સંખ્યામાં મજૂરો રસ્તા પર ઉતરી આવ્યા હતા અને હોબાળો મચાવ્યો હતો. આ સાથે અન્ય રાજ્યોમાંથી આવતા મજૂરોએ પોતાના વતન જવા માટેની પણ માગ ઉચ્ચારી હતી. 

પોલીસે કહ્યું અફવાને કારણે સર્જાઈ આ ઘટના

જો કે મહારાષ્ટ્ર પોલીસે આ બાબતે જાણ કરતા કહ્યું હતું કે આ ઘટના સર્જાવાનું કારણ અફવા છે. એવી વાત ઉડી હતી કે સ્પેશ્યલ ટ્રેનનું આયોજન કરવામાં આવ્યું છે અને આ અફવાને કારણે લોકો અહીં ઊમટી પડ્યાં હતાં.

આદિત્ય ઠાકરેએ કેન્દ્ર સરકાર પર નિશાન સાધ્યું

આ સમગ્ર ઘટનાને લઈને મહારાષ્ટ્રના મંત્રી આદિત્ય ઠાકરેએ કેન્દ્ર સરકાર પર નિશાન સાધ્યું હતું. તેમણે કહ્યું કે બાન્દ્રા સ્ટેશન પરથી મજૂરોને હટાવી દેવાયા છે. ગુજરાતમાં પણ થોડા દિવસ અગાઉ મજૂરોએ દેખાવો કર્યા હતાં. આ કેન્દ્ર સરકાર તેમના વતન પરત મોકલવાના નિર્ણય નહીં લઈ શકવાનું પરિણામ છે. તેમને ફૂડ કે આશરો નથી જોઈતું, તેઓ પોતાના વતન પરત જવા માંગે છે. 

The current situation at Bandra Station, now dispersed or even the rioting in Surat is a result of the Union Govt not being able to take a call on arranging a way back home for migrant labour. They don’t want food or shelter, they want to go back home

— Aaditya Thackeray (@AUThackeray) April 14, 2020

 

દિલ્હી અને સુરતમાં પણ પહેલા બની ચૂકી છે આવી ઘટના 

આપને જણાવી દઇએ કે, આ પહેલા રાજધાની દિલ્હીમાં પણ મોટી આનંદવિહાર ખાતે સંખ્યામાં મજૂરોએ એકઠા થઇને પોતાનો વિરોધ નોંધાવ્યો હતો તો તાજેતરમાં જ ગુજરાતના સુરત ખાતે પણ પર પ્રાંતિય મજૂરોએ ઘરે જવા માટે ટાયર સળગાવીને પોતાનો વિરોધ દર્શાવ્યો હતો.