INS તારાગીરી / ભારતીય નૌકાદળ માટે આજનો દિવસ ઐતિહાસિક, 75 ટકા સ્વદેશી ઉપકરણો ધરાવતી INS તારાગીરીનું લોન્ચિંગ

• 11 સપ્ટેમ્બર એટલે કે આજે  નૌકાદળના સ્વદેશી સ્ટીલ્થ ફ્રિગેટ 'તારાગિરી'ના પ્રક્ષેપણ થશે 
• આ યુદ્ધ જહાજમાં લગભગ 75 ટકા સ્વદેશી ઉપકરણોનો ઉપયોગ કરવામાં આવશે
• યુદ્ધ જહાજ 'તારાગિરી'નું વજન 3510 ટન,  ટોપ સ્પીડ 28 નોટ્સ (52 KMPH)થી વધુ હશે

દુશ્મનોને જડબાતોડ જવાબ આપવા માટે ભારતીય સેનાને વધુ મજબૂત બનાવવા માટે સતત કામ ચાલી રહ્યું છે. આધુનિક હથિયારો, મિસાઈલ, હેલિકોપ્ટરથી લઈને મોટા યુદ્ધ જહાજોને સેનામાં સામેલ કરવામાં આવી રહ્યા છે. ભારતનું પ્રથમ સ્વદેશી વિમાનવાહક જહાજ INS વિક્રાંત થોડા દિવસ પહેલા જ ભારતીય નૌકાદળને સોંપવામાં આવ્યું છે.  જોકે હવે દેશ 11 સપ્ટેમ્બરના રોજ ભારતીય નૌકાદળના સ્વદેશી સ્ટીલ્થ ફ્રિગેટ 'તારાગિરી'ના પ્રક્ષેપણનો સાક્ષી બનવા માટે તૈયાર છે.

છેલ્લા કેટલાક વર્ષોમાં ભારતની છબી શસ્ત્રો અને યુદ્ધ જહાજોના 'ખરીદનાર'માંથી 'નિર્માતા'માં બદલાઈ રહી છે. ભારતમાં 1964 થી 90 થી વધુ નાનાથી મોટા એરક્રાફ્ટ કેરિયર્સ બનાવવામાં આવ્યા છે.  મહત્વનું છે કે, ભારતીય નૌકાદળની ત્રીજી સ્ટીલ્થ ફ્રિગેટ તારાગિરી પ્રોજેક્ટ 17A હેઠળ બનાવવામાં આવી રહી છે. તે મુંબઈ સ્થિત મઝાગોન ડોક શિપબિલ્ડર્સ લિમિટેડ (MDL) દ્વારા લોન્ચ કરવામાં આવશે. આ યુદ્ધ જહાજમાં લગભગ 75 ટકા સ્વદેશી ઉપકરણોનો ઉપયોગ કરવામાં આવશે. તારાગિરી 10 સપ્ટેમ્બર, 2020 થી નિર્માણાધીન છે. મીડિયા રિપોર્ટ્સ અનુસાર, ઓગસ્ટ 2025 સુધીમાં તેની ડિલિવરી અપેક્ષિત છે.

Taragiri, a Project 17A Frigate to be launched at Mazagon Dock Shipbuilders Limited, Mumbai on 11 Sep 22

P17A ships have been designed in-house by Indian @indiannavy’s Warship Design Bureau which is pioneer organization for all warship design activitieshttps://t.co/zOKI3QrE47

— PIB India (@PIB_India) September 10, 2022

 'તારાગિરી'ની શું છે ખાસિયત ?

યુદ્ધ જહાજ 'તારાગિરી'નું વજન 3510 ટન છે. તારાગીરીને ભારતીય નૌકાદળના ઇન-હાઉસ બ્યુરો ઓફ નેવલ ડિઝાઇન દ્વારા ડિઝાઇન કરવામાં આવી છે. 149 મીટર લાંબુ અને 17.8 મીટર પહોળું જહાજ બે ગેસ ટર્બાઇન અને બે મુખ્ય ડીઝલ એન્જિનના સંયોજન દ્વારા સંચાલિત થશે. તેની ટોપ સ્પીડ 28 નોટ્સ (લગભગ 52 કિમી પ્રતિ કલાક)થી વધુ હશે. INS તારાગિરીનું વિસ્થાપન 6670 ટન છે. તે સમુદ્રના મોજાને તોડીને મહત્તમ 59 કિમી પ્રતિ કલાકની ઝડપે દોડી શકે છે. આ સ્વદેશી યુદ્ધ જહાજ પર 35 અધિકારીઓની સાથે 150 લોકો તૈનાત થઈ શકે છે.