કોરોના / શું 17 મે બાદ વધશે લૉકડાઉન? કેન્દ્રીય મંત્રી ડૉ હર્ષવર્ધને આપ્યો આવો જવાબ

Kavan

Last Updated: 11:26 PM, 9 May 2020

FOLLOW ON

શેર કરો

કોરોના વાયરસને કારણે સમગ્ર દેશમાં લૉકડાઉન સતત ત્રીજી વખત લંબાવવામાં આવ્યું છે. જો કે, તેમછતાં કોરોના પોઝિટિવ દર્દીઓની સંખ્યામાં સતત વધારો થઇ રહ્યો છે. ત્યારે લૉકડાઉન હજી લંબાવવું કે નહીં તે અંગે કેન્દ્ર સરકાર મહામંથન કરી રહી છે ત્યારે આજરોજ કેન્દ્ર સરકારના સ્વાસ્થ્ય મંત્રી ડો. હર્ષવર્ધને એક ખાનગી ચેનલના કાર્યક્રમાં વિસ્તૃત રીતે જાણકારી આપી હતી.

દેશમાં કોરોનાને કહેર
કેન્દ્રીય મંત્રી હર્ષવર્ધને લૉકડાઉનને લઇને આપ્યું નિવેદન

ડો.હર્ષવર્ધને કહ્યું કે કોરોના વાયરસને કારણે લોકડાઉન આગળ વધશે કે નહીં, ઘણી બાબતો જોયા પછી નિર્ણય લેવામાં આવશે. તેમણે કહ્યું કે વડા પ્રધાન આ અંગે તમામ રાજ્યોના મુખ્યમંત્રીઓ સાથે વાત કરી રહ્યા છે. આ સાથે જ તેમની સતત વિડીયો કોન્ફરન્સ કરી રહ્યા છે. મુખ્યમંત્રીઓ દ્વારા રાજ્યોનું વિશ્લેષણ જ્યારે વડા પ્રધાન મોદી સુધી પહોંચશે, ત્યારે તે તે વિશે નિષ્ણાતોનો અભિપ્રાય લેશે.

લૉકડાઉન અંગે નવો નિર્ણય 16 મેના રોજ લેવાઇ શકે

એક્સપર્ટની સલાહ લીધા બાદ લૉકડાઉન આગળ વધારવા અંગે અંતિમ નિર્ણય લેવામાં આવશે. કેન્દ્રીય સ્વાસ્થ્ય મંત્રીએ એમ પણ જણાવ્યું હતું કે, પ્રધાનમંત્રી મોદી દેશની 135 કરોડ જનતાના હિતને ધ્યાનમાં રાખીને નિર્ણય લેતા હોય છે. ત્યારે લૉકડાઉન વધશે કે નહીં તેના પર અંતિમ નિર્ણય 16 મેના રોજ આવશે.

દેશમાં કોરોનાના દર્દીની સંખ્યા 59 હજારને પાર

આપને જણાવી દઇએ કે, દેશભરમાં કોરોના પીડિતોની સંખ્યા 59 હજારને પાર પહોંચી છે. તો કોરોનાને કારણે દેશમાં અત્યાર સુધીમાં 1900થી વધુ લોકોના મોત થયાં છે. આ સાથે જ કેન્દ્રીય મંત્રીએ લૉકડાઉન ધીમે-ધીમે હટાવવાનો પણ ઉલ્લેખ કર્યો હતો.

સંકળાયેલા મુદ્દાઓ

Coronavirus dr harshvardhan lockdown કોરોના વાયરસ coronavirus